ಗರ್ಭಿಣಿ ಔಷಧಿ ಸೇವಿಸಿದರೆ ಬರುವುದು ಮಗುವಿಗೆ ಕಾಯಿಲೆ

ಸ್ವ ಚಿಕಿತ್ಸೆ ಮಾಡಿಕೊಳ್ಳುವುದರಿಂದ ಈ ಕೆಳಗಿನ ಅಪಾಯಗಳು ಉಂಟಾಗುವ ಸಾಧ್ಯತೆ ಹೆಚ್ಚು:

1. ಗರ್ಭಿಣಿಯಾಗಿ ಮೊದಲ 3 ತಿಂಗಳು ವೈದ್ಯರ ಸಲಹೆ ಪಡೆಯದೆ ಯಾವುದದರೂ ಔಷಧಿ ತೆಗೆದು ಕೊಳ್ಳುವುದರಿಂದ ಅದು ಹುಟ್ಟಲಿರುವ ಮಗುವಿನ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ.

2.ಕೆಮ್ಮ, ನೆಗಡಿ ಹೀಗೆ ಸಣ್ಣ ಪುಟ್ಟ ಕಾಯಿಲೆ ಬಂದರೂ ನಿರ್ಲಕ್ಷೆ ಮಾಡದೆ ವೈದ್ಯರನ್ನು ಸಂಪರ್ಕಿಸ ಬೇಕು.

3. ಅಧಿಕ ಕಾಲ ಔಷಧಿ ಸೇವನೆ ಸಹ ಹುಟ್ಟಲಿರುವ ಮಗುವಿನ ಮೇಲೆ ಪರಿಣಾಮ ಬೀರುತ್ತದೆ. ಉದಾಹರಣೆಗೆ ಅಸ್ತಮಾ ಕಾಯಿಲೆಗೆ ಔಷಧಿ ತೆಗೆಯುತ್ತಿದ್ದರೆ ಅದು ಮಗುವಿನ ಮೇಲೆ ಪರಿಣಾಮ ಬೀರುವುದರಿಂದ ವೈದ್ಯರ ಸಲಹೆ ಬೇಕಾಗುತ್ತದೆ.

4. ಈ ಸಂದರ್ಭದಲ್ಲಿ ಮನೆ ಔಷಧಿಯನ್ನು ಸಹ ಮಾಡಿ ಕುಡಿಯುವುದು ಅಷ್ಟು ಒಳ್ಳೆಯದಲ್ಲ.

ಸ್ವತಃ ಔಷಧಿ ತೆಗೆದು ಕೊಂಡರೆ ಆ ಕ್ಷಣಕ್ಕೆ ತೊಂದರೆಯಿಂದ ಮುಕ್ತಿ ಪಡೆಯಬಹುದು, ಆದರೆ ಅದರಿಂದ ಮಗುವಿನ ಮೇಲೆ ಆ ಔಷಧಿಯ ಪರಿಣಾಮ ತುಂಬಾ ಕಾಲದವರೆಗೆ ಇರುತ್ತದೆ.

ಮಿತಿ ಮೀರಿ ಮಾತ್ರೆ ತೆಗೆದು ಕೊಳ್ಳುವುದರಿಂದ ಮಗುವಿಗೆ ಬುದ್ಧಿ ಮಾಂದ್ಯತೆ ಸಹ ಕಾಣಿಸಿಕೊಳ್ಳಬಹುದು. ಆದ್ದರಿಂದ ಗರ್ಭಿಣಿಯಗಿದ್ದಾಗ ಮಗುವಿನ ಆರೋಗ್ಯದ ದೃಷ್ಟಿಯಿಂದ ವೈದ್ಯರ ಸಲಹೆ ಮೇರೆಗೆ ಮಾತ್ರ ಔಷಧಿ ತೆಗೆದುಕೊಳ್ಳಬೇಕು.