For Quick Alerts
ALLOW NOTIFICATIONS  
For Daily Alerts

ಮಕ್ಕಳ ನಿರ್ಧಾರ ತೆಗೆದುಕೊಳ್ಳುವ ಕೌಶಲ್ಯ ಹೆಚ್ಚಿಸಲು ಸರಳ ಟಿಪ್ಸ್

|

ಮಕ್ಕಳು ಬೆಳೆಯುತ್ತಿರುವ ವೇಳೆ ಅವರಿಗೆ ನೈತಿಕ ಮೌಲ್ಯ ಮತ್ತು ಬೆಳವಣಿಗೆಯ ಕೌಶಲ್ಯಗಳನ್ನು ಸರಿಯಾದ ರೀತಿಯಲ್ಲಿ ಕಲಿಸಿಕೊಟ್ಟರೆ ಆಗ ಅವರ ಭವಿಷ್ಯವು ಉಜ್ವಲವಾಗುವುದು. ಮಕ್ಕಳು ಯಾವುದೇ ವಿಚಾರವನ್ನು ಬೇಗನೆ ಕಲಿಯುತ್ತಾರೆ. ಅದೇ ರೀತಿಯ ಅವರು ತಮ್ಮ ಪೋಷಕರಿಂದ ಹೆಚ್ಚಿನ ವಿಚಾರಗಳನ್ನು ಕಲಿಯುವರು ಮತ್ತು ಅವರ ನಡವಳಿಕೆಗಳನ್ನು ಅನುಸರಿಸಿಕೊಂಡು ಹೋಗುವರು. ಹೀಗಾಗಿ ನಿಮ್ಮ ದೈನಂದಿನ ಚಟುವಟಿಕೆಗಳು ಕೂಡ ಅವರ ಮೇಲೆ ಪರಿಣಾಮ ಬೀರುವುದು ಮತ್ತು ಅವರು ಇದನ್ನೇ ಅಳವಡಿಸಿಕೊಂಡು ಹೋಗುವರು. ನೀವು ಸರಿಯಾದ ನಿರ್ಧಾರ ತೆಗೆದುಕೊಂಡರೆ ಆಗ ಮಕ್ಕಳು ಕೂಡ ಅದೇ ರೀತಿ ಮುಂದುವರಿಯುವರು.

ಮಕ್ಕಳ ವಯಸ್ಸಿಗೆ ಅನುಗುಣವಾಗಿ ಅವರನ್ನು ನಿರ್ಧಾರ ತೆಗೆದುಕೊಳ್ಳುವ ಪ್ರಕ್ರಿಯೆಯಲ್ಲಿ ಸೇರಿಸಿಕೊಳ್ಳಬೇಕು. ಇದರಿಂದ ಅವರಿಗೆ ನಿರ್ಧಾರ ತೆಗೆದುಕೊಳ್ಳಲು ಸಹಕಾರಿಯಾಘುವುದು. ಒಳ್ಳೆಯ ನಿರ್ಧಾರ ತೆಗೆದುಕೊಳ್ಳುವಂತಹ ಕೌಶಲ್ಯವನ್ನು ಅವರು ಸುಲಭವಾಗಿ ಕಲಿತುಕೊಳ್ಳುವರು. ಮಕ್ಕಳು ಪ್ರತೀ ಸಲ ಸರಿಯಾದ ನಿರ್ಧಾರ ತೆಗೆದುಕೊಳ್ಳದೆ ಇರಬಹುದು. ಆದರೆ ತಪ್ಪು ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಕೂಡ ಅವರ ಜೀವನ ಪ್ರಯಾಣದ ಒಂದು ಅಂಗವಾಗಿರುವುದು. ತಪ್ಪು ನಿರ್ಧಾರಗಳಿಂದ ಕಲಿತುಕೊಂಡು ಮುಂದೆ ಅವರು ಪ್ರೌಢರಾಗುವರು. ಈ ಕಲೆಯನ್ನು ಕರಗತ ಮಾಡಿಕೊಳ್ಳಲು ಹಲವಾರು ವರ್ಷಗಳು ಬೇಕಾಗುವುದು. ಆದರೆ ಸರಿಯಾದ ವಯಸ್ಸಿನಲ್ಲಿ ಸೂಕ್ತ ಅನುಭವ ಪಡೆಯಲು ಅವರಿಗೆ ನೆರವಾಗುವುದು.

