ಪೋಷಕರು ಪಾಲಿಸಬೇಕಾದ 10 ನಿಯಮಗಳು

Kids

oi-Reena

By Hema S

Published: Wednesday, April 4, 2012, 18:02 [IST]

ಸಾಕಷ್ಟು ಜನರಿಗೆ ತಮ್ಮ ಮಕ್ಕಳು ಸರಿಯಾಗಿ ತಿನ್ನುತ್ತಿಲ್ಲ ಅನ್ನುವುದೆ ದೊಡ್ಡ ಚಿಂತೆಯಾಗಿರುತ್ತದೆ. ಆದರೆ ಮಕ್ಕಳು ಆರೋಗ್ಯಕರವಾಗಿ ಬೆಳೆಯಲು ಪೋಷಕಾಂಶಗಳ ಪ್ರಮಾಣ ಇಂತಿಷ್ಟು ಇರಬೇಕೆಂದು ಅಳತೆ ಮಾಡಿ ತಿನ್ನಿಸುವ ಬದಲು ಈ ಕೆಳಗಿನ ಸರಳ ನಿಯಮಗಳನ್ನು ಅನುಸರಿಸಿದರೆ ಮಕ್ಕಳ ಆರೋಗ್ಯಕ್ಕೆ ಒಳ್ಳೆಯದು.

1. ಕುರುಕಲು ತಿಂಡಿ ಮತ್ತು ಚಾಕಲೇಟ್ ತರುವುದನ್ನು ಕಮ್ಮಿ ಮಾಡಬೇಕು: ಮಕ್ಕಳು ಆರೋಗ್ಯಕರ, ಪೋಷಕಾಂಶವಿರುವ ಆಹಾರವನ್ನು ಹೆಚ್ಚಾಗಿ ತಿನ್ನುವಂತೆ ಮಾಡಲು ಹಣ್ಣು ಹಂಪಲುಗಳನ್ನು ಹೆಚ್ಚಾಗಿ ತರಬೇಕು. ಮಕ್ಕಳು ಮನೆಯಲ್ಲಿ ಕುರುಕಲು ತಿಂಡಿ ಸಿಗುವುದು ಕಡಿಮೆಯಾದಾಗ ಹಣ್ಣುಗಳನ್ನು ತಿನ್ನುವ ಅಭ್ಯಾಸ ಬೆಳೆಸಿಕೊಳ್ಳುತ್ತಾರೆ.

2. ಮಕ್ಕಳು ತಿನ್ನುವ ಆಹಾರದ ಪ್ರಮಾಣ: ಕೆಲವು ಮಕ್ಕಳಿಗೆ ಊಟ ಕಂಡರೆ ಬೇಡ ಅನ್ನುತ್ತಾರೆ. ತಿಂಡಿ ಬೇಕು ಅಂತ ಅಳುತ್ತಾರೆ. ಆದರೆ ಅವುಗಳನ್ನು ಲಕ್ಷ್ಯಕ್ಕೆ ತೆಗೆದುಕೊಳ್ಳದೆ ಮೇಲಿನ ವಿಧಾನ ಅನುಸರಿಸಿದರೆ ಮಕ್ಕಳು ಪೌಷ್ಠಿಕಾಂಶವಿರುವ ಆಹಾರ ತಿನ್ನುವ ಪ್ರಮಾಣ ಹೆಚ್ಚಾಗುತ್ತದೆ.

3. ತಟ್ಟೆ ಖಾಲಿ ಮಾಡಬೇಕೆಂದು ಒತ್ತಾಯ ಹಾಕಬಾರದು: ಅನೇಕ ಪೋಷಕರಿಗೆ ಮಕ್ಕಳು ಪ್ಲೇಟ್ ಖಾಲಿ ಮಾಡಿ ಕೊಡಬೇಕು ಎಂಬ ನಿಯಮವನ್ನು ತಂದಿರುತ್ತಾರೆ. ಈ ರೀತಿ ಮಾಡಿದರೆ ಮಕ್ಕಳಿಗೆ ಇಷ್ಟವಾಗುವುದಿಲ್ಲ. ಮಕ್ಕಳು ಹೊಟ್ಟೆ ತುಂಬಿದ ಮೇಲೆ ಅನ್ನ ಅಥವಾ ತಿಂಡಿ ತಿನ್ನುವಂತೆ ಒತ್ತಾಯ ಮಾಡದಿರುವುದು ಒಳ್ಳೆಯದು.

4. ಆಹಾರ ಅಭ್ಯಾಸ: ಮಕ್ಕಳಿಗೆ ಚಿಕ್ಕದಿರುವಾಗ ತಿನ್ನುವ ಅಭ್ಯಾಸವನ್ನು ದೊಡ್ಡವರಾದ ಮೇಲೆ ಬೆಳೆಸಿಕೊಂಡು ಹೋಗುತ್ತಾರೆ. ಮಕ್ಕಳಿಗೆ ತಿನ್ನು ಅಂತ ಬಾಯಿಗೆ ತುರುಕದೆ ಒಂದು ತುತ್ತು ಕೊಟ್ಟು ನೋಡಿ. ಆ ಆಹಾರ ಇಷ್ಟವಾದರೆ ಮತ್ತೊಂದು ತುತ್ತು ಬೇಕೆಂದು ಮಕ್ಕಳೆ ಕೇಳುತ್ತಾರೆ.