ಬ್ರೇಕ್ ಫಾಸ್ಟ್ ಗೆ ಎಗ್ ಲೆಸ್ ಪಾನ್ ಕೇಕ್

Breakfast

oi-Reena

By Hema S

Updated: Tuesday, August 21, 2012, 9:14 [IST]

ಪಾನ್ ಕೇಕ್ ಅನ್ನು ಸಾಮನ್ಯವಾಗಿ ಮೊಟ್ಟೆ ಹಾಕಿ ತಯಾರಿಸಲಾಗುತ್ತದೆ. ಆದರೆ ಆಲೂಗೆಡ್ಡೆ ಹಾಕಿ ತಯಾರಿಸುವ ಪಾನ್ ಕೇಕ್ ಗೆ ಮೊಟ್ಟೆ ಹಾಕಬೇಕಾಗಿಲ್ಲ. ಈ ಪಾನ್ ಕೇಕ್ ಅನ್ನು ಸುಲಭವಾಗಿ ಮಾಡಬಹುದಾಗಿದ್ದು, ತಿನ್ನಲು ತುಂಬಾ ರುಚಿಯಾಗಿರುತ್ತದೆ. ಆದ್ದರಿಂದ ಇದು ಬೆಳಗ್ಗಿನ ತಿಂಡಿಗೆ ಸೂಕ್ತವಾದ ಅಡುಗೆಯಾಗಿದೆ. ಈ ಎಗ್ ಲೆಸ್ ಪಾನ್ ಕೇಕ್ ನ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ತುರಿದ ಆಲೂಗೆಡ್ಡೆ 4 (ಬೇಯಿಸಿದ ಆಲೂಗೆಡ್ಡೆ)
* ಈರುಳ್ಳಿ 3
* ಮೈದಾ 1 ಕಪ್
* ಕರಿಮೆಣಸಿನ ಪುಡಿ 1/4 ಚಮಚ
* ರುಚಿಗೆ ತಕ್ಕ ಉಪ್ಪು
* ನೀರು ಅಥವಾ ಹಾಲು 1/2 ಕಪ್
* ಎಣ್ಣೆ 1 ಚಮಚ
* ಅಡುಗೆ ಸೋಡಾ ಚಿಟಿಕೆಯಷ್ಟು
* ಬೇಕಿಂಗ್ ಪೌಡರ್ 1/2 ಚಮಚ

ತಯಾರಿಸುವ ವಿಧಾನ:

1. ತುರಿದ ಆಲೂಗೆಡ್ಡೆ, ಈರುಳ್ಳಿ, ಮೈದಾ ಹಿಟ್ಟು, ರುಚಿಗೆ ತಕ್ಕ ಉಪ್ಪು, ಅಡುಗೆ ಪೌಡರ್ (ಬೇಕಿಂಗ್ ಪೌಡರ್) ಮತ್ತು ಬೇಕಿಂಗ್ ಸೋಡಾ ಹಾಕಿ ಮಿಶ್ರಣ ಮಾಡಬೇಕು. ನಂತರ ಹಾಲು ಅಥವಾ ನೀರನ್ನು ಹಾಕಿ ಮಿಶ್ರಣ ಮಾಡಬೇಕು. ಕಲೆಸಿದ ಮಿಶ್ರ ಗಟ್ಟಿಯಾಗಿರಬೇಕು ಮತ್ತು ಈ ಮಿಶ್ರಣವನ್ನು ತುಂಬಾ ಹೊತ್ತು ಕಲೆಸಬೇಡಿ.

2. ಈಗ ತವಾವನ್ನು ಬಿಸಿ ಮಾಡಿ ಅದಕ್ಕೆ ೊಂದು ಚಮಚ ಎಣ್ಣೆ ಹಾಕಿ ಒಂದು ಸೌಟು ತುಂಬಾ ಹಿಟ್ಟನ್ನು ತೆಗೆದುಕೊಂಡು ತವಾದಲ್ಲಿ ಹಾಕಬೇಕು. ನಂತರ ದೋಸೆಗೆ ಮಾಡುವಂತೆ ಸೌಟುನಿಂದ ಮಿಶ್ರವನ್ನು ಸ್ವಲ್ಪ ಅಗಲ ಮಾಡಿ, ಆದರೆ ತುಂಬಾ ತೆಳ್ಳಗೆ ಮಾಡಬೇಡಿ. ಪಾನ್ ಕೇಕ್ ನ ಎರಡೂ ಬದಿ ಕಂದು ಬಣ್ಣ ಬಂದ ಮೇಲೆ ತೆಗೆದರೆ ಎಗ್ ಲೆಸ್ ಪಾನ್ ಕೇಕ್ ರೆಡಿಯಾಗಿರುತ್ತದೆ.

ಆಲೂಗೆಡ್ಡೆಯಿಂದ ತಯಾರಿಸಿದ ಈ ಪಾನ್ ಕೇಕ್ ಅನ್ನು ಗ್ರೇವಿ, ತೆಂಗಿನ ಕಾಯಿ ಚಟ್ನಿ ಅಥವಾ ಜಾಮ್ ಜೊತೆ ತಿನ್ನಬಹುದು.