ಮಗುವಿನ ಜೀರ್ಣಕ್ರಿಯೆ ಸಮಸ್ಯೆ ನಿವಾರಣೆಗೆ ಕೆಲವು ಆಯುರ್ವೇದ ವಿಧಾನಗಳು

ಹಾಲುಣಿಸುವ ಭಂಗಿ ಸರಿಪಡಿಸಿ

ಹಾಲುಣಿಸುವಂತಹ ಭಂಗಿಯು ಸರಿಯಾಗಿ ಇಲ್ಲವಾದರೆ ಆಗ ಮಗುವಿನಲ್ಲಿ ಜೀರ್ಣಕ್ರಿಯೆ ಸಮಸ್ಯೆಯು ಕಾಡುವುದು. ಇದರಿಂದ ಗ್ಯಾಸ್ ಅಥವಾ ಆಮ್ಲ ಹಿಮ್ಮುಖವಾಗುವುದು. ಹಾಲುಣಿಸುವ ವೇಳೆ ಮಗುವಿನ ತಲೆಯು ಹೊಟ್ಟೆಗಿಂತ ಮೇಲ್ಮಟ್ಟದಲ್ಲಿ ಇರಲಿ. ಈ ಭಂಗಿಯಿಂದ ಹಾಲು ಸರಾಗವಾಗಿ ಹೊಟ್ಟೆಗೆ ಹೋಗುವುದು ಮತ್ತು ಗಾಳಿಯನ್ನು ತೇಗಿನ ಮೂಲಕ ಹೊರಹಾಕುವುದು. ಮಗುವನ್ನು ಕಾಲಿನ ಮೇಲೆ ಮಲಗಿಸುತ್ತಿದ್ದರೆ ಆಗ ಮಗುವಿನ ತಲೆಯು ಸ್ವಲ್ಪ ಮೇಲ್ಮಟ್ಟದಲ್ಲಿ ಇರಬೇಕು ಅಥವಾ ಮಗುವಿನ ಕುತ್ತಿಗೆಯ ಅಡಿಯಲ್ಲಿ ಮೆತ್ತಗಿನ ದಿಂಬು ಇಡಬೇಕು.

ಮಗುವಿಗೆ ಮಸಾಜ್ ಮಾಡಿ

ಮಗುವಿನ ಹೊಟ್ಟೆಗೆ ನಿಧಾನವಾಗಿ ಮಸಾಜ್ ಮಾಡುವ ಮೂಲಕ ಜೀರ್ಣಕ್ರಿಯೆ ಸಮಸ್ಯೆ ನಿವಾರಣೆ ಮಾಡಬಹುದು. ನಿಮ್ಮ ಕೈಗಳನ್ನು ಬಳಸಿಕೊಂಡು ಮಗುವಿನ ಹೊಟ್ಟೆಯ ಸುತ್ತಲು ಮಸಾಜ್ ಮಾಡಿ. ಅತಿಯಾಗಿ ದಬ್ಬಬೇಡಿ. ವೃತ್ತಾಕಾರದಲ್ಲಿ ಮಗುವಿನ ಹೊಟ್ಟೆಗೆ ಮಸಾಜ್ ಮಾಡಿ. ಸ್ವಲ್ಪ ಮಗುವಿನ ಎಣ್ಣೆ ಅಥವಾ ಕ್ರೀಮ್ ಬಳಸಿಕೊಂಡು ಮಸಾಜ್ ಮಾಡಬಹುದು.

ಮಗುವಿಗೆ ತೇಗು ಬರುವಂತೆ ಮಾಡಿ

ಹಾಲುಣಿಸಿದ ಬಲಿಕ ಮಗುವಿಗೆ ಯಾವಾಗಲೂ ತೇಗು ಬರುವಂತೆ ಮಾಡಿ. ಇದು ಮಗುವಿನ ಜೀರ್ಣಕ್ರಿಯೆ ಸಮಸ್ಯೆ ನಿವಾರಿಸುವುದು. ತೇಗು ಬಂದರೆ ಗ್ಯಾಸ್ ಸಮಸ್ಯೆ ನಿವಾರಣೆ ಆಗುವುದು ಮತ್ತು ಮಗು ಹಾಲನ್ನು ಹೊರಗೆ ಹಾಕುವುದು ತಪ್ಪುವುದು. ಹಾಲುಣಿಸಿದ ಬಳಿಕ ಕೆಲವು ನಿಮಿಷ ಹಾಗೆ ಬಿಡಿ ಮತ್ತು ಇದರ ಬಳಿಕ ಮಗುವನ್ನು ಹೆಗಲ ಮೇಲೆ ಹಾಕಿಕೊಂಡು ತೇಗು ಬರಿಸಿ.

