ಮಕ್ಕಳಿಗೆ ಕಾಡುವ ಮಲಬದ್ಧತೆ, ಇಲ್ಲಿದೆ ಸೂಕ್ತ ಮನೆಮದ್ದು

ಒಣ ಪ್ಲಮ್ ಹಣ್ಣುಗಳು

ಪ್ಲಮ್ ಹಣ್ಣುಗಳನ್ನು ಒಣಗಿಸಿದಾಗ ದೊರಕುವ ಒಣದ್ರಾಕ್ಷಿಯಂತಹ ಫಲವನ್ನು Prunes ಎಂದು ಕರೆಯುತ್ತಾರೆ. ಇದರಲ್ಲಿ ಅಧಿಕ ಪ್ರಮಾಣದ ಕರಗದ ನಾರು ಮತ್ತು ಪೊಟ್ಯಾಶಿಯಂ ಇವೆ. ಇದು ವಿಶೇಷವಾಗಿ ಮಕ್ಕಳಲ್ಲಿ ಮಲಬದ್ದತೆಯನ್ನು ನಿವಾರಿಸಲು ಸಮರ್ಥವಾಗಿವೆ. ಇದರಲಿರುವ ಸೋರ್ಬಿಟಾಲ್ ಎಂಬ ಪೋಷಕಾಂಶ ಒಂದು ನೈಸರ್ಗಿಕ ವಿರೇಚಕವಾಗಿದ್ದು ಮಕ್ಕಳ ಕೋಮಲ ಅಂಗಗಳಿಗೆ ಸುರಕ್ಷಿತವಾಗಿದೆ. ಅಲ್ಲದೇ ಇದೊಂದು ರೋಗಗಳ ವಿರುದ್ದ ಹೋರಾಡುವ ಆಂಟಿ ಆಕ್ಸಿಡೆಂಟು ಸಹಾ ಆಗಿದ್ದು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲೂ ನೆರವಾಗುತ್ತದೆ. ಮಕ್ಕಳಿಗೆ ಈ ಒಣಹಣ್ಣುಗಳನ್ನು ನಿತ್ಯವೂ ಕೆಲವನ್ನು ತಿನ್ನಲು ನೀಡುವ ಮೂಲಕ ಅಥವಾ ಪ್ರೂನ್ಸ್ ಜ್ಯೂಸ್ ಎಂಬ ರೂಪದಲ್ಲಿ ಸಿಗುವ ರಸವನ್ನು ಸೇವಿಸಲು ನೀಡುವ ಮೂಲಕ ಮಲಬದ್ದತೆಯನ್ನು ತಡೆಯಬಹುದು.

ಸೀಬೆ ಹಣ್ಣುಗಳು

ಪೇರ್ಸ್ ಅಥವಾ ಸೀಬೆಹಣ್ಣು ಸಹಾ ಒಂದು ಉತ್ತಮವಾದ ವಿರೇಚಕವಾಗಿದ್ದು ಮಕ್ಕಳಲ್ಲಿ ಮಲಬದ್ದತೆಯನ್ನು ಕಡಿಮೆಗೊಳಿಸಲು ನೆರವಾಗುತ್ತದೆ. ಇದರಲ್ಲಿರುವ ನಾರುಗಳು ಕರುಳುಗಳಲ್ಲಿ ಆಹಾರ ಚಲನೆ ಸುಲಭವಾಗಿಸುವ ಮೂಲಕ ಮಲಬದ್ದತೆ ಕಡಿಮೆಗೊಳಿಸಲು ನೆರವಾಗುತ್ತದೆ.

ಬ್ರೋಕೋಲಿ

ಈ ಹಸಿರು ಹೂಕೋಸಿನಲ್ಲಿ ಉತ್ತಮ ಪ್ರಮಾಣದ ನಾರು ಇದ್ದು ಇದರ ಗರಿಷ್ಟ ಪ್ರಯೋಜನ ಪಡೆಯಬೇಕಾದರೆ ಹಸಿಯಾಗಿ ತಿನ್ನುವುದು ಅಗತ್ಯ. ಮಕ್ಕಳು ಇದನ್ನು ತಿನ್ನಲು ತಕರಾರು ಮಾಡುವ ಮೂಲಕ ಇದನ್ನು ಮಕ್ಕಳ ಆಹಾರದಲ್ಲಿ ಇದನ್ನು ಚಿಕ್ಕಚಿಕ್ಕತುಂಡುಗಳನ್ನಾಗಿಸಿ ಬೆರೆಸಿ ನೀಡುವುದು ಜಾಣತನದ ಕ್ರಮವಾಗಿದೆ. ಬೇಯಿಸಿದ ಬ್ರೋಕೋಲಿಯಿಂದ ನಾರು ನಷ್ಟವಾಗುವ ಕಾರಣ ಹಸಿಯಾಗಿಯೇ ಸೇವಿಸುವುದು ಉತ್ತಮ.

ಕ್ಯಾರೆಟ್

ಹಸಿ ಕ್ಯಾರೆಟ್‌ನಲ್ಲಿ ಉತ್ತಮ ಪ್ರಮಾಣದ ಕರಗದ ನಾರು ಇದ್ದು ಕರುಳಿನಲ್ಲಿ ಆಹಾರ ಸುಲಭವಾಗಿ ಚಲಿಸಲು ನೆರವಾಗುತ್ತದೆ. ಅಲ್ಲದೇ ಇದರಲ್ಲಿರುವ ವಿಟಮಿನ್ ಸಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ನೆರವಾಗುತ್ತದೆ. ಕ್ಯಾರೆಟ್ಟುಗಳನ್ನು ಹಸಿಯಾಗಿ ತಿನ್ನುವುದೇ ಉತ್ತಮ. ಬೇಯಿಸಿದಾಗ ಇದರ ನಾರುಗಳು ಕರಗುವುದರಿಂದ ನಿತ್ಯವೂ ಕೊಂಚ ಕ್ಯಾರೆಟ್ಟಿನ ತುಂಡುಗಳನ್ನು ಊಟದ ಸಾಲಾಡ್ ನಲ್ಲಿ ಸೇರಿಸಿ ತಿನ್ನಲು ಪ್ರೇರೇಪಿಸಿ.

ಬೀನ್ಸ್

ಒಂದು ಬಾರಿ ಸೇವಿಸುವ ಪ್ರಮಾಣದ ಬೀನ್ಸ್ ನಲ್ಲಿ ಹತ್ತು ಗ್ರಾಂಗಳಷ್ಟು ಕರಗದ ನಾರು ಇರುವ ಕಾರಣ ಜೀರ್ಣಾಂಗಗಳಲ್ಲಿ ಆಹಾರ ಸುಲಭವಾಗಿ ಸಾಗಲು ಮತ್ತು ಮಲಬದ್ದತೆ ತಡೆಯಲು ನೆರವಾಗುತ್ತದೆ. ಮಕ್ಕಳ ಆಹಾರದಲ್ಲಿ ಕೊಂಚ ಬೀನ್ಸ್ ಅನ್ನು ಬೇಯಿಸಿ ಸೇರಿಸುವ ಮೂಲಕ ಮಲಬದ್ದತೆ ತಡೆಯಲು ಸಾಧ್ಯವಾಗುತ್ತದೆ.