ಮಕ್ಕಳಲ್ಲಿ ನಿರ್ಧಾರ ತೆಗೆದುಕೊಳ್ಳುವ ಕೌಶಲ್ಯ ಸುಧಾರಿಸಲು ಐದು ಸಲಹೆಗಳು

ವಾಸ್ತವ ಜಗತ್ತಿನೊಂದಿಗೆ ಭೇಟಿಯಾಗಲು ಬಿಡಿ

ವಾಸ್ತವ ಜಗತ್ತಿನೊಂದಿಗೆ ಭೇಟಿಯಾಗಲು ಬಿಡಿ

ವಾಸ್ತವ ಎನ್ನುವುದು ಎಲ್ಲಾ ಸಮಯದ ಒಳ್ಳೆಯ ಶಿಕ್ಷಕ. ಒಳ್ಳೆಯದು ಯಾವುದು ಮತ್ತು ಕೆಟ್ಟದು ಯಾವುದು ಎಂದು ನೀವು ಸರಿಯಾಗಿ ಮಕ್ಕಳಿಗೆ ತಿಳಿಸಬೇಕಾದರೆ ಆಗ ಅವರನ್ನು ವಾಸ್ತವ ಜಗತ್ತಿಗೆ ಪರಿಚಯಿಸುವುದು ಅತೀ ಅಗತ್ಯವಾಗಿ ಇರುವುದು. ಇದು ಅಷ್ಟೊಂದು ಸುಲಭವಲ್ಲ, ಆದರೆ ನಿರ್ಧಾರ ತೆಗೆದುಕೊಳ್ಳುವ ಕೌಶಲ್ಯವನ್ನು ಸುಧಾರಣೆ ಮಾಡಬೇಕಾದರೆ ಇದು ಮೊದಲ ಹೆಜ್ಜೆಯಾಗಿರುವುದು. ಅವರಿಗೆ ಚೆನ್ನಾಗಿ ಕಲಿಯಲು ನೆರವಾಗುವಂತಹ ನೈಜ ಜಗತ್ತಿನ ಪರಿಚಯವನ್ನು ಮಾಡಿಕೊಡಿ.

ಮಕ್ಕಳಿಗೆ ಯಾವುದರಲ್ಲಿ ಆಸಕ್ತಿಯಿದೆ ಎಂದು ತಿಳಿಯಿರಿ

ಮಕ್ಕಳಿಗೆ ಯಾವುದರಲ್ಲಿ ಆಸಕ್ತಿಯಿದೆ ಎಂದು ತಿಳಿಯಿರಿ

ನೀವು ಇಷ್ಟಪಡುತ್ತಿರುವುದು ಮತ್ತು ಅವರಿಗೆ ಇಷ್ಟವಿಲ್ಲದೆ ಇರುವುದನ್ನು ಮಾಡಲು ಹೇಳೂವುದು ಸರಿಯಾದ ನಿರ್ಧಾರವಲ್ಲ. ಅವರ ಆಸಕ್ತಿಗೆ ಅನುಗುಣವಾಗಿ ಏನು ಮಾಡುತ್ತಾರೋ ಅದಕ್ಕೆ ಪ್ರೋತ್ಸಾಹ ನೀಡಿ. ಯಾಕೆಂದರೆ ಇದರಿಂದ ಅವರ ಕೌಶಲ್ಯಗಳ ಬಗ್ಗೆ ಪರಿಣಾಮಕಾರಿಯಾಗಿ ಕೆಲಸ ಮಾಡಲು ಸಾಧ್ಯವಾಗುವುದು. ಅವರಿಗೆ ಇಷ್ಟವಿಲ್ಲದೆ ಇರುವುದನ್ನು ಅವರು ಮಾಡುತ್ತಾ ಹೋದರೆ ಆಗ ಅವರು ಸರಾಸರಿ ವಿದ್ಯಾರ್ಥಿಗಳಾಗಿರುವರು ಮತ್ತು ಇದರಿಂದ ಅವರ ಮನಸ್ಸಿಗೆ ಕೂಡ ತುಂಬಾ ನೋವಾಗುವುದು. ಕಠಿಣ ಪರಿಶ್ರಮ ಮತ್ತು ಬದ್ಧತೆಯು ಯಶಸ್ಸಿಗೆ ಮೂಲಮಂತ್ರ ಎಂದು ತಿಳಿಸಿಕೊಡಿ. ಇಂತಹ ನೀತಿಗಳಿಂದಾಗಿ ಅವರಿಗೆ ಸರಿಯಾದ ನಿರ್ಧಾರ ಮಾಡಲು ಸಾಧ್ಯವಾಗುವುದು.

Most Read: ಶೀತ ಜ್ವರದ ವೇಳೆ ಮಕ್ಕಳ ಆರೋಗ್ಯದ ಆರೈಕೆಗೆ ಒಂದಿಷ್ಟು ಸರಳ ಟಿಪ್ಸ್

ಮಕ್ಕಳೊಂದಿಗೆ ಬೆರೆಯಿರಿ

ಮಕ್ಕಳೊಂದಿಗೆ ಬೆರೆಯಿರಿ

ಮಕ್ಕಳನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳಬೇಕಾದರೆ ಆಗ ನಾವು ಅವರೊಂದಿಗೆ ಬೆರೆಯಬೇಕು. ಸಾಮಾಜಿಕವಾಗಿ ಬೆರೆಯುವ ಮೂಲಕವಾಗಿ ಅವರಿಗೆ ಜೀವನದ ಕೆಲವೊಂದು ಕೌಶಲ್ಯಗಳು ತಿಳಿಯಲು ಪ್ರೋತ್ಸಾಹ ಸಿಗುವುದು. ಅವರು ಈ ವಿಚಾರಗಳನ್ನು ಕಲಿತುಕೊಂಡಾಗ ಅವರಿಗೆ ತಮ್ಮ ಜೀವನದಲ್ಲಿ ಒಳ್ಳೆಯ ನಿರ್ಧಾರ ತೆಗೆದುಕೊಳ್ಳಲು ಸಹಕಾರಿಯಾಗುವುದು.

