ಅಮ್ಮ ಕೆಲಸಕ್ಕೆ ಹೋದರು ಕಂದನಿಗೆ ಸಿಗುವುದು ಎದೆಹಾಲು

Baby

oi-Reena

By Hema S

Published: Tuesday, November 8, 2011, 14:14 [IST]

ಮಕ್ಕಳಿಗೆ ತಾಯಿಯ ಹಾಲಿನಷ್ಟು ಪೌಷ್ಠಿಕ ಆಹಾರ ಮತ್ತೊಂದಲ್ಲ. ಆದರೆ ಈಗ ಸಾಕಷ್ಟು ಮಹಿಳೆಯರು ಹೊರಗಡೆ ದುಡಿಯುವ ಪರಿಸ್ಥಿತಿಯಲ್ಲಿ ಮಗುವಿಗೆ ಹೊತ್ತಿಗೆ ಸರಿಯಾಗಿ ಎದೆ ಹಾಲು ಕುಡಿಯಲು ನೀಡಲು ಸಾಧ್ಯವಾಗುತ್ತಿಲ್ಲ.ಅದಕ್ಕಾಗಿ ತಾಯಿಂದರು ಹಾಗೆ ಇರಲು ಸಾಧ್ಯವೆ ಅದಕ್ಕಾಗಿ ಬೇರೆ ವಿಧಾನವನ್ನು ಕಂಡು ಹಿಡಿಯಲೆ ಬೇಕು.

ಅದಕ್ಕಾಗಿ ಈಗ ಎದೆ ಹಾಲನ್ನು ಬಾಟಲಿಯಲ್ಲಿ ಸಂಗ್ರಹಿಸಿಟ್ಟು ಮನೆಯಲ್ಲಿ ಮಗುವನ್ನು ನೋಡಿಕೊಳ್ಳುವರ ಕೈಯಲ್ಲಿ ಕೊಟ್ಟು ಹೋಗುತ್ತಾರೆ ಹಾಗಾದರೂ ಮಗುವಿಗೆ ತಾಯಿ ಎದೆ ಹಾಲು ತಕ್ಕದಲ್ಲ ಎಂಬ ಸಮಧಾನ.

ಆದರೆ ಈ ರೀತಿ ಹಾಲನ್ನು ನೀಡುವಾಗ ಸರಿಯಾದ ರೀತಿಯಲ್ಲಿ ನೀಡದಿದ್ದರೆ ಮಗುವಿನ ಹೊಟ್ಟೆಗೆ ತೊಂದರೆ ಉಂಟಾಗುತ್ತದೆ.

ಆದುದರಿಂದ ಹಾಲನ್ನು ಶೇಖರಿಸುವಾಗ ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಮಗುವಿನ ಆರೋಗ್ಯಕ್ಕೆ ಒಳ್ಳೆಯದು.

1. ಈ ರೀತಿ ಹಾಲನ್ನು ಶೇಖರಿಸಿ ಬಾಟಲಿನಲ್ಲಿ ಕೊಡುವುದಾದರೆ ಮಗು ಬಾಟಲಿಯ ನಿಪ್ಪಲ್ ಅನ್ನು ಬಾಯಿಗೆ ಇಟ್ಟಾಗ ಚೀಪಲು ತಿಳಿದಿರಬೇಕು.

2. ಕೆಲಸಕ್ಕೆ ಹೋಗುವಾಗ ಮಾತ್ರವಲ್ಲ ಪ್ರಯಾಣದ ವೇಳೆಯಲ್ಲಿ ಸಹ ಈ ರೀತಿ ಸಂಗ್ರಹಿಸಿ ಕೊಂಡೊಯ್ಯಬಹುದು.

3. ಈ ರೀತಿ ಸಂಗ್ರಹಿಸಿದ ಹಾಲನ್ನು ಕೊಠಡಿಯ ಉಷ್ಣತೆಯಲ್ಲಿ 3-4 ಗಂಟೆ ಕಾಲ ಇಡಬಹುದು, ನಂತರ ಅದನ್ನು ಕುಡಿಯಲು ನೀಡಬಾರದು.

4. ಅದಕ್ಕಿಂತ ಹೆಚ್ಚಿನ ಸಮಯ ಹಾಲು ಕೆಡದಂತೆ ಫ್ರೀಜರ್ ನಲ್ಲಿ ಇಟ್ಟು ನೀಡಬಹುದಾಗಿದೆ.

5. ಫ್ರೀಜರ್ ನಲ್ಲಿ ಗಟ್ಟಿಯಾದ ಹಾಲನ್ನು ಉಗುರು ಬೆಚ್ಚಗಿನ ಬಿಸಿ ನೀರಿನಲ್ಲಿ ಹಾಕಿ ಕರಗಿಸಿ, ಕುದಿಯುವ ನೀರಿನಲ್ಲಿ ಬಿಸಿ ಬಾಟಲಿಯನ್ನು ಇಡಬಾರದು.

6. ಯಾವುದೆ ಕಾರಣಕ್ಕೂ ಹಾಲನ್ನು ಮೈಕ್ರೋವೇವ್ ನಲ್ಲಿ ಬಿಸಿ ಮಾಡಬಾರದು.

7. ಒಂದು ಸಲ ಬಾಟಲಿಯಲ್ಲಿನ ಹಾಲನ್ನು ನೀಡಿದ ನಂತರ ಅದರಲ್ಲಿ ಉಳಿದಂತಹ ಹಾಲನ್ನು ಪುನಃ ಬಳಸಬಾರದು, ಆದ್ದರಿಂದ 2-3 ಬಾಟಲಿಯಲ್ಲಿ 200 ml ನಷ್ಟು ಶೇಖರಿಸಿಡಬಹುದಾಗಿದೆ.

8. ಎದೆ ಹಾಲನ್ನು ಶೇಖರಿಸಿಟ್ಟಾಗ ಅದು ಸ್ವಲ್ಪ ಕಂದು ಬಣ್ಣದಲ್ಲಿರುವುದು, ಹಾಲನ್ನು ಮಗುವಿಗೆ ಕುಡಿಸುವ ಮೊದಲು ಚೆನ್ನಾಗಿ ಒಮ್ಮೆ ಅಲುಗಾಡಿಸಿ ಕುಡಿಯಲು ಕೊಡಬೇಕು.