ಮಕ್ಕಳ ಬೆಳವಣಿಗೆಗೆ ಓದಿನಷ್ಟೆಮುಖ್ಯ ಆಟ

Kids

oi-Reena

By Hema S

Published: Monday, April 30, 2012, 17:38 [IST]

ಹೆಚ್ಚಿನ ಸಮಯವನ್ನು ಕಂಪ್ಯೂಟರ್, ವೀಡಿಯೊಗೇಮ್, ಟಿವಿ ಅಂತ ಕಳೆಯುವುದರಿಂದ ದೈಹಿಕ ವ್ಯಾಯಾಮ ಕಡಿಮೆಯಾಗಿದೆ. ಈ ರೀತಿ ಆದರೆ ಮಕ್ಕಳ ದೈಹಿಕ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀಳುತ್ತದೆ. ಮಕ್ಕಳಲ್ಲಿ ಚಿಕ್ಕ ಪ್ರಾಯದಲ್ಲಿಯೆ ಒಬೆಸಿಟಿಯಂತಹ ಸಮಸ್ಯೆಗಳು ಕಾಣಿಸಿಕೊಳ್ಳುವುದು. ಮಕ್ಕಳ ಆರೋಗ್ಯಕರ ಬೆಳವಣಿಗೆಗೆ ಪ್ರತಿದಿನ 60 ನಿಮಿಷ ವ್ಯಾಯಾಮ ಮಾಡುವುದು ಒಳ್ಳೆಯದು.

ವ್ಯಾಯಾಮ ಮಾಡಿಸಿದರೆ ಕೆಳಗಿನ ಪ್ರಮುಖ ಪ್ರಯೋಜನಗಳನ್ನು ಕಾಣಬಹುದು.

1. ಆರೋಗ್ಯಕರ ಬೆಳವಣಿಗೆ ಉಂಟಾಗುತ್ತದೆ, ದೇಹದ ತೂಕ ಕೂಡ ಮಿತಿಯಲ್ಲಿರುತ್ತದೆ.
2. ದೈಹಿಕವಾಗಿ ಆಟ ಆಡುವುದರಿಂದ ಮಕ್ಕಳ ಮೂಳೆ ಮತ್ತು ಸ್ನಾಯುಗಳು ಬಲವಾಗುತ್ತದೆ.
3. ಟೈಪ್ 2 ಮಧುಮೇಹ ಮತ್ತು ಹೃದಯ ಸಂಬಂಧಿ ಸಮಸ್ಯೆಗಳು ಬರದಂತೆ ತಡೆಯುತ್ತದೆ.
4. ರಕ್ತದೊತ್ತಡ ಮತ್ತು ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಣದಲ್ಲಿಡುತ್ತದೆ.
5. ಮಾನಸಿಕ ಒತ್ತಡ ನಿಯಂತ್ರಿಸುವ ಸಾಮರ್ಥ್ಯ ದೈಹಿಕ ವ್ಯಾಯಾಮದಿಂದ ದೊರೆಯುತ್ತದೆ.
6. ಮಕ್ಕಳಲ್ಲಿ ಏಕಾಗ್ರತೆ ಮತ್ತು ಆತ್ಮವಿಶ್ವಾಸ ಹೆಚ್ಚಾಗುವುದು.

ಹೆಚ್ಚಿನ ಪೋಷಕರು ಮಕ್ಕಳಿಗೆ ಓದಿ ಅಂತ ಹೇಳುತ್ತಾರೆ ಹೊರತು ಅಟ ಆಡಿ ಅಂತ ಹೇಳುವುದಿಲ್ಲ. ಆದರೆ ಮಕ್ಕಳ ದೈಹಿಕ ಮತ್ತು ಮಾನಸಿಕ ಬೆಳವಣಿಗೆಗೆ ವ್ಯಾಯಾಮ ಮತ್ತು ಆಟ ಆಡುವುದು ಒಳ್ಳೆಯದು. ಮಕ್ಕಳನ್ನು ತುಂಬಾ ಹೊತ್ತು ಟಿವಿ ಮತ್ತು ಕಂಪ್ಯೂಟರ್ ಮುಂದೆ ಕೂರಲು ಬಿಡದೆ ಅವರ ಹತ್ತಿರ ಹಾಕಿ, ಕ್ರಿಕೆಡ್, ಟೆನ್ನೀಸ್ ಮುಂತಾದ ದಯಹಿಕ ಶ್ರಮವಿರುವ ಆಟಗಳನ್ನು ಆಡಲು ಪ್ರೋತ್ಸಾಹಿಸಬೇಕು. ಮಕ್ಕಳ ಬೆಳವಣಿಗೆಗೆ ಆಟ ಮತ್ತು ಓದು ಎರಡೂ ಮುಖ್ಯವಾದ ಅಂಶಗಳಾಗಿವೆ.