ಉತ್ತರ ಕನ್ನಡದ ಅಲಸಂದೆ ರೊಟ್ಟಿ ಸವಿಯೋಣ ಬನ್ನಿ

ನಿರುಪಮಾ, ಹುಬ್ಬಳ್ಳಿ

ಬೇಕಾಗುವ ಪಡಿಪದಾರ್ಥ :
ಅಲಸಂದೆ ಕಾಳು: 3 ಕಪ್ಪು
ಎಳ್ಳು: ಸ್ವಲ್ಪ
ಕಡಲೆಹಿಟ್ಟು: 1 ಕಪ್ಪು
ಗೋದಿಹಿಟ್ಟು: 1 ಕಪ್ಪು
ಹಸಿ ಮೆಣಸಿನ ಕಾಯಿ: 4 ರಿಂದ 6
ಜೀರಿಗೆ: ಅರ್ಧ ಚಮಚ
ಉಪ್ಪು : ರುಚಿಗೆ ತಕ್ಕಷ್ಟು
ಕೊತ್ತಂಬರಿಸೊಪ್ಪು.: ಒಂದೆರಡು ಎಸಳು

ತಯಾರಿಸುವ ವಿಧಾನ :
ಮೊದಲು ಅಲಸಂದೆ ಕಾಳನ್ನು ಕುಕ್ಕರ್‌ನಲ್ಲಿ ಬೇಯಿಸಿಕೊಂಡು ಅದು ತಣ್ಣಗಾದ ಬಳಿಕ ನುಣ್ಣಗೆ ರುಬ್ಬಿಟ್ಟುಕೊಳ್ಳಿ. ಹಿಟ್ಟಿಗೆ ಸಣ್ಣಗೆ ಹೆಚ್ಚಿದ ಹಸಿ ಮೆಣಸಿನ ಕಾಯಿ, ಕೊತ್ತಂಬರಿಸೊಪ್ಪು, ಹುರಿದ ಎಳ್ಳು, ಜೀರಿಗೆ, ಕಡಲೆಹಿಟ್ಟು, ಗೋದಿಹಿಟ್ಟು ಹಾಗೂ ಉಪ್ಪು ಸೇರಿಸಿ ಚಪಾತಿ ಹಿಟ್ಟಿನ ರೀತಿ ಕಲೆಸಿ.

ಆನಂತರ ಸಣ್ಣ ಸಣ್ಣ ಉಂಡೆಗಳನ್ನು ಮಾಡಿಟ್ಟುಕೊಂಡು ಮಣೆಯ ಮೇಲೆ ಎಣ್ಣೆ ಹಾಕಿ, ಚಪಾತಿಯಂತೆ ಲಟ್ಟಿಸಿ (ಲಟ್ಟಿಸುವಾಗಲೂ ಹಿಟ್ಟಿನ ಮೇಲೆ ಎಣ್ಣೆ ಹಾಕಬೇಕು). ಆನಂತರ ಕಾದ ಕಾವಲಿಯ ಮೇಲೆ ಎರಡೂ ಬದಿ ಚೆನ್ನಾಗಿ ಬೇಯಿಸಿ. ಉಪ್ಪಿನಕಾಯಿ, ಬದನೆಕಾಯಿ ಎಣ್ಣೆಗಾಯಿ, ಚಟ್ನಿಪುಡಿ, ಗುರೆಳ್ಳು, ಕಾಯಿ ಚಟ್ನಿಯ ಜತೆ ಅಲಸಂದೆ ರೊಟ್ಟಿ ತಿನ್ನಲು ಬಲು ಸೊಗಸಾಗಿರುತ್ತದೆ.