ದಟ್ಸ್ ಪಾಕಶಾಲೆ : ಬೆಳ್ಳುಳ್ಳಿ ಚಟ್ನಿಪುಡಿ

ಇವಿಷ್ಟು ಬೇಕೇ ಬೇಕು:
ಸಾಧಾರಣ ಗಾತ್ರದ ಬೆಳ್ಳುಳ್ಳಿ: 4 ರಿಂದ 5
ಕಡಲೆ ಬೇಳೆ: 100 ಗ್ರಾಂ
ಉದ್ದಿನ ಬೇಳೆ: 75 ಗ್ರಾಂ
ಒಣ ಮೆಣಸಿನಕಾಯಿ: 5 0ಗ್ರಾಂ
ಒಣ ಕೊಬ್ಬರಿ ತುರಿ: 2 ಮುಷ್ಟಿ ತುಂಬಾ
ಬೆಲ್ಲ: 100 ಗ್ರಾಂ
ಹುಣಸೆ ಹಣ್ಣು: 1 ನಿಂಬೆ ಹಣ್ಣಿನ ಗಾತ್ರ
ಉಪ್ಪು: ರುಚಿಗೆ ತಕ್ಕಷ್ಟು
ಎಣ್ಣೆ: 1ಸೌಟು
ತುಪ್ಪ : 1 ಟೀ ಚಮಚ

ತಯಾರಿಸುವ ವಿಧಾನ :
ಬೆಳ್ಳುಳ್ಳಿ ಹೊಟ್ಟು ಬಿಡಿಸಿ ಇಟ್ಟುಕೊಳ್ಳಿ. ಕಾದ ಬಾಣಲೆಗೆ 1 ಟೀ ಚಮಚ ತುಪ್ಪ ಹಾಕಿ ಬೆಳ್ಳುಳ್ಳಿ ತೊಳೆಗಳನ್ನು ಹುರಿಯಿರಿ. ಕಡಲೆ ಬೇಳೆ, ಉದ್ದಿನ ಬೇಳೆ, ಒಣ ಮೆಣಸಿನಕಾಯಿಗಳನ್ನು 1 ಸೌಟು ಎಣ್ಣೆ ಹಾಕಿ ಹುರಿಯಿರಿ. ಒಣಕೊಬ್ಬರಿ, ಹುಣಸೆ ಹಣ್ಣನ್ನು ಸ್ವಲ್ಪ ಬೆಚ್ಚಗೆ ಮಾಡಿ. ಬೆಲ್ಲ ಹಾಗೂ ಹುರಿದಿಟ್ಟಿರುವ ಎಲ್ಲ ಪದಾರ್ಥಗಳು ತಣ್ಣಗಾದ ಬಳಿಕ ಮಿಕ್ಸರ್ ನಲ್ಲಿ ಹಾಕಿ ತರಿತರಿಯಾಗಿರುವಂತೆ ಪುಡಿ ಮಾಡಿಕೊಳ್ಳಿ. ಬೆಳ್ಳ್ಳುಳ್ಳಿ ಚಟ್ನಿಪುಡಿ ಸಿದ್ಧವಾದಂತೆ.

(ದಟ್ಸ್ ಕನ್ನಡ ಪಾಕಶಾಲೆ)