ಆಲೂ ಪ್ಯಾಜ್ ಪರಾಟ

ಉತ್ತರ ಭಾರತೀಯರಲ್ಲಿ ಪರಾಟ ಅತಿ ಹೆಚ್ಚು ಇಷ್ಟಪಟ್ಟು ಮಾಡುವ ತಿಂಡಿ. ಮಾಂಸಾಹಾರಿಗಳು ಮತ್ತು ಸಸ್ಯಾಹಾರಿಗಳು ಇಬ್ಬರೂ ಇದನ್ನು ಮಾಡುತ್ತಾರೆ. ಇದು ಆರೋಗ್ಯಕ್ಕೆ ಒಳ್ಳೆಯದು ಮತ್ತು ಹೆಚ್ಚು ಸಮಯದವರೆಗೆ ಹೊಟ್ಟೆ ತುಂಬಿದಂತಿರುತ್ತದೆ. ಇದನ್ನು ಗೋಧಿ ಹಿಟ್ಟು ಬಳಸಿ ತಯಾರು ಮಾಡುತ್ತಾರೆ.
ಹಲವು ರೀತಿಯ ಪರೋಟಗಳನ್ನು ಮಾಡಬಹುದು. ಪರೋಟಗಳ ಒಳ ಹೂರಣ ನಿಮ್ಮ ಆಯ್ಕೆಗೆ ಬಿಟ್ಟಿದ್ದು. ಹೆಚ್ಚು ಮಂದಿ ಇಷ್ಟಪಡುವುದು ಆಲೂ ಪರೋಟ. ಇಲ್ಲಿದೆ ನೋಡಿ ಆಲೂ ಪರೋಟ ಮಾಡುವ ವಿಧಾನ.

ಮಾಡುವ ವಿಧಾನ
1. ಆಲೂಗಡ್ಡೆಯನ್ನು ಕುಕ್ಕರಿನಲ್ಲಿಟ್ಟು ಬೇಯಿಸಿಕೊಳ್ಳಿ.
2. ಗೋಧಿ ಹಿಟ್ಟನ್ನು ಕಲಸಿ ನೆನೆಯಲು ಬಿಡಿ.
3. ಬಾಣಲಿಯಲ್ಲಿ ಎಣ್ಣೆಯನ್ನು ಹಾಕಿ ಕಾದ ನಂತರ ಜೀರಿಗೆ ಹಾಕಿ.
4. ನಂತರ ಇದಕ್ಕೆ ಈರುಳ್ಳಿ, ಹಸಿಮೆಣಸಿನಕಾಯಿ ಹಾಕಿ ಚೆನ್ನಾಗಿ ಮಿಶ್ರ ಮಾಡಿ. ಇದಕ್ಕೆ ಉಪ್ಪು ಮತ್ತು ಅರಿಶಿಣ ಪುಡಿ ಸೇರಿಸಿ.
5. ಬೇಯಿಸಿಕೊಂಡ ಆಲೂಗಡ್ಡೆಯನ್ನು ಚೆನ್ನಾಗಿ ಪುಡಿಮಾಡಿ ಇದರೊಂದಿಗೆ ಸೇರಿಸಿ.
6.ಕಲಸಿಟ್ಟ ಗೋಧಿಯ ಹಿಟ್ಟನ್ನು ಉಂಡೆಗಳಾಗಿ ಮಾಡಿಕೊಂಡು ಅದರೊಳಗೆ ಈ ಹೂರಣವನ್ನು ಇಟ್ಟು ಚಪಾತಿಯಂತೆ ಲಟ್ಟಿಸಿಕೊಳ್ಳಿ.
7. ನಂತರ ಹೆಂಚಿನ ಮೇಲೆ ಎಣ್ಣೆ ಹಾಕಿ ಎರಡೂ ಬದಿಯಲ್ಲೂ ತಿರುವಿ ಹಾಕಿ ಸುಡಿ.
ಆಲೂ ಪರಾಟವನ್ನು ದಾಲ್ ಅಥವ ಮೊಸರು ಅಥವ ಮಾವಿನಕಾಯಿ ಉಪ್ಪಿನಕಾಯಿಯೊಂದಿಗೆ ಬಡಿಸಿ.