ದಿನಾ ಒಂದೇ ರುಚಿಯ ಇಡ್ಲಿ ಏಕೆ?

Published: Wednesday, March 28, 2012, 12:45 [IST]

ದಕ್ಷಿಣ ಭಾರತದಲ್ಲಿ ಇಡ್ಲಿ ಅಂದರೆ ಎಲ್ಲರಿಗೂ ಗೊತ್ತು. ಅಮ್ಮ ಮಾಡುವ ಅಡುಗೆಯ ಮೆನು ಗಮನಿಸಿದರೆ ವಾರಕ್ಕೊಮ್ಮೆ ಅಥವಾ 15 ದಿನಕ್ಕೊಮ್ಮೆಯಾದರೂ ಇಡ್ಲಿ ಮಾಡಲಾಗುವುದು. ಒಂದೇ ರುಚಿಯ ಇಡ್ಲಿ ತಿಂದರೆ ಬೋರಾಗುವುದು. ರುಚಿಕರವಾಗಿ ಅನೇಕ ಬಗೆಯ ಇಡ್ಲಿ ತಯಾರಿಸಬಹುದು. ಇವತ್ತು ನಾವು ರುಚಿಕರವಾದ ಮಸಾಲೆ ಇಡ್ಲಿ ಮಾಡುವ ವಿಧಾನ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:
* ಇಡ್ಲಿ ಹಿಟ್ಟು 2 ಕಪ್
* ಮೊಸರು 1 ಕಪ್
* 1/2 ಚಮಚ ಉಪ್ಪು
* ಸಾಸಿವೆ 1 ಚಮಚ
* ಸ್ವಲ್ಪ ಕರಿ ಬೇವಿನ ಎಲೆ
* 1/4 ಚಮಚ ಅಡುಗೆ ಸೋಡಾ

ಮಸಾಲೆಗೆ:
* ಬಟಾಣಿ 1 ಕಪ್
* 1/2 ಚಮಚ ಉಪ್ಪು
* ಆಲೂಗೆಡ್ಡೆ
* ಕೆಂಪು ಮೆಣಸಿನ ಕಾಯಿ ಪುಡಿ 1/2 ಚಮಚ
* ಚಿಟಿಕೆಯಷ್ಟು ಹಳದಿ
* ಕೊತ್ತಂಬರಿ ಪುಡಿ 1/2 ಚಮಚ
* 1 ಚಮಚ ಎಣ್ಣೆ

ತಯಾರಿಸುವ ವಿಧಾನ:

1. ಹಿಡ್ಲಿ ಹಿಟ್ಟು, ಮೊಸರು ಮತ್ತು ಸ್ವಲ್ಪ ರುಚಿಗೆ ತಕ್ಕ ಉಪ್ಪು, ಅಡುಗೆ ಸೋಡಾ ಹಾಕಿ ಅಳತೆಗೆ ನೀರು ಹಾಕಿ ಕಲೆಸಿ ಪಾತ್ರೆಯ ಬಾಯಿಯನ್ನು ಮುಚ್ಚಿ 1 ಗಂಟೆ ಇಡಬೇಕು.

2. ಆಲೂಗೆಡ್ಡೆ ಮತ್ತು ಬಟಾಣಿಯನ್ನು ಬೇಯಿಸಿ, ಅವುಗಳನ್ನು ಚೆನ್ನಾಗಿ ಇಸುಕಬೇಕು.

3. ಈಗ ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿಮಾಡಿ ಆಲೂಗೆಡ್ಡೆ, ಬಟಾಣಿ, ಉಪ್ಪು, ಕೆಂಪು ಮೆಣಸಿನ ಕಾಯಿ ಪುಡಿ, ಹಳದಿ ಪುಡಿ, ಕೊತ್ತಂಬರಿ ಪುಡಿ ಹಾಕಿ 2-3 ನಿಮಿಷ ಹುರಿಯಬೇಕು.

4. ಈಗ ಈ ಮಿಶ್ರಣಕ್ಕೆ ಕರಿ ಬೇವಿನ ಎಲೆಯನ್ನು ಹಕಿ ಉರಿಯಿಂದ ತೆಗೆಯಬೇಕು.

5. ಈಗ ಇಡ್ಲಿ ಮಾಡುವ ಪಾತ್ರೆಗೆ ಎಣ್ಣೆ ಸವರಿ ಸ್ವಲ್ಪ ಹಿಡ್ಲಿ ಮಿಶ್ರಣ ಹುಯ್ದು ಅದರ ಮೇಲೆ ಈ ಆಲೂ ಬಟಾಣಿ ಮಸಾಲೆ ಹಾಕಿ, ಅದರ ಮೇಲೆ ಮತ್ತೆ ಮಸಾಲೆ ಹಾಕಿ ಮತ್ತೆ ಸ್ವಲ್ಪ ಇಡ್ಲಿ ಹಿಟ್ಟು ಹುಯ್ದು ಬೇಯಲು ಇಡಬೇಕು.

ಈ ಇಡ್ಲಿಯನ್ನು ಸಾಮಾನ್ಯವಾಗಿ ಇಡ್ಲಿ ಬೇಯಿಸುವಷ್ಟು ಹೊತ್ತು ಬೇಯಿಸಿದರೆ ರುಚಿಕರವಾದ ಮಸಾಲೆ ಇಡ್ಲಿ ರೆಡಿ.