ಬಿಸಿ ಬಿಸಿ ಮಸಾಲ ರವೆ ಇಡ್ಲಿ

ದಕ್ಷಿಣ ಭಾರತದ ಪ್ರಸಿದ್ಧ ಬೆಳಗಿನ ಉಪಹಾರಗಳಲ್ಲಿ ಒಂದು ರವೆ ಇಡ್ಲಿ. ಇದು ಆರೋಗ್ಯಕ್ಕೆ ಉತ್ತಮವಾದ ಉಪಹಾರ. ಮಸಾಲ ರವೆ ಇಡ್ಲಿಯ ಜೊತೆ ಕೊಬ್ಬರಿ ಅಥವ ಕಡಲೆಕಾಯಿ ಚಟ್ನಿಯೊಂದಿಗೆ ತಿನ್ನಲು ರುಚಿಯಾಗಿರುತ್ತದೆ.
ರವೆ ಇಡ್ಲಿ ಪೌಷ್ಟಿಕಾಂಶಭರಿತವಾಗಿದ್ದು ಹೆಚ್ಚಿನ ಶಕ್ತಿಯನ್ನು ನೀಡುತ್ತದೆ. ರವೆ ಮಧುಮೇಹಿಗಳಿಗೆ ಒಳ್ಳೆಯದು. ಆದ್ದರಿಂದ ಅಕ್ಕಿ ಇಡ್ಲಿಗಿಂತ ಮಧುಮೇಹಿಗಳು ಇದನ್ನು ತಿನ್ನುವುದು ಒಳ್ಳೆಯದು.
ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ತಿಳಿದುಕೊಳ್ಳೋಣ.

ಬೇಕಾಗುವ ಸಾಮಗ್ರಿಗಳು
1. ರವೆ- 3 ಕಪ್
2. ಎಣ್ಣೆ- 3 ಟೀಚಮಚ
3. ಕೆಂಪು ಮೆಣಸಿನಕಾಯಿ- 2
3. ಕರಿಬೇವು ಎಲೆಗಳು- 7
4. ಸಾಸಿವೆ- 1 ಟೀಚಮಚ
5. ಮೊಸರು- 1 ಕಪ್
6. ಉಪ್ಪು ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ
1. ಬಾಣಲಿಯಲ್ಲಿ ಎಣ್ಣೆ ಹಾಕಿ ಕಾಯಿಸಿಕೊಳ್ಳಿ. ಎಣ್ಣೆ ಕಾದ ನಂತರ ಅದಕ್ಕೆ ಮೆಣಸಿನಕಾಯಿ, ಕರಿಬೇವಿನ ಎಲೆಗಳು, ಸಾಸಿವೆ ಹಾಕಿ.
2. ರವೆಯನ್ನು ಇದರೊಂದಿಗೆ ಹಾಕಿ ಸಣ್ಣ ಉರಿಯಲ್ಲಿ ಹುರಿಯಿರಿ.
3. ಹುರಿದ ನಂತರ ಒಲೆಯನ್ನು ಆರಿಸಿ ಅದನ್ನು ತಣ್ಣಗಾಗಲು ಬಿಡಿ.
4. ರವೆ ತಣ್ಣಗಾದ ನಂತರ ಅದಕ್ಕೆ ಒಂದು ಕಪ್ ಮೊಸರು ಸೇರಿಸಿ ಮೃದುವಾಗಿ ಕಲಸಿಕೊಳ್ಳಿ.
5. ಇದಕ್ಕೆ ಉಪ್ಪನ್ನು ಹಾಕಿ ಚೆನ್ನಾಗಿ ಕಲಸಿ.
6. ಕಲಸಿದ ಹಿಟ್ಟನ್ನು ಬೆಚ್ಚಗಿನ ಸ್ಥಳದಲ್ಲಿ 10 ನಿಮಿಷ ಇಡಿ.
7. 10 ನಿಮಿಷದ ನಂತರ ಇಡ್ಲಿ ತಟ್ಟೆಗಳಲ್ಲಿ ಹಿಟ್ಟನ್ನು ಹಾಕಿ ಬೇಯಿಸಿ.

ಮಸಾಲ ರವೆ ಇಡ್ಲಿಯನ್ನು ಕೊಬ್ಬರಿ ಚಟ್ನಿ ಅಥವ ಆಲೂಗಡ್ಡೆ ಸಾಗುವಿನೊಂದಿಗೆ ರುಚಿಯಲು ಸವಿಯಾಗಿರುತ್ತದೆ.