ಗರ್ಭಾವಸ್ಥೆಯಲ್ಲಿ ಸೆಕ್ಸ್: ಗಮನದಲ್ಲಿರಬೇಕಾದ4 ಅಂಶಗಳು

1. ದೇಹದಲ್ಲಾಗುವ ಬದಲಾವಣೆ

ಸಾಮಾನ್ಯ ಮಹಿಳೆಯಾಗಿರಲಿ ಅಥವಾ ಸೆಲೆಬ್ರಿಟಿಯಾಗಿರಲಿ ಗರ್ಭಿಣಿಯಾದ ಮೇಲೆ ದೇಹದಲ್ಲಿ ಬದಲಾವಣೆಗಳು ಗೋಚರಿಸುವುದು ಸಹಜ. ಕೆಲವರಿಗೆ ಮೈ ಬಣ್ಣ ಕಪ್ಪು-ಕಪ್ಪಾಗಬಹುದು, ಬಳಕುವ ಬಳ್ಳಿಯಂತೆ ಇದ್ದವರು ದಪ್ಪಗಾಗಬಹುದು. ಇದರ ಜೊತೆ ವಾಂತಿ, ಸುಸ್ತು ಈ ಎಲ್ಲಾ ಕಾರಣಗಳಿಂದ ದೇಹ ಬಳಲಿ ಹೋಗಿರುತ್ತದೆ.

ಇನ್ನು ಎರಡನೇ ಹಾಗೂ 3ನೇ ತ್ರೈಮಾಸಿಕದಲ್ಲಿ ಹೊಟ್ಟೆ ಗಾತ್ರ ಹೆಚ್ಚಾಗುತ್ತದೆ, ಇದರಿಂದ ಕೂರಲು, ಓಡಾಡಲು ಕೂಡ ಕಷ್ಟವಾಗುತ್ತದೆ. ಇಂಥ ಸಂದರ್ಭದಲ್ಲಿ ನಿಮ್ಮ ತಲೆಯಲ್ಲಿ ಏನು ಓಡುತ್ತಿದೆ ಎಂಬುವುದನ್ನು ಗಂಡನ ಬಳಿ ಹೇಳಿ. ಸಂಕೋಚ ಬೇಡ, ಅವರು ಕೂಡ ಪರಿಸ್ಥಿತಿ ಅರ್ಥ ಮಾಡಿಕೊಳ್ಳುವರು.

2. ಗಂಡ ನಿಮ್ಮಿಂದ ಅಂತರ ಕಾಯ್ದುಕೊಳ್ಳುತ್ತಿದ್ದಾರೆ ಎಂದು ಅನಿಸುತ್ತಿದೆಯೇ?

ಗರ್ಭಿಣಿ ಆದ ಬಳಿಕ ಗಂಡ ಏಕೋ ದೈಹಿಕ ಅಂತರ ಕಾಯ್ದು ಕೊಳ್ಳುತ್ತಿದ್ದಾರೆ ಎಂದು ನಿಮಗನಿಸಿದರೆ ನೀವು ಅದನ್ನು ನೆಗೆಟಿವ್ ಆಗಿ ತಗೋಬೇಕಾಗಿಲ್ಲ, ಅವರಿಗೂ ಭಯ ಇರುತ್ತದೆ, ನಿಮ್ಮ ಬಳಿ ಹೇಳಿರಲ್ಲ, ಇಂಥ ಸಂದರ್ಭದಲ್ಲಿ ಇಬ್ಬರು ಪರಸ್ಪರ ಮನಸ್ಸು ಬಿಚ್ಚಿ ಮಾತನಾಡಿ, ಇದರಿಂದ ಇಬ್ಬರ ನಡುವಿನ ಅನ್ಯೂನ್ಯತೆ ಮತ್ತಷ್ಟು ಹೆಚ್ಚುವುದು.

3. ಗರ್ಭಾವಸ್ಥೆಯಲ್ಲಿ ಕೆಲವರಿಗೆ ಸೆಕ್ಸ್ ಬಯಕೆ ಹೆಚ್ಚುವುದು

ವ್ಯಕ್ತಿಯಿಂದ-ವ್ಯಕ್ತಿ ಭಿನ್ನವಾಗಿರುತ್ತಾರೆ. ಕೆಲವರಿಗೆ ಗರ್ಭಾವಸ್ಥೆಯಲ್ಲಿ ಸೆಕ್ಸ್ ಬಗ್ಗೆ ನಿರಾಸಕ್ತಿ ಮೂಡಿದರೆ ಇನ್ನು ಕೆಲವರಿಗೆ ಆಸಕ್ತಿ ಹೆಚ್ಚುವುದು. ಇದೆಲ್ಲಾಆ ಹಾರ್ಮೋನ್‌ಗಳ ಬದಲಾವನೆಯಿಂದಾಗಿ ಉಂಟಾಗುವುದು.

ಗರ್ಭಾವಸ್ಥೆಯಲ್ಲಿ ಬಯಸಿದರೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿಕೊಳ್ಳಬಹುದು. ಇದರಿಂದ ಆಕ್ಸಿಟೋನ್ ಹಾರ್ಮೋನ್ ಬಿಡುಗಡೆ ಆಗಿ ರಿಲ್ಯಾಕ್ಸ್ ಆಗುವಿರಿ.

4. ಮೂರನೇ ತ್ರೈಮಾಸಿಕದಲ್ಲಿ ಸೆಕ್ಸ್ ಸುರಕ್ಷಿತವೇ?

ಈ ಸಂದರ್ಭದಲ್ಲಿ ಬಯಸಿದರೂ ಕ್ರಿಯೆಯಲ್ಲಿ ತೊಡಗಿಸಿಕೊಳ್ಳುವುದು ಕಷ್ಟವಾಗಬಹುದು. ಗಂಡ-ಹೆಂಡತಿ ಈ ಸಮಯದಲ್ಲಿ ಅಂತರ ಕಾಯ್ದುಕೊಳ್ಳಬೇಕು ಎಂದೇನಿಲ್ಲ, ಕಿಸ್ಸಿಂಗ್, ಅಪ್ಪಿಕೊಳ್ಳುವುದು ಹಾಗೂ ನಿಮಗೆ ಕಂಫರ್ಟ್ ಆಗುವ ರೀತಿಯಲ್ಲಿ ರೊಮ್ಯಾನ್ಸ್‌ನಲ್ಲಿ ತೊಡಗಿಕೊಳ್ಳುವುದರಿಂದ ಇಬ್ಬರಿಗೂ ಖುಷಿ ಸಿಗುವುದು.

ಗರ್ಭಾವಸ್ಥೆಯಲ್ಲಿ ನಿಮಗೆ ಲೈಂಗಿಕ ಆಸಕ್ತಿ ಕಡಿಮೆಯಾದರೆ ತುಂಬಾ ತಲೆಕೆಡಿಸಿಕೊಳ್ಳಬೇಡಿ, ಹೆರಿಗೆಯ ಬಳಿಕ ಎಲ್ಲವೂ ಸರಿ ಹೋಗುವುದು, ಆದರೆ ಗಂಡನ ಬಳಿ ಮನಬಿಚ್ಚಿ ಮಾತನಾಡಿ, ಮಾನಸಿಕವಾಗಿ ಇಬ್ಬರೂ ಮತ್ತಷ್ಟು ಗಟ್ಟಿಯಾಗಲು ಪ್ರಯತ್ನಿಸಿ.