ಗರ್ಭಾವಸ್ಥೆಯಲ್ಲಿ ಗರ್ಭಿಣಿ ಸ್ತ್ರೀಯ ಕಾಳಜಿ ಹೇಗಿರಬೇಕು?

Pre Natal

oi-Staff

By Super

Published: Thursday, July 16, 2015, 9:57 [IST]

ಸ್ತ್ರೀಯ ಜೀವನದಲ್ಲಿ ಗರ್ಭಧಾರಣೆ ಎನ್ನುವುದು ಮಹತ್ವದ ಘಟ್ಟವಾಗಿದೆ. ಈ ಸಮಯದಲ್ಲಿ ಆಕೆ ಆದಷ್ಟೂ ಜಾಗರೂಕತೆಯಿಂದ ಪ್ರತಿಯೊಂದು ಹೆಜ್ಜೆಯನ್ನೂ ಇಡಬೇಕು. ತನ್ನೊಳಗೆ ಮತ್ತೊಂದು ಜೀವವನ್ನು ಕಾಪಾಡುವ ತಾಯಿಯ ಪಾತ್ರ ದೇವರು ಕೊಡುವ ನಿಜವಾದ ವರವಾಗಿದೆ. ತಾಯ್ತನದ ಸೌಭಾಗ್ಯ ಒಂದು ಹೆಣ್ಣಿಗೆ ಮಹಾಭಾಗ್ಯವಿದ್ದಂತೆ ಎಂಬುದು ಪುರಾತನ ಕಾಲದಿಂದಲೂ ನಂಬಿಕೊಂಡು ಬಂದಿರುವ ಸಿದ್ಧಾಂತವಾಗಿದೆ.

ಗರ್ಭಿಣಿ ಎಂದು ಗೊತ್ತದ ತಕ್ಷಣ ಆ ಮಹಿಳೆಗೆ ಮನೆಯವರು ಮತ್ತು ವೈದ್ಯರು ಸಾಕಷ್ಟು ಸಲಹೆ ಸೂಚನೆಗಳನ್ನು ನೀಡುತ್ತಾರೆ. ಗರ್ಭಿಣಿಯರು ಹೆಚ್ಚು ಮಾನಸಿಕ ಒತ್ತಡ ತಂದುಕೊಳ್ಳಬಾರದು ಹಾಗೂ ತಿಂಗಳಿಗೆ ಸರಿಯಾಗಿ ವೈದ್ಯರ ಬಳಿ ಸರಿಯಾಗಿ ಪರೀಕ್ಷೆ ಮಾಡಿಸಬೇಕು ಈ ರೀತಿಯಲ್ಲಿ ಮಾರ್ಗದರ್ಶನ ನೀಡುತ್ತಾರೆ.

ಇದರ ಜೊತೆಗೆ ಗರ್ಭಿಣಿಯರು ತಮ್ಮ ಆಹಾರಕ್ರಮದಲ್ಲಿ ಸರಿಯಾದ, ಸತ್ವಯುತ ಪದಾರ್ಥಗಳನ್ನು ಸೇರಿಸಿಕೊoಡಿರಬೇಕು ಹಾಗೂ ಯಾವಾಗಲೂ ಆರೋಗ್ಯದಾಯಕ ವಸ್ತುಗಳನ್ನೇ ಸೇವಿಸಬೇಕು, ಎಂಬುದನ್ನು ಮಾತ್ರ ಮರೆಯಬಾರದು..

ಹಾಗಾಗಿ ನೀವು ಸೇವಿಸುವ ಆಹಾರ ಮತ್ತು ನಿಮ್ಮ ದೈನಂದಿನ ಚಟುವಟಿಕೆ ಮಗುವಿನ ಮೇಲೆ ನೇರ ಪರಿಣಾಮ ಬೀರುತ್ತದೆ. ಇದು ನಿಮಗೆ ಮೊದಲ ಮಗುವಾದರೆ ಆಗ ಏನು ಮಾಡಬೇಕು ಮತ್ತು ಮಾಡಬಾರದು ಎನ್ನುವ ಬಗ್ಗೆ ಗೊಂದಲ ಇದ್ದೇ ಇರುತ್ತದೆ. ಗರ್ಭಧಾರಣೆ ಬಗ್ಗೆ ನಿಮಗೆ ಬೇಕಾದಷ್ಟು ಮಾಹಿತಿಗಳು ಸಿಗಬಹುದು. ಆದರೆ ಪ್ರತಿಯೊಂದು ಗರ್ಭಧಾರಣೆ ತುಂಬಾ ಭಿನ್ನ ಹಾಗೂ ವಿಶಿಷ್ಟವಾದದ್ದು.

