ಗಣೇಶ ಹಬ್ಬಕ್ಕೆ ಕಾಯಿ ಮೋದಕ ರೆಸಿಪಿ

ನಮ್ಮೆಲ್ಲರ ನೆಚ್ಚಿನ ಗಣೇಶ ಹಬ್ಬ ಸಮೀಪಿಸುತ್ತಿದೆ. ಸೆಪ್ಟೆಂಬರ್‌ 10ಕ್ಕೆ ಗಣೇಶ ಹಬ್ಬವನ್ನು ಆಚರಿಸಲಾಗುವುದು. ಗಣೇಶ ಹಬ್ಬಕ್ಕೆ ಮೋದಕ ಇಲ್ಲದೇ ಹಬ್ಬ ಆಚರಿಸಲು ಸಾಧ್ಯವೇ? ಗಣೇಶನಿಗೆ ಮೋದಕಗಳೆಂದರೆ ತುಂಬಾ ಪ್ರಿಯವಾದದ್ದು. ಗಣೇಶ ಹಬ್ಬದಂದು ವಿಧ-ವಿಧವಾದ ಮೋದಕಗಳನ್ನು ತಯಾರಿಸಲಾಗುವುದು. ನಾವಿಲ್ಲಿ ಕಾಯಿ ಮೋದಕದ ರೆಸಿಪಿ ನೀಡಿದ್ದೇವೆ.

Coconut Modak Recipe, ಗಣೇಶ ಹಬ್ಬಕ್ಕೆ ಕಾಯಿ ಮೋದಕ ರೆಸಿಪಿ

Coconut Modak Recipe, ಗಣೇಶ ಹಬ್ಬಕ್ಕೆ ಕಾಯಿ ಮೋದಕ ರೆಸಿಪಿ

Prep Time

1 Hours0 Mins

Cook Time

15M

Total Time

1 Hours15 Mins

Recipe By: Reena TK

Recipe Type: sweet

Serves: 10

Ingredients

• ಬೇಕಾಗುವ ಸಾಮಗ್ರಿ

  2 ಕಪ್ ಅಕ್ಕಿ ಹಿಟ್ಟು

  1 ಕಪ್ ನೀರು

  1 ಚಮಚ ತುಪ್ಪ

  1/2 ಚಮಚ ಉಪ್ಪು

  ಮೋದಕ ಒಳಗೆ ತುಂಬಲು

  2 ಕಪ್ ತೆಂಗಿನ ತುರಿ

  1 ಕಪ್ ಬೆಲ್ಲದ ಪುಡಿ

  1 ಚಮಚ ತುಪ್ಪ

  1/2 ಚಮಚ ಏಲಕ್ಕಿ

How to Prepare

• ತಯಾರಿಸುವ ವಿಧಾನ:

  * ಮೊದಲಿಗೆ ಮೋದಕದ ಒಳಗೆ ತುಂಬಲು ರೆಡಿ ಮಾಡಬೇಕು.

  * ನಂತರ ಮೋದಕ ಹಿಟ್ಟು ತಯಾರಿಸಬೇಕು.

  * ಮೋದಕ ತಯಾರಿಸುವುದು

  * ಮೋದಕ ಬೇಯಿಸುವುದು

Instructions

• ಸಲಹೆ: ನೀವು ಮೋದಕ ಮಾಡುವಾಗ ತುಂಬಾ ನುಣ್ಣನೆ ಪುಡಿ ಮಾಡಿದ ಹಿಟ್ಟು ಹಾಕಿ. (ಮೋದಕ ತಯಾರಿಸಲು ಹಿಟ್ಟು ಸಿಗುತ್ತದೆ, ಅದರಿಂದಲೂ ಮಾಡಬಹುದು. * ಹಿಟ್ಟು ಸ್ವಲ್ಪ ಬಿಸಿ ಬಿಸಿ ಇರುವಾಗಲೇ ಉಂಡೆ ಕಟ್ಟಿ ತಟ್ಟಿ ಮೋದಕ ತಯಾರಿಸಿ. * ಮೋದಕ ಹಿಟ್ಟು ತೆಳುವಾಗಿರಲಿ. ತುಂಬಾ ದಪ್ಪವಿದ್ದರೆ ಅಷ್ಟು ರುಚಿಯಿರಲ್ಲ.

