ಹೆರಿಗೆ ನಂತರ ಬೇಕು ಅತ್ಯುತ್ತಮ ಆರೈಕೆ

ಸ್ವಲ್ಪ ಎಚ್ಚರಿಕೆವಹಿಸಿ ಆಹಾರ ಕ್ರಮವನ್ನು ಕಟ್ಟು ನಿಟ್ಟಾಗಿ ಅನುಸರಿಸುವುದರಿಂದ ತಾಯಿ ಮತ್ತು ಮಗು ಇಬ್ಬರ ಆರೋಗ್ಯವೂ ಸುರಕ್ಷಿತವಾಗಿರುತ್ತದೆ. ಹೆರಿಗೆ ನಂತರ ಯಾವ ರೀತಿ ಆಹಾರ ಸೇವಿಸಿದರೆ ಉತ್ತಮ ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ

* ಹೆರಿಗೆ ನಂತರ ನೀರನ್ನು ಚೆನ್ನಾಗಿ ಕುಡಿಯಬೇಕು. ಎದೆ ಹಾಲಿನ ಅಭಾವ ಬರದಂತೆ ತಡೆಯಲು ಇದು ಹೆಚ್ಚು ಸಹಕಾರಿ. ಬೆಚ್ಚಗಿನ ನೀರನ್ನು ಕುಡಿಯುವುದರಿಂದ ಜೀರ್ಣಕ್ರಿಯೆಯೂ ಸುಲಭವಾಗಿ ನಡೆಯುತ್ತದೆ. ಆಗಿಂದಾಗ್ಗೆ ಮಗುವಿನ ಜೀರ್ಣಕ್ರಿಯೆಯನ್ನೂ ಪರೀಕ್ಷಿಸುತ್ತಿರಬೇಕು.

* ತುಪ್ಪದ ಹೀರೇಕಾಯಿ ಮತ್ತು ಇನ್ನಿತರ ತರಕಾರಿಗಳ ಸೇವನೆ ತುಂಬಾ ಉತ್ತಮ. ವಿಟಮಿನ್ ಹೆಚ್ಚಿರುವ ಕ್ಯಾರೆಟ್, ಬೀಟ್ಸ್ ಮುಂತಾದುವನ್ನು ಈ ಸಮಯದಲ್ಲಿ ಸೇವಿಸಬೇಕು.

* ತಾಜಾ ಮೆಂತ್ಯೆ ಸೊಪ್ಪನ್ನು ಸೇವಿಸಿದರೆ ಹಾಲಿನ ಉತ್ಪತ್ತಿಗೆ ಹೆಚ್ಚು ಸಹಕಾರಿ. ಪಾಲಾಕ್ ನಂತಹ ಕ್ಯಾಲ್ಸಿಯಂ ಹೆಚ್ಚಿರುವ ಸೊಪ್ಪುಗಳ ಸೇವನೆ ಅಧಿಕವಾಗಿದ್ದರೆ ಉತ್ತಮ.

* ಬಾದಾಮಿ ಮತ್ತು ಗೋಡಂಬಿಯ ಸೇವನೆ ಇರಲಿ.

* ಪ್ರೊಟೀನ್ ಹೆಚ್ಚಿರುವ ಮೊಟ್ಟೆ, ಬೀನ್ಸ್ ಮುಂತಾದ ಕಾಳುಗಳನ್ನು ನಿಮ್ಮ ಆಹಾರದಲ್ಲಿ ರೂಢಿಸಿಕೊಳ್ಳಬೇಕು.

* ತುಪ್ಪವನ್ನು ತಿನ್ನುವುದರಿಂದ ಮೂಳೆಗೆ ಮತ್ತು ದೇಹಕ್ಕೆ ಶಕ್ತಿ ನೀಡುತ್ತದೆ.

* ಮಗುವನ್ನು ಹಡೆದ ನಂತರ ಹಸಿವು ಹೆಚ್ಚಾದ ಕಾರಣ ಹಣ್ಣುಗಳ ಸೇವನೆ ಮಾಡಿದರೆ ಉತ್ತಮ.

* ಖಾರವನ್ನು ಆದಷ್ಟು ಕಡಿಮೆ ತಿನ್ನಬೇಕು. ಇಲ್ಲದಿದ್ದರೆ ಗರ್ಭಕೋಶದ ಸಮಸ್ಯೆಗಳನ್ನು ತಂದೊಡ್ಡಬಹುದು.