ಆರೋಗ್ಯ ಹೆಚ್ಚಿಸುತ್ತೆ ಟೊಮೆಟೊ ಬೆಳ್ಳುಳ್ಳಿ ಚಟ್ನಿ

ಅಲ್ಲದೆ ಬೆಳ್ಳುಳ್ಳಿಯನ್ನು ಸಾರಿಗೆ ಅಥವಾ ಚಟ್ನಿಗೆ ಹಾಕಿ ಸೇವಿಸುವುದು ದೇಹದ ಜೀರ್ಣಕ್ರಿಯೆಗೆ ಸಹಾಯ ಮಾಡುವುದರ ಜೊತೆಗೆ ದೇಹವನ್ನು ಬೆಚ್ಚಗೆ ಇಡುತ್ತದೆ. ಈ ಬೆಳ್ಳುಳ್ಳಿಯನ್ನು ಟೊಮೆಟೊ ಜೊತೆ ಹಾಕಿ ಚಟ್ನಿ ಮಾಡಿ ಅದನ್ನು ದೋಸೆ, ವಡಾ ಪಾವ್ ಜೊತೆ ತಿನ್ನಲು ತುಂಬಾ ರುಚಿಕವಾಗಿರುತ್ತದೆ. ಈ ಬೆಳ್ಳುಳ್ಳಿ ಚಟ್ನಿಯನ್ನು ಸುಲಭವಾಗಿ ಮಾಡಬಹುದಾಗಿದ್ದು ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು:

ಬೆಳ್ಳುಳ್ಳಿ 3-4
ಟೊಮೆಟೊ 2-3
ಒಣಮೆಣಸು 1 ಹೆಚ್ಚು ಖಾರ ಬೇಕೆಂದರೆ 2 ಹಾಕಬಹುದು
ಶುಂಠಿ ಒಂದು ಇಂಚಿನ ತುಂಡು
ಜೀರಿಗೆ 1 ಚಮಚ
1/2 ಅಥವಾ 1 ಚಮಚ ಮೆಣಸಿನ ಪುಡಿ
ಉಪ್ಪು
ತುಪ್ಪ

ಮಾಡುವ ವಿಧಾನ:

1. ತುಪ್ಪ ಮತ್ತು ಜೀರಿಗೆ ಬಿಟ್ಟು ಉಳಿದ ಸಾಮಾಗ್ರಿಗಳನ್ನು ಮಿಕ್ಸಿಯಲ್ಲಿ ಹಾಕಿ ರುಬ್ಬ ಬೇಕು.

2. ಬಾಣಲೆಗೆ 2 ಚಮಚ ತುಪ್ಪ ಹಾಕಿ ಅದಕ್ಕೆ ಜೀರಿಗೆಯನ್ನು ಹಾಕಿ 1 ನಿಮಿಷದ ಬಳಿಕ ಅರೆದ ಮಿಶ್ರಣವನ್ನು ಹಾಕಬೇಕು.

3. ಈಗ ಇದಕ್ಕೆ ರುಚಿಗೆ ತಕ್ಕ ಉಪ್ಪು ಹಾಕಿ 3-4 ನಿಮಿಷ ಬೇಯಿಸಬೇಕು, ಮಿಶ್ರಣವನ್ನು ಕೆಂಪು ಬಣ್ಣಕ್ಕೆ ಬಂದಾಗ ಒಲೆಯಿಂದ ಇಳಿಸಬೇಕು.

ಈಗ ರೆಡಿಯಾದ ಟೊಮೆಟೊ ಬೆಳ್ಳುಳ್ಳಿ ಚಟ್ನಿಯನ್ನು ದೋಸೆ, ಅನ್ನದ ಜೊತೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ. ಈ ಟೊಮೆಟೊ ಬೆಳ್ಳುಳ್ಳಿ ಚಟ್ನಿಯನ್ನು ಒಂದು ವಾರ ಕಾಲ ಫ್ರಿಜ್ ನಲ್ಲಿ ಸಂಗ್ರಿಹಿಸಿಟ್ಟು ಬಳಸಬಹುದಾಗಿದೆ.