ಘಮಘಮಿಸುವ ಸಾಂಬಾರ್ ಪುಡಿ ರೆಸಿಪಿ

ಸಾಂಬಾರ್ ಪುಡಿ ಚೆನ್ನಾಗಿದ್ದರೆ ಮಾತ್ರ ಸಾಂಬರ್ ನ ರುಚಿ ಹೆಚ್ಚುವುದು.ಇಲ್ಲದಿದ್ದರೆ ಯಾವುದೇ ತರಕಾರಿ ಹಾಕಿ ಮಾಡಿದರೂ ಸಾರು ರುಚಿ ಅನಿಸುವುದಿಲ್ಲ. ಸಾಂಬಾರ್ ಪುಡಿಗೆ ಬಳಸುವ ಸಾಮಾಗ್ರಿಗಳಲ್ಲಿ ಸಾಂಬಾರ್ ನ ರುಚಿ ಅಡಗಿದೆ.

ಸಾಂಬರ್ ಪುಡಿಯನ್ನು ಹೊರಗಿನಿಂದ ತರುವ ಬದಲು ಸಾಂಬಾರ್ ನ ರುಚಿ ಹೆಚ್ಚಿಸುವ ಮತ್ತು ಅಡುಗೆ ಘಮಘಮಿಸುವಂತೆ ಮಾಡುವ ಸಾಂಬಾರ್ ಪುಡಿಯನ್ನು ಮನೆಯಲ್ಲಿಯೇ ಮಾಡಬಹುದಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಕೊತ್ತಂಬರಿ ಬೀಜ ಅರ್ಧ ಕಪ್
* ಜೀರಿಗೆ 1 ಕಪ್
* ಒಣ ಮೆಣಸು 20-25
* ಮೆಂತೆ 2 ಚಮಚ
* ಉದ್ದಿನ ಬೇಳೆ 3 ಚಮಚ
* ಕರಿ ಬೇವಿನ ಎಲೆ 8-10
* ಚಕ್ಕೆ 1
* ಎಣ್ಣೆ

ತಯಾರಿಸುವ ವಿಧಾನ:

* ಬಾಣಲೆಯಲ್ಲಿ 1 ಚಮಚ ಎಣ್ಣೆ ಹಾಕಿ ಒಣ ಮೆಣಸನ್ನು ಹುರಿದು ನೀರಿನಂಶವಿಲ್ಲದ ಪಾತ್ರೆಯಲ್ಲಿ ಹಾಕಿಡಬೇಕು.

* ಈಗ ಪುನಃ ಬಾಣಲೆಗೆ 1 ಚಮಚ ಎಣ್ಣೆ ಹಾಕಿ ಅದರಲ್ಲಿ ಮೆಂತೆ, ಕೊತ್ತಂಬರಿ ಬೀಜ, ಜೀರಿಗೆ, ಕರಿ ಬೇವಿನ ಎಲೆ, ಚಕ್ಕೆ, ಉದ್ದಿನ ಬೇಳೆ ಇವುಗಳನ್ನು ಹಾಕಿ ಹುರಿದು ಒಣ ಮೆಣಸು ಹಾಕಿದ ಪಾತ್ರೆಯಲ್ಲಿ ಹಾಕಿ ಇವುಗಳ ಬಿಸಿ ಆರಲು ಇಡಿ.

* ನಂತರ ಮಿಕ್ಸಿಯಲ್ಲಿ ಹಾಕಿ ಪುಡಿ ಮಾಡಿ ತೇವಾಂಶವಿಲ್ಲದ ಡಬ್ಬಿಯಲ್ಲಿಡಿ. ಈ ಸಾಂಬಾರ್ ಪುಡಿ ಮಾಡಿ ಸಾಂಬರ್ ಗೆ ಹಾಕಿದರೆ ಅಂಗಡಿಯ ಸಾಂಬಾರ್ ಪುಡಿ ಹಾಕಿ ತಯಾರಿಸುವ ಅಡುಗೆಗಿಂತ ತುಂಬಾ ರುಚಿಕರವಾಗಿರುತ್ತದೆ.