ಖಾರಾ ಖಾರಾ ಮಿರ್ಚಿ ಚಟ್ನಿ ಮಾಡಿ ಸವಿಯಿರಿ

ಬಿಸಿ ಅನ್ನದೊಂದಿಗೆ ಬೆರೆಸಿ ತಿಂದರಂತೂ ರುಚಿಗೆ ಪಾರವೇ ಇಲ್ಲದಂತೆ. ಹಸಿಮೆಣಸಿನ ಕಾಯಿಯಿಂದ ರುಚಿಕರವಾದ ಚಟ್ನಿ ಮಾಡುವುದು ಹೇಗೆ ಎಂದು ಇಲ್ಲಿ ತಿಳಿಯಿರಿ.

ಮೆಣಸಿನ ಕಾಯಿ ಚಟ್ನಿಗೆ ಏನೇನು ಬೇಕು?
* 100 ಗ್ರಾಂ ಹಸಿರು ಮೆಣಸಿನ ಕಾಯಿ
* ನಿಂಬೆಹಣ್ಣಿನ ಗಾತ್ರದ ಹುಣಸೆ ಹಣ್ಣು
* 50 ಗ್ರಾಂ ಬೆಲ್ಲ
* 1/2 ಹೋಳು ತೆಂಗಿನ ತುರಿ
* ರುಚಿಗೆ ತಕ್ಕಷ್ಟು ಉಪ್ಪು
* ಎಣ್ಣೆ, ಸಾಸಿವೆ, ಇಂಗು

ಹಸಿರು ಮೆಣಸಿನ ಕಾಯಿ ಚಟ್ನಿ ತಯಾರಿಸುವ ವಿಧಾನ:
* ಮೊದಲು ಹಸಿರು ಮೆಣಸಿನ ಕಾಯಿಯ ತೊಟ್ಟನ್ನು ಬಿಡಿಸಿಕೊಂಡು ಅದರೊಳಗಿನ ಬೀಜವನ್ನು ಅರ್ಧ ಭಾಗ ತೆಗೆದುಬಿಡಬೇಕು.
* ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಕಾಯಿಸಿ ಅದರಲ್ಲಿ ಮೆಣಸಿನಕಾಯಿಯನ್ನು ಹುರಿದುಕೊಳ್ಳಬೇಕು.
* ನಂತರ ಹಸಿರು ಮೆಣಸಿನಕಾಯಿ, ತೆಂಗಿನ ತುರಿ, ಹುಣಸೆ ಹಣ್ಣು, ಉಪ್ಪು, ಬೆಲ್ಲ ಸೇರಿಸಿ ಹದವಾಗಿ ರುಬ್ಬಿಕೊಳ್ಳಬೇಕು.
* ಕೊನೆಗೆ ಚಿಕ್ಕ ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಕಾಯಿಸಿ ಸಾಸಿವೆ, ಇಂಗಿನಿಂದ ಚಟ್ನಿಗೆ ಒಗ್ಗರಣೆ ಹಾಕಿ ಎಲ್ಲವನ್ನೂ ಬೆರೆಸಿದರೆ ಖಾರ ಖಾರವಾದ ಹಸಿರು ಮೆಣಸಿನ ಕಾಯಿ ಚಟ್ನಿ ತಿನ್ನಲು ತಯಾರಾಗಿರುತ್ತೆ.