ಎದೆಹಾಲು ಮಾತ್ರ ನೀಡಿ

ಮಗುವಿಗೆ ಬೇರೆ ಯಾವುದೇ ರೀತಿಯ ಆಹಾರ ಅಥವಾ ಪಾನೀಯ ನೀಡಿದರೆ ಅದರಿಂದ ಮಗುವಿಗೆ ಜೀರ್ಣಕ್ರಿಯೆ ಸಮಸ್ಯೆ ಕಾಣಿಸಿ ಕೊಳ್ಳಬಹುದು. ವೈದ್ಯರು ಸೂಚಿಸಿರುವಂತೆ ಎದೆಹಾಲು ಮಾತ್ರ ನೀಡಿ. ಮಗುವಿಗೆ ಬೇರೆ ಯಾವುದೇ ಆಹಾರ ನೀಡುವ ಮೊದಲು ವೈದ್ಯರ ಸಲಹೆ ಪಡೆಯಿರಿ. ಬೇರೆ ಆಹಾರ ಸೇವಿಸಿದ ಬಳಿಕ ಮಗುವಿಗೆ ಸಮಸ್ಯೆಯಾಗುತ್ತಲಿದ್ದರೆ ನೀವು ತಕ್ಷಣವೇ ಅದನ್ನು ನಿಲ್ಲಿಸಿಬಿಡಿ. ಹಠಾತ್ ಆಗಿ ಮಗುವಿಗೆ ಎದೆಹಾಲು ನೀಡುವುದನ್ನು ನಿಲ್ಲಿಸಬೇಡಿ. ಮಗು ಬೇರೆ ರೀತಿಯ ಆಹಾರ ಸೇವಿಸಲು ಆರಂಭಿಸಿದ ಬಳಿಕ ನಿಧಾನವಾಗಿ ಎದೆಹಾಲು ನೀಡುವ ಪ್ರಮಾಣ ಕಡಿಮೆ ಮಾಡುತ್ತಾ ಹೋಗಿ.

ಗ್ರೈಪ್ ವಾಟರ್

ಮಗುವಿಗೆ ಹಿಂದಿನ ಕಾಲದಿಂದಲೂ ಜೀರ್ಣಕ್ರಿಯೆ ಸಮಸ್ಯೆಗೆ ಗ್ರೈಪ್ ವಾಟರ್ ನೀಡುತ್ತಾ ಬರಲಾಗುತ್ತಿದೆ. ಗ್ರೈಪ್ ವಾಟರ್ ನಲ್ಲಿ ಸೋಡಿಯಂ ಬೈಕಾರ್ಬೊನೇಟ್ ಮತ್ತು ನೀರು ಹಾಗೂ ಹಲವಾರು ಗಿಡಮೂಲಿಕೆಗಳು ಇವೆ. ಮಗುವಿನ ಗ್ಯಾಸ್ ಸಮಸ್ಯೆ ನಿವಾರಣೆಗೆ ಇದು ತುಂಬಾ ಸುರಕ್ಷಿತ ವಿಧಾನ. ಕೇವಲ ಐದು ನಿಮಿಷದಲ್ಲಿ ಇದು ಕೆಲಸ ಮಾಡುವುದು. ಜೀರ್ಣಕ್ರಿಯೆ ಸಮಸ್ಯೆಯಿಂದ ಮಗುವಿಗೆ ಬೇಗನೆ ಶಮನ ನೀಡುವುದು. ವೈದ್ಯರ ಸಲಹೆ ಪಡೆಯದೆ ಯಾವುದೇ ರೀತಿಯ ಔಷಧಿಗಳನ್ನು ಮಗುವಿಗೆ ನೀಡಬೇಡಿ. ಮನೆಮದ್ದನ್ನು ಪ್ರಯತ್ನಿಸಿ. ಪರಿಸ್ಥಿತಿ ತೀರ ಹದಗೆಟ್ಟರೆ ಆಗ ವೈದ್ಯರನ್ನು ಭೇಟಿಯಾಗಿ.