ಯಮ್ಮೀ ಬ್ರೇಕ್‌ಫಾಸ್ಟ್‌ಗಾಗಿ ಟೇಸ್ಟೀ ಆಲೂಗಡ್ಡೆ ದೋಸೆ

ಈ ಮುಂಜಾನೆ ನೀವು ವಿಶೇಷವಾಗಿರುವುದನ್ನು ಖಂಡಿತ ಟ್ರೈ ಮಾಡಲೇಬೇಕು. ದಿನವೂ ಧಾವಂತದಲ್ಲಿ ಒಂದೇ ಬಗೆಯ ಬ್ರೇಕ್‌ಫಾಸ್ಟ್ ತಯಾರಿಸಿ ದಣಿದಿದ್ದೀರಾ? ನಿಮ್ಮ ನಾಲಗೆಯ ರುಚಿಯನ್ನು ಇನ್ನಷ್ಟು ಹೆಚ್ಚಿಸುವ ಈ ಆಲೂಗಡ್ಡೆ ದೋಸೆ ಖಂಡಿತ ನಿಮಗೆ ಇಷ್ಟವಾಗುತ್ತದೆ.

ಟೊಮೇಟೊ ಸಾಸ್‌ನೊಂದಿಗೆ ಸವಿಯಬಹುದಾದ ಈ ಆಲೂಗಡ್ಡೆ ದೋಸೆ ಸಖತ್ ಟೇಸ್ಟೀ ಮತ್ತು ಆರೋಗ್ಯಕಾರಿಯಾಗಿದೆ. ನಿಮ್ಮ ಹಸಿವನ್ನು ಇಂಗಿಸಿ ನಾಲಗೆಯಲ್ಲಿ ಆ ರುಚಿ ಇನ್ನೂ ಇರುವಂತೆ ಈ ದೋಸೆ ಮಾಡುತ್ತದೆ. ಸುಲಭವಾಗಿ ತಯಾರಿಸಬಹುದಾದ ಈ ದೋಸೆ ನಿಮ್ಮ ನಾಲಿಗೆಯ ರುಚಿಯನ್ನು ತಣಿಸುವುದರಲ್ಲಿ ಸಂಶಯವೇ ಇಲ್ಲ.

ಹಾಗಿದ್ದರೆ ಈ ದೋಸೆ ರೆಸಿಪಿಯನ್ನು ತಿಳಿದುಕೊಳ್ಳಬೇಕೆಂಬ ತುಡಿತ ನಿಮ್ಮಲ್ಲಿ ಹೆಚ್ಚುತ್ತಿದೆಯೇ? ಹಾಗಿದ್ದರೆ ಇಲ್ಲಿ ನಾವು ನೀಡಿರುವ ತಯಾರಿ ವಿಧಾನಗಳನ್ನು ನೋಡಿಕೊಳ್ಳಿ ಮತ್ತು ಆಲೂಗಡ್ಡೆ ದೋಸೆ ತಯಾರಿಸಿ ಮನೆಯವರ ಮೆಚ್ಚುಗೆ ಪಡೆಯಿರಿ.

ನಿಮ್ಮ ಬಾಯಿಯ ರುಚಿಯನ್ನು ಹೆಚ್ಚಿಸುವ ಗರಿ ಗರಿ ತರಕಾರಿ ದೋಸೆ!

ಪ್ರಮಾಣ: 4
ಸಿದ್ಧತಾ ಸಮಯ: 20 ನಿಮಿಷಗಳು
ಅಡುಗೆಗೆ ಬೇಕಾದ ಸಮಯ: 25 ನಿಮಿಷಗಳು

ಸಾಮಾಗ್ರಿಗಳು:
*ಆಲೂಗಡ್ಡೆ - 2 (ಬೇಯಿಸಿ ಸಿಪ್ಪೆ ಸುಲಿದದ್ದು)
*ಮೈದಾ - 2 ಸ್ಪೂನ್
*ಹಸಿಮೆಣಸು - 2 (ಉದ್ದಕ್ಕೆ ಸೀಳಿದ್ದು)
*ಕೊತ್ತಂಬರಿ ಸೊಪ್ಪು - ಮುಷ್ಟಿಯಷ್ಟು
*ಎಣ್ಣೆ - 2 - 3 ಸ್ಪೂನ್
*ಉಪ್ಪು - ರುಚಿಗೆ ತಕ್ಕಷ್ಟು

ನಿಮ್ಮ ಬಾಯಿಯ ರುಚಿಯನ್ನು ಹೆಚ್ಚಿಸುವ ಗರಿ ಗರಿ ತರಕಾರಿ ದೋಸೆ!

ಮಾಡುವ ವಿಧಾನ
1. ಮೊದಲಿಗೆ ನೀವು, ಆಲೂಗಡ್ಡೆಯನ್ನು ಬೇಯಿಸಿ ಸಿಪ್ಪೆ ಸುಲಿದು ಪಕ್ಕದಲ್ಲಿರಿಸಿ. ಒಂದು ಪಾತ್ರೆಗೆ ಅದನ್ನು ಹಾಕಿ ಇದಕ್ಕೆ ಮೈದಾ ಹಾಗೂ ಉಪ್ಪು ಸೇರಿಸಿ. ಚೆನ್ನಾಗಿ ಮಿಶ್ರಣವನ್ನು ಮಿಶ್ರಗೊಳಿಸಿ. ಇಡ್ಲಿ ಹಿಟ್ಟಿನಂತೆ ಸ್ವಲ್ಪ ದಪ್ಪನೆಯ ಹಿಟ್ಟನ್ನು ತಯಾರಿಸಿ. ಹಿಟ್ಟಿಗೆ ಹಸಿಮೆಣಸು ಹಾಗೂ ಕೊತ್ತಂಬರಿ ಸೊಪ್ಪನ್ನು ಕತ್ತರಿಸಿ ಹಾಕಿ.

2. ತವಾ ಬಿಸಿ ಮಾಡಿಕೊಂಡು ಸ್ವಲ್ಪ ಎಣ್ಣೆ ಹಾಕಿ. ದೋಸೆ ಕೈಲನ್ನು ತೆಗೆದುಕೊಂಡು ಕಾವಲಿಯಲ್ಲಿ ದೋಸೆಯನ್ನು ಹುಯ್ಯಿರಿ. ದೋಸೆಯ ಸುತ್ತಲೂ ಸ್ವಲ್ಪ ಎಣ್ಣೆಯನ್ನು ಹಾಕಿ. ದೋಸೆ ಚೆನ್ನಾಗಿ ಬೇಯುವಂತೆ ನೋಡಿಕೊಳ್ಳಿ. ದೋಸೆ ಬೇಯುತ್ತಿದ್ದಂತೆ ಸಟ್ಟುಗ ಬಳಸಿ ದೋಸೆಯನ್ನು ಕಾವಲಿಯಿಂದ ತೆಗೆಯಿರಿ.

ಹೀಗೆ ಇನ್ನಷ್ಟು ದೋಸೆಗಳನ್ನು ತಯಾರಿಸಿ ನಿಮ್ಮ ಬ್ರೇಕ್‌ಫಾಸ್ಟ್ ಅನ್ನು ಇನ್ನಷ್ಟು ರುಚಿಕರವಾಗಿ ನಿಮಗೆ ಮಾಡಬಹುದು. ದೋಸೆಯ ಮೇಲೆ ಸ್ವಲ್ಪ ಬೆಣ್ಣೆ ಹಾಕಿ ಇದನ್ನು ನಿಮಗೆ ಸವಿಯಬಹುದು.