ಗರ್ಭಿಣಿಯರು ದ್ರಾಕ್ಷಿ ತಿನ್ನದಿದ್ದರೆ ಒಳ್ಳೆಯದು!

ಗರ್ಭಿಣಿಯಾದ ಮೇಲೆ ಆಹಾರದ ಬಗ್ಗೆ ತುಂಬಾ ಮುನ್ನೆಚ್ಚರಿಕೆವಹಿಸಬೇಕಾಗುತ್ತದೆ. ಮೊದಲಿನಂತೆ ಇಷ್ಟಪಟ್ಟ ಆಹಾರಗಳನ್ನು ತಿನ್ನಲು ಸಾಧ್ಯವಾಗುವುದಿಲ್ಲ. ಕೆಲವೊಂದು ಆರೋಗ್ಯಕರ ಆಹಾರಗಳನ್ನು ಗರ್ಭಿಣಿಯರು ತಿಂದರೆ ಭ್ರೂಣಕ್ಕೆ ಅಪಾಯ ಉಂಟಾಗುವುದು. ಅಂತಹ ಆಹಾರಗಳಲ್ಲಿ ಪ್ರಮುಖವಾದದು ಪಪ್ಪಾಯಿ ಮತ್ತು ಪೈನಾಪಲ್. ಇನ್ನು ರೆಡಿ ಟು ಕುಕ್ ಫುಡ್ಸ್, ಫಾಸ್ಟ್ ಫುಡ್ಸ್ ಇವೆಲ್ಲಾ ಮಗುವಿನ ಆರೋಗ್ಯದ ದೃಷ್ಟಿಯಿಂದ ತಿನ್ನುವುದು ಒಳ್ಳೆಯದಲ್ಲ ಎನ್ನುವುದು ಸಾಮಾನ್ಯವಾಗಿ ಪ್ರತಿಯೊಂದು ಗರ್ಭಿಣಿಯರಿಗೆ ಗೊತ್ತಿರುತ್ತದೆ.

ಇಲ್ಲಿ ನಾವು ಚರ್ಚೆ ಮಾಡುತ್ತಿರುವುದು ಗರ್ಭಿಣಿಯರು ದ್ರಾಕ್ಷಿಯನ್ನು ತಿನ್ನಬಹುದೇ? ಎಂಬುದರ ಕುರಿತು. ಗರ್ಭಿಣಿಯರು ಇದನ್ನು ತಿಂದರೆ ಒಳ್ಳೆಯದೇ, ಇಲ್ಲವೇ ಎಂದು ತಿಳಿಯಲು ಮುಂದೆ ಓದಿ...

ದ್ರಾಕ್ಷಿಯಲ್ಲಿ ಅನೇಕ ಪೋಷಕಾಂಶಗಳಿದ್ದರೂ ಗರ್ಭಿಣಿಯರು ತಿಂದರೆ ಈ ಕೆಳಗಿನ ಅಡ್ಡ ಪರಿಣಾಮ ಉಂಟಾಗುವುದು:

* ಅಜೀರ್ಣ: ಕಪ್ಪು ದ್ರಾಕ್ಷಿಯ ಸಿಪ್ಪೆ ಗರ್ಭಿಣಿಯರು ಹೊಟ್ಟೆ ಸೇರಿದರೆ ಜೀರ್ಣಕ್ರಿಯೆಗೆ ತೊಂದರೆ ಉಂಟಾಗಬಹುದು. ಆದ್ದರಿಂದ ಕಪ್ಪು ದ್ರಾಕ್ಷಿಯನ್ನು ತಿನ್ನದಿರುವುದು ಒಳ್ಳೆಯದು.

* ಅಸಿಡಿಟಿ: ತುಂಬಾ ಹುಳಿ ಇರುವ ದ್ರಾಕ್ಷಿ ತಿಂದರೆ ಕೆಲವರಿಗೆ ಅಸಿಡಿಟಿ ಸಮಸ್ಯೆ ಉಂಟಾಗುವುದು. ವಾಂತಿ ಬರುವಂತೆ ಆಗುವುದು. ಗರ್ಭಿಣಿಯಾದ ಮೊದಲ 3 ತಿಂಗಳಿನಲ್ಲಿ ವಾಂತಿ ಸಮಸ್ಯೆ ಹೆಚ್ಚಾಗಿ ಕಂಡು ಬರುವುದರಿಂದ ಈ ಸಮಯದಲ್ಲಿ ಹುಳಿ ದ್ರಾಕ್ಷಿಯನ್ನು ತಿನ್ನದಿರುವುದು ಒಳ್ಳೆಯದು.

* ಬೇಧಿ: ತುಂಬಾ ಅಧಿಕ ದ್ರಾಕ್ಷಿ ತಿಂದರೆ ಗರ್ಭಿಣಿಯರಲ್ಲಿ ಬೇಧಿ ಸಮಸ್ಯೆ ಕಂಡು ಬರಬಹುದು. ಆದ್ದರಿಂದ ದ್ರಾಕ್ಷಿ ತಿನ್ನುವುದಾದರೆ 3-4 ದ್ರಾಕ್ಷಿಯಷ್ಟೇ ತಿನ್ನುವುದು ಒಳ್ಳೆಯದು.

* ಕಲ್ಮಶ: ಗರ್ಭಿಣಿಯರು ದ್ರಾಕ್ಷಿ ತಿಂದರೆ ದೇಹದಲ್ಲಿ ಕಲ್ಮಶ ಹೆಚ್ಚು ಸಂಗ್ರಹವಾಗಿ ತೊಂದರೆ ಉಂಟಾಗಬಹುದು. ಆದ್ದರಿಂದ ದ್ರಾಕ್ಷಿ ತಿನ್ನುವುದಾದರೆ ಮಿತಿಯಲ್ಲಿ ತಿನ್ನಿ. ಒಣ ದ್ರಾಕ್ಷಿಯನ್ನು ಕೂಡ ತಿನ್ನದಿರುವುದು ಒಳ್ಳೆಯದು.