ನಿಮಗೆ ನಿಮ್ಮ ಮಕ್ಕಳಿಗೆ ಸಿಹಿ ಇಡ್ಲಿ

Breakfast

oi-Staff

By * ಕುಮುದಾ ನಾರಾಯಣ್

Published: Tuesday, September 8, 2009, 17:40 [IST]

ಇಡ್ಲಿಗಳಲ್ಲಿ ನಾನಾ ಬಗೆ. ಹುಡುಕುತ್ತಾ ಹೋದಷ್ಟೂ ಹೊಸಹೊಸ ನಮೂನೆ. ಒಂದೇ ಬಗೆಯ ಪದಾರ್ಥ ತಿಂದು ಬೋರು ಆಗಿರುವವರ ಪ್ರಯೋಗಶೀಲತೆಗೆ ಸಿಹಿ ಇಡ್ಲಿ ಇನ್ನೊಂದು ಆಸರೆ.

ಬೇಕಾಗುವ ಸಾಮಾನುಗಳು:

ಉದ್ದಿನಬೇಳೆ - 1/2 ಕಪ್
ರವೆ - 3/4 ಕಪ್
ನುಣ್ಣಗೆ ಪುಡಿ ಮಾಡಿದ ಬೆಲ್ಲ - 5 ಟೇಬಲ್ ಚಮಚ
ದೊಡ್ಡ ಚಿಟಿಕೆ ಅಡಿಗೆ ಸೋಡಾ - 1 ಚಮಚ
ಚಿಟಿಕೆ ಉಪ್ಪು - ರುಚಿಗೆ ತಕ್ಕಸ್ಟು
ಒಣದ್ರಾಕ್ಷಿ - 25 ಗ್ರಾಂ
ಸ್ಕಿಮ್ಡ್ ಹಾಲು - 1 ಕಪ್

ಮಾಡುವ ವಿಧಾನ:

ಬೇಳೆಯನ್ನು ನೀರಿನಲ್ಲಿ ಒಂದು ಗಂಟೆಗಳ ಕಾಲ ನೆನೆಸಿರಿ. ನೀರನ್ನು ಬಸಿದು ನುಣ್ಣಗೆ ರುಬ್ಬಿ ನಾಲ್ಕು ಗಂಟೆಗಳ ಕಾಲ ಬಿಡಿ. ರವೆಯನ್ನು ತವದ ಮೇಲೆ ಬಣ್ಣ ಬದಲಿಸುವವರೆಗೆ ಹುರಿಯಿರಿ. ನಂತರ ಉಪ್ಪು ಮತ್ತು ಅಡಿಗೆ ಸೋಡಾದೊಂದಿಗೆ ಹಿಟ್ಟಿಗೆ ಹಾಕಿ ಕಲಸಿ. ಬೇಕಾದಷ್ಟು ಹಾಲನ್ನು ಹಾಕಿ ಗಟ್ಟಿಯಾಗಿ ಕಲಸಿ.ಬೆಲ್ಲ ಮತ್ತು ದ್ರಾಕ್ಷಿಯನ್ನು ಹಾಕಿ ಕಲಸಿ ಇಡ್ಲಿ ಕಪ್ ಅನ್ನು ಚೆನ್ನಾಗಿ ಬಿಸಿ ಮಾಡಿ ಅದರಲ್ಲಿ ಅರ್ಧದಷ್ಟು ಹಿಟ್ಟನ್ನು ಹಾಕಿ ಬೇಯಿಸಿರಿ. ಹಬೆಯಲ್ಲಿ ಇಡ್ಲಿ ಚೆನ್ನಾಗಿ ಬೇಯಲಿ. ನಿಮ್ಮೊಟ್ಟಿಗೆ ನಿಮ್ಮ ಮಕ್ಕಳು ತುಂಬಾ ಈ ತಿಂಡಿಯನ್ನು ಇಷ್ಟ ಪಡುತ್ತಾರೆ.