ಭಿಡೆಯಿಲ್ಲದೆ ತಿನ್ನಿರಿ ರುಚಿರುಚಿ ಕ್ಯಾರೆಟ್‌ ವಡೆ

ಬೇಕಾಗುವ ಪದಾರ್ಥಗಳು :

ಕಡಲೆ(ಪುಟಾಣಿ) -1ಕಪ್‌
ತುರಿದ ಕ್ಯಾರೆಟ್‌-1ಕಪ್‌
ಹೆಚ್ಚಿದ ಈರುಳ್ಳಿ-1/2 ಕಪ್‌
ಹಸಿ ಮೆಣಸಿನ ಕಾಯಿ -2
ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ : ಪುಟಾಣಿ ಕಡಲೆಯನ್ನು ಮಿಕ್ಸರ್‌ನಲ್ಲಿ ಹಾಕಿ ನುಣ್ಣಗೆ ಹಿಟ್ಟಾಗುವಂತೆ ರುಬ್ಬಿಕೊಳ್ಳಿ. ಮೊದಲೇ ಹೆಚ್ಚಿಟ್ಟಿದ್ದ ಈರುಳ್ಳಿ, ಹಸಿಮೆಣಸಿನ ಕಾಯಿ, ತುರಿದ ಕ್ಯಾರೆಟ್‌ ಮತ್ತು ಉಪ್ಪನ್ನು ಪುಟಾಣಿ ಹಿಟ್ಟಿನಲ್ಲಿ ಸೇರಿಸಿ. ನಂತರ ಈ ಮಿಶ್ರಣಕ್ಕೆ ನೀರನ್ನು ಹಾಕಿ, ಹಿಟ್ಟನ್ನು ನಾದಬೇಕು. ಆಮೇಲೆ ಚಿಕ್ಕಚಿಕ್ಕ ಉಂಡೆ ಮಾಡಿಕೊಳ್ಳಿ.

ಇನ್ನೊಂದೆಡೆ ಸ್ಟೋವ್‌ ಮೇಲೆ ಬಾಣಲೆಯಿಟ್ಟು ಎಣ್ಣೆ ಹಾಕಿ ಕಾಯಿಸಿ. ಹಿಟ್ಟಿನ ಚಿಕ್ಕ ಚಿಕ್ಕ ಉಂಡೆಯನ್ನು ಕೈಯಲ್ಲಿ ತಟ್ಟಿ ಒಂದೊಂದಾಗಿ ಎಣ್ಣೆಯಲ್ಲಿ ತೇಲಿ ಬಿಡಿ. ಅವುಗಳು ಕಂದು ಬಣ್ಣಕ್ಕೆ ತಿರುಗಿದ ಮೇಲೆ ಹೊರತೆಗೆಯಿರಿ. ಆಮೇಲೆ ನೋಡಿ ಅದರ ರುಚಿ!