ಆರೋಗ್ಯಕರ ವೆಜಿಟೇಬಲ್ ಮಯೋನೈಸ್ ಸ್ಯಾಂಡ್‌ವಿಚ್!

ಬ್ರೇಕ್‌ಫಾಸ್ಟ್‌ಗಾಗಿ ಆರೋಗ್ಯಕರ ಮತ್ತು ಸರಳ ರೆಸಿಪಿಯನ್ನು ಅರಸುತ್ತಿರುವಿರಾ? ನಿಮಗಾಗಿ ನಾವಿಂದು ಅತಿ ಸರಳವಾದ ರೆಸಿಪಿಯನ್ನು ನೀಡುತ್ತಿದ್ದೇವೆ. ಬೆಳಗ್ಗಿನ ಸಮಯದಲ್ಲಿ ಏನಾದರೂ ವಿಶೇಷವಾದುದನ್ನು ಮಾಡುವುದು ಸ್ವಲ್ಪ ಕಷ್ಟದ ಕೆಲಸವೇ. ಅದರಲ್ಲೂ ನೀವು ಉದ್ಯೋಗದಲ್ಲಿರುವ ಮಹಿಳೆಯಾಗಿದ್ದರೆ ಮತ್ತು ಶಾಲೆಗೆ ಹೋಗುವ ಮಗು ನಿಮ್ಮ ಬಳಿ ಇದ್ದರೆ.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಬೆಳಗಿನ ಉಪಹಾರಕ್ಕೆ ಎಗ್ ಸಲಾಡ್

ಮಯೋನೈಸ್ ಮನೆಯಲ್ಲಿ ಸದಾ ಲಭ್ಯವಿರುವಂತಹ ಒಂದು ಸಾಮಾಗ್ರಿಯಾಗಿದೆ. ಇದು ತುಂಬಾ ರುಚಿಕರವಾಗಿದ್ದು ತಯಾರಿಸಲು ಸರಳವಾಗಿದೆ. ಹಾಗಾಗಿ ನಿಮ್ಮ ಬ್ರೇಕ್‌ಫಾಸ್ಟ್ ಮೆನುವಿಗಾಗಿ ಸರಳವಾದ ವೆಜಿಟೇಬಲ್ಮಯೋನೈಸ್ ಸ್ಯಾಂಡ್‌ವಿಚ್ ರೆಸಿಪಿಯನ್ನು ಇಲ್ಲಿ ನೀಡುತ್ತಿದ್ದೇವೆ. ಈ ಸ್ಯಾಂಡ್ ವಿಚ್ ತಯಾರಿಸಲು ಸುಲಭ ಹಾಗೂ ಕೊಂಡೊಯ್ಯಲು ತುಂಬಾ ಸುಲಭವಾಗಿದೆ ಮತ್ತು ಇದನ್ನು ತಯಾರಿಸಲು ಹೆಚ್ಚಿನ ಸಮಯವನ್ನು ನೀವು ತೆಗೆದುಕೊಳ್ಳಬೇಕಾಗಿಲ್ಲ.

ಹಾಗಿದ್ದರೆ ಮತ್ತೇಕೆ ತಡ, ಈ ಸರಳವಾದ ಮಯೋನೈಸ್ ಸ್ಯಾಂಡ್‌ವಿಚ್ ರೆಸಿಪಿಯನ್ನು ತಯಾರಿಸಿ ಮತ್ತು ಆರೋಗ್ಯಪೂರ್ಣ ಬ್ರೇಕ್‌ಫಾಸ್ಟ್ ನಿಮ್ಮದಾಗಲಿ.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಬೆಳಗ್ಗಿನ ಉಪಹಾರಕ್ಕಾಗಿ ಟೇಸ್ಟೀ ಈರುಳ್ಳಿ ದೋಸೆ

ಪ್ರಮಾಣ: 4 ಜನರಿಗೆ ಸಾಕಾಗುವಷ್ಟು
ಸಿದ್ಧತಾ ಸಮಯ: 10 ನಿಮಿಷಗಳು
ಅಡುಗೆಗೆ ಬೇಕಾಗುವ ಸಮಯ: 10 ನಿಮಿಷಗಳು

ಸಾಮಾಗ್ರಿಗಳು:
.ಬ್ರೆಡ್ ಸ್ಲೈಸ್ - 10
.ಮಯೋನೈಸ್ - 1/2 ಕಪ್
.ಸಿಲೆರಿ - 1 (ತುರಿದದ್ದು)
.ಕ್ಯಾರೇಟ್ - 1 (ತುರಿದದ್ದು)
.ಲೆಟ್ಯೂಸ್ ಎಲೆಗಳು - 5-6
.ಕ್ಯಾಪ್ಸಿಕಂ - 1 (ಚೆನ್ನಾಗಿ ತುಂಡರಿಸಿದ್ದು)
.ಉಪ್ಪು - ರುಚಿಗೆ ತಕ್ಕಷ್ಟು
.ಕಾಳುಮೆಣಸಿನ ಹುಡಿ - 1ಸ್ಪೂನ್
.ಟ್ಯಾಬಸ್ಕೋ ಸಾಸ್ - 1/2 ಸ್ಪೂನ್

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಬೆಳಗ್ಗಿನ ರುಚಿಕರ ತಿನಿಸು ವ್ರೇಪ್

ಮಾಡುವ ವಿಧಾನ:
1.ಸಿಲೆರಿ, ಕ್ಯಾಪ್ಸಿಕಂ, ಕ್ಯಾರೇಟ್, ಉಪ್ಪು, ಕಾಳುಮೆಣಸಿನ ಹುಡಿ ಮತ್ತು ಟಾಬಸ್ಕೋ ಸಾಸ್ ಅನ್ನು ಮಯೋನೈಸ್‌ನೊಂದಿಗೆ ಮಿಶ್ರ ಮಾಡಿಕೊಳ್ಳಿ. ಚೆನ್ನಾಗಿ ಮಿಶ್ರ ಮಾಡಿಕೊಳ್ಳಿ.

2.ಬ್ರೆಡ್ ಸ್ಲೈಸ್‌ಗಳ ಬದಿಗಳನ್ನು ಕತ್ತರಿಸಿ.

3.ಸ್ಲೈಸ್‌ನ ಮೇಲೆ ಲೆಟ್ಯೂಸ್ ಎಲೆಗಳನ್ನು ಹರಡಿಸಿ.

4.ಲೆಟ್ಯೂಸ್ ಎಲೆಗಳ ಮೇಲೆ ಮಯೋನೈಸ್ ಮಿಶ್ರಣವನ್ನು ಬೇಕಾದಷ್ಟು ಪ್ರಮಾಣದಲ್ಲಿ ಸವರಿ.

5.ಇನ್ನೊಂದು ಬ್ರೆಡ್ ಸ್ಲೈಸ್‌ನೊಂದಿಗೆ ಸ್ಲೈಸ್ ಅನ್ನು ಮುಚ್ಚಿ.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ಪನ್ನೀರ್ ಸ್ಯಾಂಡ್ ವಿಚ್

6.ಹೆಚ್ಚು ಸ್ಯಾಂಡ್‌ವಿಚ್‌ಗಳನ್ನು ಮಾಡಲು ಈ ವಿಧಾನವನ್ನು ಪುನರಾವರ್ತಿಸಿ.

ನಿಮ್ಮ ತರಕಾರಿ ಮಯೋನೈಸ್ ಸ್ಯಾಂಡ್‌ವಿಚ್ ರೆಸಿಪಿ ಬಡಿಸಲು ಸಿದ್ಧವಾಗಿದೆ.