ಹೊಸವರ್ಷಕ್ಕೆ ಹುಳಿ ಹಿಟ್ಟಿನ ಕೇಕ್ ಇಡ್ಲಿ

ಬೇಕಾದ ಪದಾರ್ಥಗಳು :

ಉಳಿದಿರುವ ಹುಳಿಹುಳಿ ಇಡ್ಲಿ ಹಿಟ್ಟು
ಕಡಲೇಬೇಳೆ 25 ಗ್ರಾಂ
ಹೆಸರುಬೇಳೆ 25 ಗ್ರಾಂ
ತೆಂಗಿನಕಾಯಿ ತುರಿ 1 ಬಟ್ಟಲು
ಹಸಿ ಮೆಣಸಿನಕಾಯಿ 4
ಹಸಿ ಶುಂಠಿ, ಕರಿಬೇವು, ಕೊತ್ತಂಬರಿ ಸೊಪ್ಪು, ಜೀರಿಗೆ

ತಯಾರಿಸುವ ಬಗೆ :

ಕಡಲೇಬೇಳೆ ಮತ್ತು ಹೆಸರುಬೇಳೆಯನ್ನು ಒಟ್ಟಿಗೆ ಸುಮಾರು ಒಂದು ಗಂಟೆಹೊತ್ತು ನೆನೆಸಬೇಕು. ತರಿತರಿಯಾದ ರವೆಯಾಗುವಂತೆ ಹದವಾಗಿ ರುಬ್ಬಿಕೊಳ್ಳಬೇಕು. ಆನಂತರ ಇದನ್ನು ಹುಳಿಇಡ್ಲಿ ಹಿಟ್ಟಿಗೆ ಬೆರಸಿ, ಉಪ್ಪು ಹಾಕಿ ಸ್ವಲ್ಪ ಸಮಯ ಬಿಡಿ. ಸಣ್ಣಗೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪು, ಕರಿಬೇವಿನ ಸೊಪ್ಪು ತುರಿದ ಶುಂಠಿ ಮತ್ತು ತೆಂಗಿನಕಾಯಿ ತುರಿಯನ್ನು ಸೇರಿಸಿ, ಚೆನ್ನಾಗಿ ಕಲಸಿಡಿ.

ಎರಡು ಚಮಚ ಎಣ್ಣೆ ಬಿಸಿಮಾಡಿಕೊಂಡು ಸಾಸಿವೆ ಹಾಗೂ ಹೆಚ್ಚಿಕೊಂಡ ಹಸಿರು ಮೆಣಸಿನಕಾಯಿ ಒಗ್ಗರಣೆ ತಯಾರಿಸಿ. ಇದನ್ನು ಕಾಲು ಚಮಚದಷ್ಟು ಅಡಿಗೆ ಸೋಡಾ ಜತೆಗೆ ಇಡ್ಲಿ ಹಿಟ್ಟಿನ ಮೇಲೆ ಸುರಿಯಿರಿ. ಚೆನ್ನಾಗಿ ಕಲಸಿ ಅಗಲವಾದ ಇಡ್ಲಿ ತಟ್ಟೆಗಳಲ್ಲಿ ಹಾಕಿ, ಹಬೆಯಲ್ಲಿ ಬೇಯಿಸಿರಿ. ಬಿಸಿಬಿಸಿಯಾದ ಕೇಕ್ ಇಡ್ಲಿಯನ್ನು ಈ ಕೆಳಗಿನ ಪುಡಿಯೊಂದಿಗೆ ಬಡಿಸಿರಿ.

ಪುಡಿ ತಯಾರಿಸುವ ವಿಧಾನ :

ಸ್ವಲ್ಪ ಸಾಸಿವೆ ಮೂರು ಚಮಚ ಜೀರಿಗೆ, ಎರಡು ಚಮಚ ಉದ್ದಿನಬೇಳೆ, ಸ್ವಲ್ಪ ಮೊಸರಿನಲ್ಲಿ ನೆನೆಸಿದ ಹಸಿ ಅಥವಾ ಒಣಮೆಣಸಿನಕಾಯಿ, ಕರಿಬೇವಿನ ಸೊಪ್ಪನ್ನು, ಬಣ್ಣ ಬದಲಾಗುವವರೆಗೆ ಹುರಿಯಿರಿ, ನಂತರ ತರತರಿಯಾಗಿ ಪುಡಿ ಮಾಡಿಕೊಳ್ಳಿರಿ.