ಬಸಳೆ ಸೊಪ್ಪಿನ ರಾಯತದ ರುಚಿ ನೋಡಿ

Chutney

oi-Sumalatha

By Sumalatha

Published: Tuesday, December 13, 2011, 12:11 [IST]

ಬಸಳೆ ಸೊಪ್ಪಿನಲ್ಲಿ ದೇಹಕ್ಕೆ ಅಗತ್ಯವಿರುವ ಅನೇಕ ಅಂಶಗಳಿವೆ. ಬಾಯಿ ಹುಣ್ಣಾದಾಗ ಬಸಳೆ ಸೊಪ್ಪನ್ನು ತಿನ್ನುವುದು ರೂಢಿ. ಈ ಬಸಳೆ ಸೊಪ್ಪಿನ ಸಂಪೂರ್ಣ ಅಂಶವನ್ನು ಪಡೆಯಬೇಕೆಂದರೆ ಇಲ್ಲೊಂದು ಸುಲಭ ಮಾರ್ಗವಿದೆ. ಬಸಳೆ ಸೊಪ್ಪಿನ ರಾಯತ ಮಾಡಿ ತಿನ್ನಬಹುದು. ಬಸಳೆ ಸೊಪ್ಪಿನ ರಾಯಿತ ತಯಾರಿಸುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಬಸಳೆ ಸೊಪ್ಪಿನ ರಾಯತಗೆ ಬೇಕಾಗುವ ಪದಾರ್ಥಗಳು:
* ಒಂದು ಬಟ್ಟಲು ತೊಳೆದಿಟ್ಟ ಬಸಳೆ ಸೊಪ್ಪು
*1 ಕಪ್ ತಾಜಾ ತೆಂಗಿನ ತುರಿ
* 2-3 ಹಸಿರು ಮೆಣಸಿನಕಾಯಿ
* 1 ಚಮಚ ಜೀರಿಗೆ
* ರುಚಿಗೆ ತಕ್ಕಷ್ಟು ಉಪ್ಪು
* 1 ಕಪ್ ಗಟ್ಟಿ ಮೊಸರು
* 1/2 ಚಮಚ ಸಾಸಿವೆ
* ಎಣ್ಣೆ

ಬಸಳೆ ಸೊಪ್ಪಿನ ರಾಯತ ಮಾಡುವುದು ಹೇಗೆ?
* ಮೊದಲು ಕುಕ್ಕರ್ ನಲ್ಲಿ ಕತ್ತರಿಸಿದ ಬಸಳೆ ಸೊಪ್ಪನ್ನು 10 ನಿಮಿಷ ಬೇಯಿಸಿ ನೀರು ಬಸಿದು ಒಂದೆಡೆ ಇಡಬೇಕು.
* ಒಂದು ಕಪ್ ಮೊಸರಿಗೆ ಬೇಯಿಸಿದ ಬಸಳೆ ಸೊಪ್ಪನ್ನು ಬೆರೆಸಬೇಕು.
* ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಕಾಯಿಸಿ ಅದರಲ್ಲಿ ಮೆಣಸಿನಕಾಯಿ, ತೆಂಗಿನ ತುರಿ ಮತ್ತು ಜೀರಿಗೆಯನ್ನು ಹಾಕಿ ಹುರಿಯಬೇಕು. ಈ ಮಿಶ್ರಣವನ್ನು ರುಬ್ಬಿಕೊಳ್ಳಬೇಕು.
* ಈ ಮಿಶ್ರಣದೊಂದಿಗೆ ಉಪ್ಪನ್ನು ಮೊಸರಿಗೆ ಬೆರೆಸಿ ಚೆನ್ನಾಗಿ ತಿರುಗಿಸಬೇಕು.
* ಸಾಸಿವೆಯಿಂದ ಒಗ್ಗರಣೆ ನೀಡಿದರೆ ಬಸಳೆ ಸೊಪ್ಪಿನ ರಾಯತ ತಿನ್ನಲು ಸಿದ್ಧವಾಗಿರುತ್ತೆ.
ಈ ರಾಯತವನ್ನು ಪಲಾವ್, ಬಿಸಿ ಬೆಳೆ ಬಾತ್ ಜೊತೆಗೂ ತಿನ್ನಬಹುದು.ಪರೋಟಾ, ಚಪಾತಿ ಜೊತೆಗೂ ಒಳ್ಳೆ ಕಾಂಬಿನೇಶನ್.