ಮಳೆಗಾಲದಲ್ಲಿ ಮಕ್ಕಳಿಗೆ ಯಾವ ಬಟ್ಟೆ ಸೂಕ್ತ?

Kids

oi-Sumalatha N

By Sumalatha N

Published: Tuesday, August 23, 2011, 14:55 [IST]

ಮಕ್ಕಳ ದೇಹ ತುಂಬಾ ಮೃದು. ಅದರಲ್ಲೂ ಈ ಚಳಿಗಾಲದಲ್ಲಿ ಎಷ್ಟೇ ಮುನ್ನೆಚ್ಚರಿಕೆ ತೆಗೆದುಕೊಂಡರೂ ಸೂಕ್ಷ್ಮವಾದ ಮಕ್ಕಳ ದೇಹ ಬೇಗನೆ ಸಮಸ್ಯೆಗಳಿಗೆ ಒಡ್ಡಿಕೊಳ್ಳುತ್ತವೆ. ಚಳಿಗಾಲ, ಮಳೆಗಾಲದಲ್ಲಿ ಎಂದಿಗಿಂತ ಮಕ್ಕಳಿಗೆ ಹೆಚ್ಚಿನ ಪೋಷಣೆ ಅಗತ್ಯವಿರುತ್ತದೆ. ಈ ಥಂಡಿ ಕಾಲದಲ್ಲಿ ಮಕ್ಕಳ ಮೈ ಬೆಚ್ಚಗಿದ್ದಷ್ಟೂ ಆರೋಗ್ಯವೂ ಸುಸೂತ್ರವಾಗಿರುತ್ತದೆ. ಶೀತ, ನೆಗಡಿ, ಕೆಮ್ಮಿನಂತಹ ತೊಂದರೆಗಳು ಕಾಣಿಸಿಕೊಳ್ಳುವುದೂ ಕಡಿಮೆಯಾಗುತ್ತದೆ.

ಆದ್ದರಿಂದ ಈ ಸಂದರ್ಭದಲ್ಲಿ ಮಕ್ಕಳ ಬಟ್ಟೆ ಮತ್ತು ಆರೈಕೆ ಹೇಗಿರಬೇಕು ಎಂಬುದರ ಬಗ್ಗೆ ಪೋಷಕರಿಗೆ ಇಲ್ಲಿ ಕೆಲವು ಸಲಹೆಗಳಿವೆ.

1. ಮಕ್ಕಳ ಮೈಮೇಲೆ ಒಂದರ ಮೇಲೊಂದರಂತೆ ಹೆಚ್ಚು ಬಟ್ಟೆಗಳನ್ನು ತೊಡಿಸಬೇಡಿ. ಇದು ಮಕ್ಕಳಿಗೆ ಚಳಿಯಲ್ಲಿ ಉಸಿರಾಡಲು ಕಷ್ಟವಾಗಬಹುದು. ಹಾಕಲು ಮತ್ತು ತೆಗೆಯಲು ಸುಲಭವಾಗುವಂತಹ ಬಟ್ಟೆಗಳನ್ನೇ ತೊಡಿಸಿ.

2. ಮೈತುಂಬುವ ಬಟ್ಟೆಗಳನ್ನು ಮಕ್ಕಳಿಗೆ ತೊಡಿಸಿ, ಇದರಿಂದ ಈ ಥಂಡಿಯಲ್ಲಿ ಮಕ್ಕಳ ದೇಹ ಬೆಚ್ಚಗಿರುವಂತೆ ನೋಡಿಕೊಳ್ಳುತ್ತದೆ.

3. ತುಂಬಾ ಮಳೆ ಮತ್ತು ಚಳಿ ಇದ್ದ ಕಾಲದಲ್ಲಿ ಕಿವಿಗೆ ಹತ್ತಿ ತುಂಡು ಹಾಕುವುದನ್ನು ಮರೆಯಬೇಡಿ. ಉಣ್ಣೆ ಬಟ್ಟೆಯ ಸ್ಕಾರ್ಫ್ ಅಥವಾ ಕಿವಿಯನ್ನು ಮುಚ್ಚುವ ಟೋಪಿಯನ್ನು ಮಕ್ಕಳಿಗೆ ಧರಿಸಿರಿ.

4. ಉಣ್ಣೆ ಬಟ್ಟೆಯನ್ನು ಹಾಕುವ ಮುನ್ನ ಮಕ್ಕಳ ಮೈಗೆ ಚಳಿಗಾಲಕ್ಕೆಂದು ಇರುವ ಕ್ರೀಂ ಹಚ್ಚಬೇಕು. ಇಲ್ಲವೆಂದರೆ ಉಣ್ಣೆ ಬಟ್ಟೆ ಮಕ್ಕಳ ಮೇಮೇಲೆ ಅಲರ್ಜಿಯನ್ನು ಉಂಟುಮಾಡಬಹುದು. ಕಾಟನ್ ಬಟ್ಟೆಗಳನ್ನು ತೊಡಿಸಿದರೆ ಚಳಿಗೆ ಉತ್ತಮ.

5. ಮಕ್ಕಳನ್ನು ಆರಾಮವಾಗಿ ಮಲಗಲು ಬಿಡಿ. ಒಂದಕ್ಕಿಂತ ಹೆಚ್ಚು ಮೇಲೊದಿಕೆಯನ್ನು ಹೊದಿಸಬೇಡಿ. ಬೆಚ್ಚಗಿರುವ ಒಂದು ಹೊದಿಕೆ ಸಾಕು.

6. ಮಕ್ಕಳು ಮನೆಯಲ್ಲಿರುವಾಗ ಅವುಗಳ ಕೈಗಳಿಗೆ ಗ್ಲೌಸ್ ತೊಡಿಸಿ, ಕಾಲು ಚೀಲಗಳು ಸಹ ಇರುವಂತೆ ನೋಡಿಕೊಳ್ಳಿ. ಮಕ್ಕಳ ಕಾಲು ಬೆಚ್ಚಗಿದ್ದಷ್ಟು ದೇಹವೂ ಬೆಚ್ಚಗಿರುತ್ತದೆ. ಇದರಿಂದ ಬೇಗನೆ ನೆಗಡಿ, ಕೆಮ್ಮು, ಶೀತವಾಗುವುದನ್ನು ತಡೆಯಬಹುದು.

7. ಈ ಥಂಡಿ ವಾತಾವರಣದಲ್ಲಿ ಮಕ್ಕಳಿಗೆ ಕುಡಿಯಲು ಬಿಸಿ ನೀರನ್ನು ಕೊಡಬೇಕು. ಇದು ಮೈಯ್ಯನ್ನು ಬೆಚ್ಚಗಿರಿಸಿ ರೋಗಗಳು ತಗುಲುವುದನ್ನು ತಡೆಯುತ್ತದೆ.