ದೈಹಿಕ ವ್ಯಾಯಾಮ ಮಕ್ಕಳಾಗದಂತೆ ತಡೆಯುವುದೇ?

Pre Natal

oi-Reena

By Hema S

Published: Tuesday, June 19, 2012, 16:57 [IST]

ಆರೋಗ್ಯಕರ ಮತ್ತು ಗಟ್ಟಿಮುಟ್ಟಾದ ದೇಹ ಪಡೆಯಲು ವ್ಯಾಯಾಮ ಮಾಡಬೇಕು. ಆದರೆ ಗರ್ಭಾವತಿಯಾಗಲು ಬಯಸುವುದಾದರೆ ವ್ಯಾಯಾಮ ಮಾಡಬಾರದೆಂದು ಹೇಳುವುದನ್ನು ಕೇಳುತ್ತೇವೆ. ಅಲ್ಲದೆ ಗರ್ಭಿಣಿಯಾದ ಮೊದಲ ತ್ರೈ ಮಾಸಿಕದಲ್ಲಿ ವೇಗವಾಗಿ ಓಡಬಾರದು, ನಡೆಯಬಾರದು, ಭಾರವಾದ ವಸ್ತುಗಳನ್ನು ಎತ್ತವುದು ಮಾಡಿದರೆ ಗರ್ಭಪಾತವಾಗುವ ಸಾಧ್ಯತೆ ಹೆಚ್ಚು. ಆದರೆ ಕೆಲವೊಂದು ವ್ಯಾಯಾಮವನ್ನು ಗರ್ಭಾವಸ್ಥೆಯಲ್ಲಿ ಮಾಡುವುದು ಒಳ್ಳೆಯದು. ಗರ್ಭಾವಸ್ಥೆಯಲ್ಲಿ ಯಾವ ವ್ಯಾಯಾಮ ಒಳ್ಳೆಯದು, ಯಾವುದು ಕೆಟ್ಟದು ಎಂದು ತಿಳಿಯಲು ಮುಂದೆ ಓದಿ:

1. ವ್ಯಾಯಾಮ ಮತ್ತು ಮಕ್ಕಳಾಗದಿರುವಿಕೆಗೆ ಯಾವುದೇ ಸಂಬಂಧವಿಲ್ಲ. ಆದ್ದರಿಂದ ವ್ಯಾಯಾಮ ಮಾಡಿದರೆ ಗರ್ಭಧಾರಣೆಯಾಗುವುದಿಲ್ಲ ಎಂದು ಭಾವಿಸುವುದು ತಪ್ಪು. ಗರ್ಭಧಾರಣೆಯ ನಂತರ ಕಷ್ಟಕರವಾದ ವ್ಯಾಯಾಮ ಮಾಡಬಾರದು. ಮೆದುವಾಗಿ ನಡೆಯುವ ವ್ಯಾಯಾಮ, ಈಜುವುದು ಆರೋಗ್ಯಕ್ಕೆ ಒಳ್ಳೆಯದು.

2. ನಡೆಯುವ ಮತ್ತು ಈಜುವ ವ್ಯಾಯಾಮವನ್ನು ಗರ್ಭಧಾರಣೆಯ ಮೊದಲು ಮತ್ತು ನಂತರ ಕೂಡ ಮಾಡಬಹುದು. ಈ ವ್ಯಾಯಾಮ ಆರೋಗ್ಯವನ್ನು ಹೆಚ್ಚು ಮಾಡುತ್ತದೆಯೆ ವಿನಾ ಯಾವುದೇ ತೊಂದರೆ ಉಂಟಾಗುವುದಿಲ್ಲ.

3.ಭಾರ ಎತ್ತುವುದು, ಪುಶ್ ಅಪ್, ಡಂಬಲ್ಸ್ ತರಹದ ವ್ಯಾಯಾಮಗಳನ್ನು ಮಾಡುವುದರಿಂದ ಮುಂದೆಕ್ಕೆ ಗರ್ಭವತಿಯಾಗಲು ಯಾವುದೇ ತೊಂದರೆ ಉಂಟಾಗುವುದಿಲ್ಲ. ಗರ್ಭವತಿಯಾಗಲು ಬಯಸುವಾಗ ಈ ಮಾಡದಿರುವುದು ಒಳ್ಳೆಯದು. ಗರ್ಭವತಿಯಾಗದಿದ್ದರೆ ಬೇರೆ ಯಾವುದಾದರೂ ಸಮಸ್ಯೆಯಿರಬಹುದೇ ಹೊರತು ವ್ಯಾಯಾಮದಿಂದ ಅಲ್ಲ.

4. ಪುರುಷರಲ್ಲಿ ವೀರ್ಯಾಣುಗಳ ಕೊರತೆ ಉಂಟಾದರೆ ಅದು ವ್ಯಾಯಾಮದಿಂದ ಆ ರೀತಿ ಉಂಟಾದದು ಎಂದು ಭಾವಿಸುವುದು ತಪ್ಪು. ಧೂಮಪಾನ, ಮದ್ಯ ಇವುಗಳು ವೀರ್ಯಾಣುಗಳ ಉತ್ಪತ್ತಿಯನ್ನು ಕಡಿಮೆ ಮಾಡುತ್ತದೆಯೇ ಹೊರತು ವ್ಯಾಯಾಮವಲ್ಲ.

ಮಗು ಬೇಕೆಂದು ಬಯಸಿ, ಆದರೆ ಸೂಕ್ತ ಫಲ ಕಾಣದಿದ್ದಾಗ ಕೂಡಲೇ ವೈದ್ಯರನ್ನು ಸಂಪರ್ಕಿಸಿ ಗಂಡ -ಹೆಂಡತಿ ಪರೀಕ್ಷೆ ಮಾಡಿಸಿಕೊಂಡು, ಸೂಕ್ತ ಚಿಕಿತ್ಸೆ ಪಡೆದರೆ ಮಕ್ಕಳನ್ನು ಪಡೆಯಬಹುದಾಗಿದೆ.