ಬೆಣ್ಣೆ ಜೊತೆ ಸವೆಯಿರಿ ಬಿಸಿಯಾದ ರವೆ ರೊಟ್ಟಿ

Breakfast

oi-Reena

By Hema S

Published: Wednesday, April 4, 2012, 15:42 [IST]

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಡೆಸಿಕೊಡುವ 'ಕನ್ನಡದ ಕೋಟ್ಯಾಧಿಪತಿ' ಗೇಮ್ ಶೋನಲ್ಲಿ ಗೋಲ್ಡನ್ ಗರ್ಲ್ ರಮ್ಯಾ ರವೆ ಇಡ್ಲಿ ದೆಸೆಯಿಂದ ಸೋತಾಗ ರವೆ ಇಡ್ಲಿ ಮನೆ ಮಾತಾಗಿತ್ತು. ಅಲ್ಲದೆ ರವೆ ಇಡ್ಲಿ ಹೆಚ್ಚಿನ ಹೋಟೆಲ್‌ಗಳಲ್ಲಿ ದೊರೆಯುತ್ತದೆ. ಆದರೆ ರವೆ ರೊಟ್ಟಿಯ ರುಚಿಯ ಬಗ್ಗೆ ಹೆಚ್ಚಿನವರಿಗೆ ಗೊತ್ತಿರುವುದೇ ಇಲ್ಲ. ಬೆಣ್ಣೆ ಜೊತೆ ತಿನ್ನಲು ತುಂಬಾ ರುಚಿಯಾಗಿರುವ ರವೆ ರೊಟ್ಟಿ ಮಾಡುವ ಸರಳ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು:

* ಸೂಜಿ ರವೆ - 3 ಕಪ್
* ಈರುಳ್ಳಿ - 2
* ಹಸಿಮೆಣಸು 6 - 7
* ತೆಂಗಿನತುರಿ - 1 ಕಪ್
* ಸಣ್ಣಗೆ ಕತ್ತರಿಸಿದ ಕರಿಬೇವು - 1 ಟೀ ಸ್ಪೂನ್
* ಮೊಸರು ಅಥವಾ ಮಜ್ಜಿಗೆ 1/2 ಗ್ಲಾಸ್
*ರುಚಿಗೆ ತಕ್ಕಷ್ಟು ಉಪ್ಪು
* ಕ್ಯಾರೆಟ್, ಬೂದುಕುಂಬಳ ಕಾಯಿ ಹೀಗೆ ನಿಮ್ಮಿಷ್ಟದ ಯಾವುದೇ ತರಕಾರಿಗಳ ತುರಿ - ಒಂದರಿಂದ ಒಂದೂವರೆ ಕಪ್

ತಯಾರಿಸುವ ವಿಧಾನ:

1. ರವೆ, ತರಕಾರಿ ತುರಿ, ಸಣ್ಣಗೆ ಕತ್ತರಿಸಿದ ಈರುಳ್ಳಿ, ಹಸಿಮೆಣಸು, ಕರಿಬೇವು, ತೆಂಗಿನತುರಿ, ರುಚಿಗೆ ತಕ್ಕ ಉಪ್ಪು, ಎಲ್ಲವನ್ನೂ ಸೇರಿಸಿ ಸ್ವಲ್ಪ ನೀರು ಹಾಕಿ ಕಲೆಸಿಕೊಳ್ಳಬೇಕು.

2. ಹಿಟ್ಟು ತುಂಬಾ ಗಟ್ಟಿ ಎನಿಸಿದರೆ ಸ್ವಲ್ಪ ಮೊಸರು ಅಥವಾ ಮಜ್ಜಿಗೆ ಸೇರಿಸಿ ಕಲೆಸಿ 20 ನಿಮಿಷ ಇಡಬೇಕು. ನಂತರ ಈ ಮಿಶ್ರಣದಿಂದ ರೊಟ್ಟಿಗಳನ್ನು ತಟ್ಟಿ ಕಾದ ತವೆಯ ಮೇಲೆ ಎಣ್ಣೆ ಹಾಕಿ ಬೇಯಿಸಿ.

ಬಿಸಿ ರೊಟ್ಟಿಯನ್ನು ಬೆಣ್ಣೆಯೊಡನೆ ತಿನ್ನಲು ತುಂಬಾ ರುಚಿಯಾಗಿರುತ್ತದೆ.