ಬ್ರೇಕ್ ಫಾಸ್ಟ್ ಗೆ ರುಚಿಯಾದ ಚೀಸ್ ಆಮ್ಲೇಟ್

ಬೇಕಾಗುವ ಸಾಮಾಗ್ರಿಗಳು:

1. ಒಬ್ಬರಿಗೆ 2 ಮೊಟ್ಟೆಯಂತೆ
2. ಹಾಲು 2 ಚಮಚ (ಮೊಟ್ಟೆಗೆ ಹಾಕಲು)
3. ಮೆಣಸು 1 ಚಮಚ
4. ಅಜ್ವೈನ ಅಥವಾ ಅಯಮೋದ 1 ಚಮಚ
5. ಚೀಸ್ 1 ಪೀಸ್
6. ಬೇಯಿಸಿದ ಹಾಲುಗೆಡ್ಡೆ 4
7. ಬೆಣ್ಣೆ 3 ಚಮಚ
8. ಉಪ್ಪು ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ:

1. ಮೊದಲು ಹಾಲುಗೆಡ್ಡೆಯನ್ನು ಬೇಯಿಸಿ ಅದನ್ನು ಕಂದು ಬಣ್ಣಕ್ಕೆ ಹುರಿದು ಇಡಬೇಕು.

2. ನಂತರ ಹಾಲುಗೆಡ್ಡೆಯನ್ನು ದೊಡ್ಡ ಚಮಚ ಬಳಸಿ ಚೆನ್ನಾಗಿ ಕಿವುಚಿ 2 ಚಮಚ ಬೆಣ್ಣೆಯನ್ನು ಹಾಕಿ ಸರಿಯಾಗಿ ಮಿಶ್ರ ಮಾಡಿ ಇಡಬೇಕು.

3. ಮೊಟ್ಟೆಯನ್ನು 2 ಚಮಚ ಹಾಲು ಹಲಿ ಚೆನ್ನಾಗಿ ಕದಡಿ, ಸ್ವಲ್ಪ ಅಜ್ವೈನ ಮತ್ತು ಉಪದಪು ಹಾಕಿ ಕದಡ ಬೇಕು.

4. ನಂತರ ಬಾಣಲೆಗೆ 1 ಚಮಚ ಬೆಣ್ಣೆ ಹಾಕಿ ಅದು ಬಿಸಿಯಾದಾಗ ಖಾರಕ್ಕೆ ತಕ್ಕ ಮೆಣಸಿನ ಪುಡಿ ಹಾಕಿ ಅದರಲ್ಲಿ ಮೊಟ್ಟೆಯನ್ನು ಮತ್ತು ಹಾಲುಗೆಡ್ಡೆಯ ಮಿಶ್ರಣವನ್ನು ಹಾಕಿ 30 ಸೆಕಂಡಿಗೆ ಚೀಸ್ ಅನ್ನು ಹಾಕಬೇಕು.

5. ನಂತರ ಅದನ್ನು ಮಡಚಿ 1 ನಿಮಿಷ ಚೀಸ್ ಕರುಗುವರೆಗೆ ಬಿಟ್ಟು ನಂತರ ಬೆಂಕಿ ಉರಿಯನ್ನು ಕಡಿಮೆ ಮಾಡಬೇಕು, ಯಾವಾಗ ಹಾಲುಗೆಡ್ಡೆ ಬೆಂದ ವಾಸನೆ ಬರಲಾರಂಬಿಸುತ್ತದೆಯೊ ಆಗ ತೆಗೆಯಬೇಕು.

ಈಗ ತಯಾರದ ಚೀಸ್ ಆಮ್ಲಲೇಟ್ ಅನ್ನು ಟೀ ಅಥವಾ ತಾಜಾ ಜ್ಯೂಸ್ ನೊಂದಿಗೆ ಸೇವಿಸಬಹುದಾಗಿದೆ.