Nutritional Information

• ಸರ್ವ್ - 1 ಮೋದಕ
• ಕ್ಯಾಲೋರಿ - 140ಕ್ಯಾ
• ಕೊಬ್ಬು - 4.4 ಗ್ರಾಂ
• ಕಾರ್ಬ್ಸ್ - 20ಗ್ರಾಂ
• ನಾರಿನಂಶ - 2ಗ್ರಾಂ

ಮೋದಕ ಒಳಗೆ ತುಂಬಲು
* ಕಡಾಯಿಯನ್ನು ಬಿಸಿ ಮಾಡಿ ಒಂದು ಚಮಚ ತುಪ್ಪ ಹಾಕಿ.
* ಈಗ ಅದರಲ್ಲಿ 2 ಕಪ್ ತೆಂಗಿನ ತುರಿ ಹಾಕಿ ಹುರಿಯಿರಿ. ತೆಂಗಿನಕಾಯಿಯಿಂದ ಒಳ್ಳೆಯ ವಾಸನೆ ಬರುವವರೆಗೆ ಫ್ರೈ ಮಾಡಿ.
* ಈಗ 1 ಕಪ್ ಬೆಲ್ಲ ಹಾಕಿ ಮಿಕ್ಸ್ ಮಾಡಿ
* ಬೆಲ್ಲ ಕರಗಿ, ತೆಂಗಿನಕಾಯಿ ಹಾಕಿ ಮಿಶ್ರ ಮಾಡಿ, ಅದು ಗಟ್ಟಿಯಾಗುವವರೆಗೆ ಸೌಟ್‌ನಿಂದ ಆಡಿಸುತ್ತಾ ಬೇಯಿಸುತ್ತಾ ಇರಿ.
* ಮಿಶ್ರಣ ಗಟ್ಟಿಯಾದ ಬಳಿಕ ಉರಿ ಆಫ್‌ ಮಾಡಿ ತೆಗೆದಿಡಿ.

ಮೋದಕ ಹಿಟ್ಟು ತಯಾರಿಸುವುದು ಹೇಗೆ?
* ಒಂದು ದೊಡ್ಡ ಕಡಾಯಿ ತೆಗೆದು ಅದರಲ್ಲಿ 1 ಕಪ್ ನೀರು ಹಾಕಿ.
* ನೀರನ್ನು ಬಿಸಿ ಮಾಡಿ, ಅದರಲ್ಲಿ 1 ಚಮಚ ತುಪ್ಪ, 1/2 ಚಮಚ ಉಪ್ಪು ಹಾಕಿ.
* ನೀರು ಚೆನ್ನಾಗಿ ಕುದಿಯಲಿ.
* ನೀರು ಕುದಿಯಲಾರಂಭಿಸಿದಾಗ ಅಕ್ಕಿ ಹಿಟ್ಟು ಹಾಕಿ, ಅಕ್ಕಿ ಹಿಟ್ಟು ಮೆಲ್ಲನೆ ಸುರಿಯಿರಿ, ಸುರಿಯುವಾಗ ಹಿಟ್ಟು ಗಂಟು ಕಟ್ಟದಿರಲು ಸೌಟ್‌ನಿಂದ ತಿರುಗಿಸುತ್ತಾ ಇರಿ.
* ಉರಿ ಕಡಿಮೆ ಮಾಡಿ ಹಿಟ್ಟನ್ನು ತಿರುಗಿಸುತ್ತಲೇ ಬೇಯಿಸಿ.
* ನಂತರ ಉರಿಯಿಂದ ಇಳಿಸಿ ಒಂದು 5 ನಿಮಿಷ ತಣ್ಣಗಾಗಲು ಇಡಿ.

ಮೋದಕ ಮಾಡುವ ವಿಧಾನ
* ಮೊದಲಿಗೆ ನೀವು ಹಿಟ್ಟಿನಿಂದ ಚಿಕ್ಕ-ಚಿಕ್ಕ ಉಂಡೆ ಮಾಡಿ.
* ಈಗ ಉಂಡೆ ತೆಗೆದು ಕೈಯಲ್ಲಿ ತಟ್ಟಿ, ಮಧ್ಯದಲ್ಲಿ ಸ್ವಲ್ಪ ಗುಂಡಿ ಮಾಡಿ, ಅದರೊಳಗೆ ತೆಂಗಿನಕಾಯಿ ಮಿಶ್ರಣ ಹಾಕಿ ಅದರ ತುದಿ ಕ್ಲೋಸ್ ಮಾಡಿ ಅದರ ತುದಿ ಹಿಡಿದು ತಿರುಗಿಸಿ.
* ಈಗ ಎಲ್ಲಾ ಹಿಟ್ಟನ್ನುಅವುಗಳನ್ನು ಹಬೆಯಲ್ಲಿ ಬೇಯಿಸಿ.
ಹಬೆಯಲ್ಲಿ ಬೇಯಿಸುವಾಗ ಬಾಳೆ ಎಲೆ ಮೇಲೆ ಈ ಮೋದಕಗಳನ್ನು ಇಟ್ಟು 10-15 ನಿಮಿಷ ಬೇಯಿಸಿ.