ಆಲೂ ಮಟರ್ ಪರೋಟದ ರೆಸಿಪಿ

ಚಪಾತಿ ಸಾಮಾನ್ಯವಾದ ಅಡುಗೆಯಾಗಿದೆ. ಆದರೆ ಅದಕ್ಕೇನಾದರೂ ಸೇರಿಸಿ ಮಾಡಿದರೆ ವಿಶೇಷ ಅಡುಗೆಯಾಗುತ್ತದೆ. ಆಲೂ ಮಟರ್ ಪರೋಟ ತಿನ್ನಲು ತುಂಬಾ ರುಚಿಕರವಾಗಿದ್ದು, ಇದನ್ನು ಮಾಡುವುದು ಕೂಡ ಸುಲಭ.

ಈ ಆಲೂ ಮಟರ್ ಪರೋಟವನ್ನು ಮಾಡುವ ವಿಧಾನ ಸರಳವಾಗಿದ್ದು ರ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಆಲೂಗೆಡ್ಡೆ 2 (ಬೇಯಿಸಿದ್ದು)
* ಹಸಿರು ಬಟಾಣಿ 1 ಕಪ್ (ಬೇಯಿಸಿದ್ದು)
* ರುಚಿಗೆ ತಕ್ಕ ಉಪ್ಪು
* ಈರುಳ್ಳಿ 1 (ಕತ್ತರಿಸಿದ್ದು)
* ಶುಂಠಿ ಪೇಸ್ಟ್ 1 ಚಮಚ
* ಬೆಳ್ಳುಳ್ಳಿ ಪೇಸ್ಟ್ 1 ಚಮಚ
* ಗರಂ ಮಸಾಲ 2 ಚಮಚ
* ಹಸಿ ಮೆಣಸಿನಕಾಯಿ 2
* ಅರಿಶಿಣ ಪುಡಿ ಅರ್ಧ ಚಮಚ
* ಎಣ್ಣೆ
* ರುಚಿಗೆ ತಕ್ಕ ಉಪ್ಪು

ಇತರ ಸಾಮಾಗ್ರಿಗಳು:

ಚಪಾತಿಗೆ ಬೇಕಾಗುವ ಸಾಮಾಗ್ರಿಗಳು

ತಯಾರಿಸುವ ವಿಧಾನ:

* ಚಪಾತಿಗೆ ತಕ್ಕ ಹಿಟ್ಟನ್ನು ಕಲೆಸಬೇಕು.

* ಬಾಣಲೆಯಲ್ಲಿ ಎಣ್ಣೆ ಹಾಕಿ ಎಣ್ಣೆಯನ್ನು ಬಿಸಿ ಮಾಡಬೇಕು. ನಂತರ ಅದಕ್ಕೆ ಕತ್ತರಿಸಿದ ಈರುಳ್ಳಿ ಮತ್ತು ಹಸಿ ಮೆಣಸಿನಕಾಯಿ ಹಾಕಿ ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು. ನಂತರ ಶುಂಠಿ ಮತ್ತು ಬೆಳ್ಳುಳ್ಳಿ ಹಾಕಿ 2 ನಿಮಿಷ ಬಿಸಿ ಮಾಡಬೇಕು.

* ನಂತರ ಇದಕ್ಕೆ ಬೇಯಿಸಿ ಹಿಸುಕಿದ ಆಲೂಗೆಡ್ಡೆ ಮತ್ತು ಬಟಾಣಿ ಹಾಕಿ ಅರಿಶಿಣ ಪುಡಿ ಸೇರಿಸಿ ಮಿಶ್ರಣ ಮಾಡಬೇಕು. ನಂತರ ಗರಂ ಮಸಾಲ ಹಾಕಿ 2 ನಿಮಿಷ ಸೌಟ್ ನಿಂದ ತಿರುಗಿಸುತ್ತಾ ಹುರಿಯಬೇಕು. ನಂತರ ಉರಿಯಿಂದ ಇಳಿಸಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ ತಣ್ಣಗಾಗಲು ಇಡಬೇಕು.

* ಈಗ ಚಪಾತಿಗೆ ತಟ್ಟಿ ಅದರ ಮಧ್ಯದಲ್ಲಿ ಸ್ವಲ್ಪ ಮಿಶ್ರಣವನ್ನು ಹಾಕಿ ಮಡಚಿ ಮತ್ತೊಮ್ಮೆ ತಟ್ಟಬೇಕು.

* ತವಾವನ್ನು ಉರಿಯಲ್ಲಿಟ್ಟು ಅದರಲ್ಲಿ ಎಣ್ಣೆಯನ್ನು ಉಜ್ಜಿ. ನಂತರ ತಟ್ಟಿದ ಚಪಾತಿಯನ್ನು ಇದರಲ್ಲಿ ಹಾಕಿ ಬೇಯಿಸಿದರೆ ಆಲೂ ಮಟರ್ ಪರೋಟ ರೆಡಿ.