ನೀವು ಮಾಡುವುದನ್ನೆ ಮಕ್ಕಳು ಕಲಿಯುತ್ತಾರೆ

6. ನೀರಿನಂಶ: ಹೆಚ್ಚಾಗಿ ನೀರು ಕುಡಿಯಲು ಹೇಳಿ. ಹಣ್ಣಿನ ಜ್ಯೂಸ್, ಸೂಪ್, ಹಾಲನ್ನು ಮಕ್ಕಳಿಗೆ ಕುಡಿಸುವುದರಿಂದ ಮಕ್ಕಳ ಆರೋಗ್ಯ ಹೆಚ್ಚಾಗುವುದು.

7. ಸಿಹಿ: ತುಂಬಾ ಸಿಹಿ ಪದಾರ್ಥಗಳನ್ನು ಮನೆಯಲ್ಲಿ ತಂದಿಡುವುದು. ಸಿಹಿ ತಿಂಡಿಗಳನ್ನು ವಾರಕ್ಕೊಮ್ಮೆ ತಂದರು ಸಾಕು. ಆದರೆ ತರುವಾಗ ಮಿತಿಯಲ್ಲಿ ತಂದರೆ ಮಕ್ಕಳು ಹೆಚ್ಚು ಸಿಹಿ ತಿನ್ನುವ ಅಭ್ಯಾಸ ಬೆಳೆಸಿಕೊಳ್ಳುವುದಿಲ್ಲ.

8. ಪ್ರೀತಿ: ಮಕ್ಕಳ ಮೇಲೆ ಪ್ರೀತಿ ಇದ್ದೇ ಇರುತ್ತದೆ. ಆದರೆ ಆ ಪ್ರೀತಿಯನ್ನು ತುಂಬಾ ಚಾಕಲೇಟ್ ಕೊಡಿಸಿ ತೋರಿಸಬೇಕಾಗಿಲ್ಲ. ಮಕ್ಕಳಿಗೆ ತಿಂಡಿ ತರುವಾಗ ತುಂಬಾ ಕೊಬ್ಬಿನಂಶ ಅಥವಾ ಕೊಲೆಸ್ಟ್ರಾಲ್ ಇರುವ ತಿಂಡಿಗಳನ್ನು ತರುವ ಬದಲು ಆರೋಗ್ಯಕರ ತಿಂಡಿ ಕೊಡಿಸುವುದು ಒಳ್ಳೆಯದು. ಆದರೆ ಮಕ್ಕಳ ಮೇಲೆ ಆ ಆಹಾರ ತಿನ್ನಬೇಡ, ಈ ಆಹಾರ ತಿನ್ನಬಾರದು ಅಂತ ನಿರ್ಬಂಧ ಕೂಡ ಹಾಕಬಾರದು. ಮಕ್ಕಳು ಕೇಳಿದ ತಿಂಡಿ ತೆಗೆದುಕೊಡಿ. ಆದರೆ ಮಿತಿಯಲ್ಲಿ ತೆಗೆದುಕೊಡಿ.

9. ಮಾದರಿ: ನೀವು ಏನು ಮಾಡುತ್ತೀರೊ ಅದನ್ನೇ ನಿಮ್ಮ ಮಕ್ಕಳು ಅನುಸರಿಸುತ್ತಾರೆ. ಟಿವಿ ನೋಡಿ ಊಟ ಮಾಡುವ ಅಭ್ಯಾಸ ನಿಮಗೆ ಇದ್ದರೆ ಮಕ್ಕಳು ಅದೇ ಅಭ್ಯಾಸವನ್ನು ಬೆಳೆಸಿಕೊಳ್ಳುತ್ತಾರೆ.

10. ಟಿವಿ ಮತ್ತು ಕಂಪ್ಯೂಟರ್: ಟಿವಿ ಮತ್ತು ಕಂಪ್ಯೂಟರ್ ಮುಂದೆ ಮಕ್ಕಳು ತುಂಬಾ ಕೂತರೆ ಬೊಜ್ಜು ಬೆಳೆಯುತ್ತದೆ. ಆದ್ದರಿಂದ ಮಕ್ಕಳಿಗೆ ಸ್ಪೋರ್ಟ್ಸ್, ಕ್ರಿಕೆಟ್ ಇವುಗಳಲ್ಲಿ ಆಸಕ್ತಿ ಬೆಳೆಸಿ. ಪ್ರತಿನಿತ್ಯ ವ್ಯಾಯಾಮ ಮಾಡಲು ಹೋಗುವಾಗ ಮಕ್ಕಳನ್ನು ಜೊತೆಯಲ್ಲಿ ಕರೆದುಕೊಂಡು ಹೋಗಿ. ಈ ರೀತಿಯ ನಿಯಮಗಳನ್ನು ಪಾಲಿಸಿದರೆ ಮಕ್ಕಳ ಆರೋಗ್ಯ ಹೆಚ್ಚುವುದು.