ಮುದ್ದು ಕಂದನ ಕೂದಲಿಗೆ ಸ್ಪೆಷಲ್ ಕೇರ್ ಹೇಗೆ?

Kids

oi-Sumalatha

By Sumalatha

Published: Saturday, October 22, 2011, 16:50 [IST]

ಮಕ್ಕಳ ಕೂದಲು ತುಂಬಾ ಸೂಕ್ಷ್ಮ. ಮಕ್ಕಳು ಹೆಚ್ಚು ಆಟ ಆಡುವುದರಿಂದ ತಲೆಯಲ್ಲಿ ಬೇಗನೆ ಧೂಳು, ಮಣ್ಣು, ಕೊಳೆ ಸೇರಿಕೊಳ್ಳುತ್ತೆ. ಆದ್ದರಿಂದ ಬೆಳವಣಿಗೆ ಹಂತದಲ್ಲಿ ಮಕ್ಕಳ ಕೂದಲನ್ನು ಪೋಷಿಸಿದರೆ ಮುಂದೆಯೂ ಕೂದಲು ಆರೋಗ್ಯಕರವಾಗಿರುತ್ತದೆ. ಮಕ್ಕಳ ಕೂದಲನ್ನು ಪೋಷಿಸುವ ಸುಲಭ ವಿಧಾನ ಇಲ್ಲಿದೆ.

ಮಕ್ಕಳ ಕೂದಲ ಪೋಷಣೆ ಹೇಗಿರಬೇಕು?

1. ಮಕ್ಕಳ ಕೂದಲಿಗೆ ವಾರಕ್ಕೆ 3-4 ಬಾರಿ ಸ್ನಾನ ಮಾಡಿಸಿ. ಅವರಿಗೆ ತುಂಡು ಕೂದಲಿದ್ದರೆ ಆಗಾಗ್ಗೆ ತಲೆಗೆ ಸ್ನಾನ ಮಾಡಿಸಿದರೂ ತೊಂದರೆಯಿಲ್ಲ.

2. ಕಣ್ಣು ಉರಿ ಬರದಂತಹ ಶಾಂಪುಗಳನ್ನು ಸ್ನಾನಕ್ಕೆ ಬಳಸಿ. ಇದರಿಂದ ಮಕ್ಕಳು ಸ್ನಾನವನ್ನು ಸಂತೋಷದಿಂದ ಮಾಡಿಸಿಕೊಳ್ಳುತ್ತವೆ.

3. ಮಕ್ಕಳ ತಲೆಯನ್ನು ಉಜ್ಜುವಾಗ ಬೆರಳುಗಳನ್ನು ಮಾತ್ರ ಉಪಯೋಗಿಸಿ. ಉಗುರುಗಳನ್ನು ಬಳಸಬಾರದು. ಮಕ್ಕಳ ತಲೆಯನ್ನು ಮೃದುವಾಗಿ ಉಜ್ಜಬೇಕು. ಕೂದಲ ಬುಡವನ್ನು ನಯವಾಗಿ ಮಸಾಜ್ ಮಾಡಬೇಕು.

4. ಮಕ್ಕಳ ಕೂದಲು ಉದ್ದವಿದ್ದರೆ ಯಾವುದಾದರೂ ಹೇರ್ ಕಂಡೀಶನರ್ ಹಾಕಿ. ಇದು ನೋವಿಲ್ಲದಂತೆ ಬಾಚಲೂ ಸುಲಭವಾಗುತ್ತದೆ.

5. ಮಕ್ಕಳ ಕೂದಲನ್ನು ಬಾಚಲು ದೊಡ್ಡ ಹಲ್ಲಿರುವ ಬಾಚಣಿಕೆ ಅಥವಾ ಹೇರ್ ಬ್ರಶ್ ಉಪಯೋಗಿಸಿ. ಮಕ್ಕಳ ಬಾಚಣಿಕೆಯನ್ನು ಬೇರೆಯವರು ಬಳಸದಂತೆ ನೋಡಿಕೊಳ್ಳಿ.

6. ಆಗಾಗ್ಗೆ ಕೂದಲನ್ನು ಕತ್ತರಿಸುತ್ತಿರಬೇಕು. ಇದು ಕೂದಲ ಬೆಳವಣಿಗೆಯನ್ನೂ ಹೆಚ್ಚಿಸುತ್ತದೆ. ಒಳ್ಳೆಯ ಸಲೂನ್ ನಲ್ಲಿ ಮಕ್ಕಳಿಗೆ ಹೊಂದಿಕೊಳ್ಳುವ ಸುಂದರ ಹೇರ್ ಕಟ್ ಮಾಡಿಸಿ.

7. ಮಕ್ಕಳು ತುಂಬಾ ಆಟವಾಡುವುದರಿಂದ ಅವುಗಳ ಕೂದಲು ಬೇಗನೆ ಸುಕ್ಕಾಗುತ್ತದೆ. ಇದರಿಂದ ಕೂದಲುದುರಲು ಆರಂಭಿಸುತ್ತದೆ. ಆದ್ದರಿಂದ ಮಕ್ಕಳ ಕೂದಲನ್ನು ಬಾಚಿ ಕಟ್ಟುದರೆ ಉತ್ತಮ.

8. ಮಕ್ಕಳ ಕೂದಲಿಗೆ ಚೆಂದವಾಗಿ ಕಾಣುವ ಕೆಲವು ಅಲಂಕಾರಿಕ ವಸ್ತುಗಳಾದ ಕ್ಲಿಪ್, ಬಣ್ಣ ಬಣ್ಣದ ಹೇರ್ ಬ್ಯಾಂಡ್ ಹಾಕಿ, ಇದರಿಂದ ಮಕ್ಕಳಿಗೂ ಖುಷಿಯಾಗುತ್ತೆ, ಮಕ್ಕಳು ಮುದ್ದಾಗಿಯೂ ಕಾಣುತ್ತಾರೆ.