ಮಕ್ಕಳು ತಪ್ಪುಗಳನ್ನು ಮಾಡಲಿ ಬಿಡಿ

ಮಕ್ಕಳು ತಪ್ಪುಗಳನ್ನು ಮಾಡಲಿ ಬಿಡಿ

ತಪ್ಪುಗಳನ್ನು ಮಾಡುವುದು ದೊಡ್ಡ ಮಟ್ಟದ ವೈಫಲ್ಯ ಎಂದು ನೀವು ಭಾವಿಸಬೇಡಿ. ಇದು ಹೊಸ ದಾರಿಗೆ ಆರಂಭವಾಗುವುದು ಮತ್ತು ಇಂತಹ ಪರಿಸ್ಥಿತಿಯಲ್ಲಿ ಹೆಚ್ಚಿನ ಪ್ರೇರಣೆಯ ಅಗತ್ಯವಿರುವುದು. ಮಕ್ಕಳು ಯಾವುದೇ ಪರಿಸ್ಥಿತಿಯಲ್ಲಿ ವಿಫಲರಾದರೆ ಆಗ ಅವರ ಪರವಾಗಿ ನಿಲ್ಲಿ ಮತ್ತು ಹೋರಾಡುವುದನ್ನು ಕಲಿಸಿ. ಪೋಷಕರಾಗಿ ಮಕ್ಕಳಿಗೆ ತಪ್ಪುಗಳನ್ನು ಮಾಡಲು ಬಿಡಬೇಕು. ಯಾಕೆಂದರೆ ಅವರು ತಪ್ಪುಗಳಿಂದ ಕಲಿತುಕೊಳ್ಳುವರು. ತಪ್ಪುಗಳಿಂದ ಕಲಿತುಕೊಂಡರೆ ಆಗ ಅವರು ಜೀವನದಲ್ಲಿ ಯಶಸ್ಸನ್ನು ಪಡೆಯಲು ತುಂಬಾ ಸಹಕಾರಿಯಾಗುವುದು.

Most Read: ಮಲಗುವ ಮೊದಲು ಮಕ್ಕಳ ಕೈಗೆ ಅಪ್ಪಿ ತಪ್ಪಿಯೂ ಮೊಬೈಲ್ ನೀಡಬೇಡಿ!

ಅವರ ಬಗ್ಗೆ ಅರಿತುಕೊಳ್ಳಲಿ

ಅವರ ಬಗ್ಗೆ ಅರಿತುಕೊಳ್ಳಲಿ

ತಮ್ಮ ಶಕ್ತಿ ಮತ್ತು ದೌರ್ಬಲ್ಯಗಳು ಏನು ಎಂದು ಅವರಿಗೆ ತಿಳಿಯಲು ಬಿಡಿ. ಇದರಿಂದ ಅವರಿಗೆ ಒಳ್ಳೆಯ ನಿರ್ಧಾರ ತೆಗೆದುಕೊಳ್ಳುವ ಕಲೆಯು ತಿಳಿಯುವುದು. ಅವರಿಗೆ ಹೆಚ್ಚಿನ ಅವಕಾಶ ನೀಡಿ ಮತ್ತು ಪ್ರತೀ ಸಲ ಅವರಿಗೆ ಯಶಸ್ಸು ಸಿಗದು ಎನ್ನುವುದನ್ನು ಮನವರಿಕೆ ಮಾಡಿಕೊಡಿ. ಜೀವನದಲ್ಲಿ ಸೋಲುಗಳನ್ನು ಕೂಡ ಸ್ವೀಕರಿಸಲು ಬಿಡಿ. ಜೀವನದಲ್ಲಿ ಮುಂದೆ ಸಾಗಲು ಯಶಸ್ಸು ಹಾಗು ವೈಫಲ್ಯವನ್ನು ಸರಿಯಾದ ರೀತಿಯಲ್ಲಿ ತಿಳಿಯುವುದು ಅತೀ ಅಗತ್ಯವಾಗಿರುವುದು.

English summary

Tips to Improve Decision Making Skills in Children

When your child starts growing it becomes really important to teach them good values and develop different skills which will help them in building a bright future. Children always learn things from their parents and wish to be like them. Whatever you do on daily basis will affect your little ones and they will become like that only. If you make good decision in your life then you kids are more likely follow the same direction.
Story first published: Saturday, May 18, 2019, 13:00 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more