ಬೆಳಗಿನ ತಿಂಡಿಗೆ ರಾಜ್ಮಾ ಪೂರಿ

ಪೂರಿಯನ್ನು ಬೆಳಗಿನ ತಿಂಡಿಗೆ ಮಾಡುವುದು ಸಹಜ. ಈ ಪೂರಿಯನ್ನು ಒಂದೇ ಬಗೆಯಲ್ಲಿ ತಯಾರಿಸುವುದಕ್ಕಿಂತ ಸ್ವಲ್ಪ ಭಿನ್ನ ಸಾಮಾಗ್ರಿಗಳನ್ನು ಹಾಕಿದರೆ ಅನೇಕ ರುಚಿಯ ಪೂರಿಯನ್ನು ತಿನ್ನಬಹುದು. ಪೂರಿಯಲ್ಲಿ ಹೊಸ ರುಚಿ ಟೇಸ್ಟ್ ಮಾಡಬಯಸುವವರು ರಾಜ್ಮಾ ಹಾಕಿ ತಯಾರಿಸಿದ ಪೂರಿಯನ್ನು ಟ್ರೈ ಮಾಡಬಹುದು. ರಾಜ್ಮಾ ಪೂರಿ (ರಾಜ್ ಪೂರಿ) ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
ಮೈದಾ 1 ಕಪ್
ರಾಜ್ಮಾ 2 ಕಪ್(ಬೇಯಿಸಿದ್ದು)
ಗರಂ ಮಸಾಲ ಒಂದು ಚಮಚ
ಜೀರಿಗೆ 1 ಚಮಚ
ಸ್ವಲ್ಪ ಚಕ್ಕೆ ಮತ್ತು ಲವಂಗ
ಶುಂಠಿ ಪೇಸ್ಟ್ 1 ಚಮಚ
ಹಾಲು 2 ಚಮಚ
ತುಪ್ಪ 1 ಚಮಚ
ರುಚಿಗೆ ತಕ್ಕ ಉಪ್ಪು
ಎಣ್ಣೆ

ತಯಾರಿಸುವ ವಿಧಾನ:

1. ಒಂದು ಪಾತ್ರೆಯಲ್ಲಿ ಮೈದಾ ತೆಗೆದುಕೊಂಡು ರುಚಿಗೆ ತಕ್ಕ ಉಪ್ಪು ಮತ್ತು ಸ್ವಲ್ಪ ನೀರು ಹಾಕಿ ಚೆನ್ನಾಗಿ ಕಲೆಸಬೇಕು.

2. ಈಗ ರಾಜ್ಮಾ ಜೊತೆ ಚಕ್ಕೆ, ಲವಂಗ, ಜೀರಿಗೆ, ಗರಂ ಮಸಾಲ, ಶುಂಠಿ ಪೇಸ್ಟ್ ಹಾಕಿ ಗಟ್ಟಿಯಾಗಿ ಅರೆದು ಮೈದಾ ಹಿಟ್ಟಿನ ಜೊತೆ ಹಾಕಿ ಕಲೆಸಬೇಕು.

3. ಒಂದು ಬಾಣಲೆಯಲ್ಲಿ ಅರ್ಧದಷ್ಟು ಎಣ್ಣೆ ಹಾಕಿ ಕಾಯಿಸಬೇಕು.

4. ನಂತರ ಈ ಹಿಟ್ಟಿನಿಂದ ಪೂರಿಗೆ ತಟ್ಟುವ ರೀತಿಯಲ್ಲಿ ತಟ್ಟಬೇಕು. ನಂತರ ಚೆನ್ನಾಗಿ ಕಾದ ಎಣ್ಣೆಗೆ ಪೂರಿಯನ್ನು ಹಾಕಿ ಸ್ವಲ್ಪ ಕಂದು ಬಣ್ಣ ಬರವಾಗ ತೆಗೆದರೆ ರಾಜ್ಮಾ ಪೂರಿ ರೆಡಿ.