ಗರ್ಭಿಣಿಯರು ಕುಡಿಯಬಹುದಾದ ಮತ್ತು ಕುಡಿಯಬಾರದ ಪಾನೀಯ

Pre Natal

oi-Sumalatha

By Sumalatha

Published: Tuesday, September 20, 2011, 15:23 [IST]

ಗರ್ಭಾವಸ್ಥೆ ಸಮಯದಲ್ಲಿ ತಾಯಂದಿರು ತಮಗೆ ಮತ್ತು ಮಗುವಿನ ಬೆಳವಣಿಗೆಗೆ ಪೂರಕವಾಗಿರುವ ಪೋಷಕಾಂಶಯುಕ್ತ ಆಹಾರ ಸೇವಿಸಿದರೆ ಉತ್ತಮ. ಪೋಷಕಾಂಶ ದೊರೆಯುವ ಸುಲಭ ವಿಧಾನವೊಂದು ಇಲ್ಲಿದೆ. ಪ್ರತಿದಿನ ಒಂದು ಗ್ಲಾಸ್ ಜ್ಯೂಸ್ ಕುಡಿದರೆ ಅವಶ್ಯವಿರುವ ಎಲ್ಲ ಪೋಷಕಾಂಶ ಲಭಿಸಿದಂತೆ. ವಿಟಮಿನ್, ಮಿನರಲ್, ಇನ್ನಿತರ ಅಮೂಲ್ಯ ಅಂಶಗಳಿರುವ ಜ್ಯೂಸ್ ಯಾವುದೆಂದು ತಿಳಿದುಕೊಳ್ಳಿ.

ಹೆರಿಗೆಗೆ ಮುನ್ನ ಯಾವ ಜ್ಯೂಸ್ ಸೇವಿಸಬಹುದು ಎಂದು ನೋಡಿ.

* ಶುಂಠಿ ಜ್ಯೂಸ್: ಶುಂಠಿ ಜ್ಯೂಸ್ ಗರ್ಭಾವಸ್ಥೆಯಲ್ಲಿ ತುಂಬಾ ಉಪಯೋಗಕ್ಕೆ ಬರುತ್ತದೆ. ಗರ್ಭಿಣಿಯರಲ್ಲಿ ಬೆಳಗಿನ ಸಮಯ ಕಾಣಿಸಿಕೊಳ್ಳುವ ಸುಸ್ತು, ತಲೆತಿರುಗು ಮತ್ತು ವಾಕಳಿಕೆಯನ್ನು ಹೋಗಲಾಡಿಸುತ್ತದೆ. ಗರ್ಭಿಣಿಯರಲ್ಲಿ ಕಂಡುಬರುವ ಗ್ಯಾಸ್ಟ್ರಿಕ್ ಸಮಸ್ಯೆಗೂ ಇದು ಉತ್ತಮ ಮದ್ದು. ಶುಂಠಿ ಜ್ಯೂಸ್ ಜೀರ್ಣಕ್ರಿಯೆಯನ್ನು ಸರಾಗವಾಗಿರುವಂತೆ ನೋಡಿಕೊಳ್ಳುತ್ತದೆ.

* ಬಾಳೆ ಹಣ್ಣಿನ ಜ್ಯೂಸ್: ಬಾಳೆ ಹಣ್ಣಿನ ಜ್ಯೂಸ್ ನಲ್ಲಿರುವ ವಿಟಮಿನ್ ಬಿ6 ಗರ್ಭಾವಸ್ಥೆ ಸಮಯದಲ್ಲಿ ತುಂಬಾ ಅವಶ್ಯಕ. ಕೆಂಪು ರಕ್ತಕಣಗಳ ಉತ್ಪತ್ತಿಯನ್ನೂ ಮಾಡುವ ಬಾಳೆ ಜ್ಯೂಸ್ ಮಗುವಿನ ಮೆದುಳು ಮತ್ತು ನರಮಂಡಲ ಬೆಳವಣಿಗೆ ಹೊಂದಲು ಸಹಕಾರ ನೀಡುತ್ತದೆ.

* ಕ್ಯಾರೆಟ್ ಜ್ಯೂಸ್: ಕ್ಯಾರೆಟ್ ಜ್ಯೂಸನ್ನು ಹೆರಿಗೆಯ ಕೊನೆಯ ಕೆಲ ವಾರದ ಮುನ್ನ ಸೇವಿಸಿದರೆ ಮಗುವಿಗೆ ಜಾಂಡೀಸ್ ಕಾಯಿಲೆ ಬರುವುದನ್ನು ತಡೆಯಬಹುದು. ಕ್ಯಾರೆಟ್ ಜೊತೆಗೆ ಬಾಳೆಹಣ್ಣು, ಪಾಲಾಕ್, ಟೊಮೆಟೊ ಮತ್ತು ಹೂಕೋಸನ್ನು ಬೆರೆಸಿ ಸೇವಿಸಿದರೆ ಅಗತ್ಯವಿರುವ ಎಲ್ಲ ಪೋಷಕಾಂಶಗಳೂ ಒಟ್ಟಿಗೆ ದೊರೆತಂತೆಯೇ.

* ಟೀ-ಕಾಫಿ: ಟೀ ಅಥವಾ ಕಾಫಿ ಸೇವನೆ ಅತಿಯಿದ್ದರೆ, ಅದರ ಬದಲಾಗಿ ಜ್ಯೂಸ್ ಸೇವನೆ ಮಾಡಿ. ಯಾವಾಗಲಾದರೊಮ್ಮೆ ಟೀ-ಕಾಫಿ ಸೇವನೆಯಿರಲಿ.

* ಜ್ಯೂಸ್ ಪ್ಲಸ್: ತಾಜಾ ತರಕಾರಿ, ಹಣ್ಣು ಮತ್ತು ಇನ್ನಿತರ ಪೌಷ್ಟಿಕಾಂಶಗಳಿಂದ ತಯಾರಿಸಲಾಗಿರುವ ಜ್ಯೂಸ್ ಪ್ಲಸ್ ಸೇವನೆಯಿಂದ ಮಗುವಿಗೆ ಮತ್ತು ತಾಯಿಯ ದೇಹಕ್ಕೆ ಅಗತ್ಯವಾಗಿರುವ ಪೋಷಕಾಂಶ ದೊರೆತಂತಾಗುತ್ತದೆ. ಜ್ಯೂಸ್ ಪ್ಲಸ್ ಅನ್ನು ಒಂದು ಲೋಟ ಜ್ಯೂಸ್ ನೊಂದಿಗೆ ಬೆಎಸಿ ಕುಡಿಯಬಹುದು.