ಟಪ್ಪರ್ ಡಬ್ಬಿಗೆ ಹೇಳಿ ಮಾಡಿಸಿದ ಫಟಾಫಟ್ ಪುಲಾವ್

ಬೇಕಾಗುವ ವಸ್ತುಗಳು
* 1 ಕಪ್ ಕ್ಯಾರೆಟ್ ಪೀಸ್
* 1 ಕಪ್ ನುಣ್ಣಗೆ ತುಂಡು ಮಾಡಿದ ಬೀನ್ಸ್
* ಕ್ಯಾಪ್ಸಿಕಮ್ ಒಂದು ಕಪ್(ತುಂಡು ಮಾಡಿ ಕಂದು ಬಣ್ಣವಾಗುವ ತನಕ ಎಣ್ಣೆಯಲ್ಲಿ ಕರಿಯಿರಿ)
* ಬೇರೆ ತರಕಾರಿ ಇದ್ದರೂ ಒಂದು ಕಪ್ ಹಾಕಬಹುದು.
* ಎರಡುವರೆ ಕಪ್ ಅಕ್ಕಿ
* ಉಪ್ಪು ರುಚಿಗೆ ತಕ್ಕಷ್ಟು.

ಮಸಾಲ ಐಟಂ
* 4-5 ಹಸಿ ಮೆಣಸು
* ಒಂದು ಪೀಸ್ ಲವಂಗ
* ಒಂದು ಏಳಕ್ಕಿ
* ಅರ್ಧ ಈರುಳ್ಳಿ
* ಕೊತ್ತಂಬರಿ ಪುಡಿ ಅರ್ಧಕಪ್
* ಪುದೀನ ಅರ್ಧಕಪ್
* ಅರ್ಧ ಕಪ್ ತೆಂಗಿನ ತುರಿ
* ಒಂದು ಟೀ ಸ್ಪೂನ್ ಎಣ್ಣೆ

ಮಾಡೋದು ಹೇಗೆ?
* ಪ್ರೆಸರ್ ಕುಕ್ಕರ್ ಗೆ ಒಂದು ಟೀಸ್ಪೂನ್ ಎಣ್ಣೆ ಹಾಕಿ ಮಸಾಲ ಐಟಂಗಳನ್ನು ಕರಿಯುತ್ತ ಬನ್ನಿ. ಅದು ಪೇಸ್ಟ್ ತರಹ ಆಗಲಿ
* ಈ ಮಸಾಲ ಪೇಸ್ಟ್ ಗೆ ತರಕಾರಿ ತುಂಡುಗಳನ್ನು ಹಾಕುತ್ತ ಬನ್ನಿ.
* ನಂತರ ಅಕ್ಕಿ ಹಾಕಿ. ಅದನ್ನು ಒಂದೆರಡು ನಿಮಿಷ ಫ್ರೈ ಮಾಡಿ.(ಹೀಗೆ ಮಾಡುವುದರಿಂದ ಪಲಾವ್ ಅನ್ನ ಗರಿಗರಿಯಾಗುತ್ತದೆ)
* ಅಕ್ಕಿಗಿಂತ ಎರಡು ಪಟ್ಟು ನೀರು ಹಾಕಿ. ಕುಕ್ಕರ್ ಮುಚ್ಚಳ ಹಾಕಿ 15 ನಿಮಿಷ ಬೇಯಿಸಿ.
* ಮುಚ್ಚಳ ತೆಗೆದುನೋಡಿ ಗರಮ್ ಗರಮ್ ಪಲಾವ್ ರೆಡಿ.