ಅದರಲ್ಲೂ ಗರ್ಭಧಾರಣೆ ವೇಳೆ ಕೆಲವು ಮಹಿಳೆಯರಿಗೆ ತೀವ್ರ ಸ್ವರೂಪದ ಲಕ್ಷಣಗಳು ಕಾಣಿಸಿಕೊಂಡರೆ ಮತ್ತೆ ಕೆಲವರಿಗೆ ಏನೂ ಆಗುವುದಿಲ್ಲ. ಗರ್ಭಧಾರಣೆಯು ಸಂತೋಷಮಯ ಹಾಗೂ ಆರೋಗ್ಯಕರವಾಗಿರಬೇಕೆಂದರೆ ನೀವು ಕೆಲವೊಂದು ಕ್ರಮಗಳನ್ನು ಅನುಸರಿಸಬೇಕು. ಹೆಚ್ಚಿಗೆ ತಿಳಿಯಲು ಮುಂದೆ ಓದಿ. ಸಂತಾನ ಭಾಗ್ಯ ಕರುಣಿಸುವ ಅಮೃತದಂತಹ ಆಹಾರ

ಫಾಲಿಕ್ ಆಮ್ಲ ತೆಗೆದುಕೊಳ್ಳಿ
ಗರ್ಭಧಾರಣೆ ವೇಳೆ ನೀವು ಫಾಲಿಕ್ ಆಮ್ಲ ಸಪ್ಲಿಮೆಂಟ್ ಗಳನ್ನು ತೆಗೆದುಕೊಳ್ಳುವುದರಿಂದ ನಿಮ್ಮ ಮಗುವಿನಲ್ಲಿ ಉಂಟಾಗುವಂತಹ ಗಂಭೀರ ರೂಪದ ಅಂಗವೈಕಲ್ಯವನ್ನು ಇದು ತಡೆಯುತ್ತದೆ. ದಿನಾಲೂ 1000 ಡೋಸ್‍ನ ಫಾಲಿಕ್ ಆಮ್ಲವನ್ನು ತೆಗೆದುಕೊಳ್ಳಿ. ಫಾಲಿಕ್ ಆಮ್ಲ ಹೆಚ್ಚಾಗಿರುವಂತಹ ಅಹಾರಗಳಾದ ಹಸಿರೆಳೆ ತರಕಾರಿ, ಬಾಳೆಹಣ್ಣು ಮತ್ತು ಕಿತ್ತಳೆ ಇತ್ಯಾದಿಗಳನ್ನು ನಿತ್ಯ ಸೇವಿಸಿ.

ಹಣ್ಣುಗಳನ್ನು ತೊಳೆದು ತಿನ್ನಿ

ಯಾವಾಗಲೂ ಹಣ್ಣುಗಳನ್ನು ತಿನ್ನುವ ಮೊದಲು ಅದನ್ನು ಸರಿಯಾಗಿ ತೊಳೆದು ತಿನ್ನಿ. ಹಣ್ಣುಗಳ ಮೇಲೆ ಹಲವಾರು ರೀತಿಯ ಕೀಟನಾಶಕಗಳನ್ನು ಸಿಂಪಡಿಸಿರಬಹುದು. ನೀರಿನಿಂದ ತೊಳೆದರೆ ಕೀಟನಾಶಕ ಹೋಗುತ್ತದೆ. ಕೀಟನಾಶಕವು ನಿಮಗೆ ಮತ್ತು ನಿಮ್ಮ ಮಗುವಿಗೆ ಹಾನಿಯನ್ನು ಉಂಟು ಮಾಡಬಹುದು. ಹಸಿಯಾಗಿ ತರಕಾರಿ ತಿನ್ನುತ್ತಿದ್ದರೆ ಸರಿಯಾಗಿ ತೊಳೆದು ಬಳಿಕ ತಿನ್ನಿ. ಗರ್ಭಿಣಿಯರೇ ರಸ್ತೆಬದಿಯ ತಿಂಡಿಗಳಿಗೆ ಮರುಳಾಗದಿರಿ

ಮಾಂಸ, ಕೋಳಿ ಮತ್ತು ಮೊಟ್ಟೆಯನ್ನು ಸರಿಯಾಗಿ ಬೇಯಿಸಿ

ಸರಿಯಾಗಿ ಬೇಯಿಸದೆ ತಿನ್ನುವಂತಹ ಮಾಂಸ, ಕೋಳಿ ಮತ್ತು ಮೊಟ್ಟೆ ನಿಮ್ಮ ಮತ್ತು ನಿಮ್ಮ ಮಗುವಿನ ಮೇಲೆ ಬ್ಯಾಕ್ಟೀರಿಯಾ ಸೋಂಕನ್ನು ಉಂಟುಮಾಡಬಹುದು. ಮೊಟ್ಟೆಗಳನ್ನು ಸರಿಯಾಗಿ ಕರಿಯಿರಿ ಅಥವಾ ಬೇಯಿಸಿ. ತಿನ್ನುವ ಮೊದಲು ಮಾಂಸವನ್ನು ಸರಿಯಾಗಿ ಬೇಯಿಸಿ.

ಪ್ರೋಟೀನ್

ನಿಮ್ಮ ಮಗುವಿನ ಬೆಳವಣಿಗೆಯಲ್ಲಿ ಪ್ರೋಟೀನ್ ಆಹಾರವು ಅತ್ಯಂತ ಪ್ರಮುಖ ಪಾತ್ರವನ್ನು ನಿರ್ವಹಿಸುತ್ತದೆ. ಹಾಲು, ಹಾಲಿನ ಉತ್ಪನ್ನಗಳು, ಬೀನ್ಸ್, ಮೀನು, ಕೋಳಿ, ಮಾಂಸ ಇತ್ಯಾದಿಗಳಲ್ಲಿ ಪ್ರೋಟೀನ್ ಅಂಶವು ಅಧಿಕವಾಗಿದೆ ಮತ್ತು ಇದನ್ನು ನೀವು ಆಹಾರದಲ್ಲಿ ಅಳವಡಿಸಿಕೊಳ್ಳಬೇಕು. ಇದು ಅತೀ ಮಹತ್ವದ ಗರ್ಭಧಾರಣೆ ಟಿಪ್ಸ್.