ಚಳಿಗಾಲಕ್ಕೆ ಬೆಸ್ಟ್ ಟೊಮೆಟೊ ಬೆಳ್ಳುಳ್ಳಿ ಮಸಾಲಾ ಚಟ್ನಿ

Published: Thursday, December 1, 2011, 15:17 [IST]

ಟೊಮೆಟೊ ಮತ್ತು ಬೆಳ್ಳುಳ್ಳಿ ಮಸಾಲಾ ಚಟ್ನಿಯನ್ನು ಇನ್ನಿತರ ಖಾದ್ಯಗಳೊಂದಿಗೆ ಬೆರೆಸಿ ತಿಂದರೆ ರುಚಿ ಜೋರು. ಇದನ್ನು ಅನ್ನದೊಂದಿಗೆ ತಿಂದರೂ ಚೆಂದ. ಕೇವಲ 25-30 ನಿಮಿಷದಲ್ಲಿ ಚಕ್ ಅಂತ ಮಾಡಿ ಮುಗಿಸಿಬಿಡಬಹುದಾದ ಈ ಚಟ್ನಿಯನ್ನು ಫ್ರಿಡ್ಜ್ ನಲ್ಲಿ 6-7 ದಿನಗಳ ಕಾಲ ಶೇಖರಿಸಿಡಬಹುದು. ಚಟ್ನಿ ಮಾಡುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಟೊಮೆಟೊ ಬೆಳ್ಳುಳ್ಳಿ ಚಟ್ನಿಗೆ ಏನೇನು ಬೇಕು?
* 3-4 ದೊಡ್ಡ ಬೆಳ್ಳುಳ್ಳಿ ಎಸಳು
* 2-3 ಟೊಮೆಟೊ
* 1 ಕೆಂಪು ಒಣಮೆಣಸಿನಕಾಯಿ
* 1 ಚಮಚ ಶುಂಠಿ ಪೇಸ್ಟ್
* 4-5 ಹಸಿರು ಮೆಣಸಿನಕಾಯಿ
* 1 ಚಮಚ ಜೀರಿಗೆ
* 1/2 ಅಥವಾ 1 ಚಮಚ ಕೆಂಪು ಮೆಣಸಿನ ಪುಡಿ
* ರುಚಿಗೆ ತಕ್ಕಷ್ಟು ಉಪ್ಪು
* ಎಣ್ಣೆ ಅಥವಾ ತುಪ್ಪ

ಟೊಮೆಟೊ ಬೆಳ್ಳುಳ್ಳಿ ಚಟ್ನಿ ತಯಾರಿಸುವ ವಿಧಾನ:

* ಮೊದಲು ಟೊಮೆಟೊ, ಬೆಳ್ಳುಳ್ಳಿ, ಶುಂಠಿ, ಹಸಿರು ಮೆಣಸಿನಕಾಯಿ, ಒಣಮೆಣಸಿನ ಕಾಯಿಯನ್ನು ರುಬ್ಬಿ ಪೇಸ್ಟ್ ನಂತೆ ಮಾಡಿಕೊಳ್ಳಬೇಕು.

* ಬಾಣಲೆಯಲ್ಲಿ ಎಣ್ಣೆ ಅಥವಾ ತುಪ್ಪ ಹಾಕಿ ಅದರಲ್ಲಿ ಜೀರಿಗೆ ಹುರಿಯಬೇಕು. ಜೀರಿಗೆ ಸಿಡಿಯುತ್ತಿದ್ದಂತೆ ಅದಕ್ಕೆ ರುಬ್ಬಿಟ್ಟದ್ದ ಪೇಸ್ಟನ್ನು ಬೆರೆಸಿ ರುಚಿಗೆ ತಕ್ಕಷ್ಟು ಉಪ್ಪು ಹಾಕಬೇಕು.

* 3-4 ನಿಮಿಷ ಕೆಂಪಗಾಗುವ ತನಕ ಬೇಯಿಸಿದರೆ ಮಸಾಲಾ ಚಟ್ನಿ ತಿನ್ನಲು ರೆಡಿ.

Comments

English summary

Tomato Garlic Chutney Recipe | Special Spicy Chutney Recipe | ಟೊಮೆಟೊ ಬೆಳ್ಳುಳ್ಳಿ ಚಟ್ನಿ | ಸ್ಪೆಷಲ್ ಮಸಾಲಾ ಚಟ್ನಿ ರೆಸಿಪಿ

Garlic chutney can add taste to many Indian dishes and snacks. This chutney is a traditional Indian recipe. The red and spicy tomato garlic chutney recipe is very easy and can be made within 25-30 minutes. Here is the tomato garlic chutney recipe to add spice to the dishes or snacks.

Story first published: Thursday, December 1, 2011, 13:24 [IST]