ಸಂಖ್ಯಾಶಾಸ್ತ್ರ ಪ್ರಕಾರ ಯಾವ ಬಗೆಯ ಹರಳು ಧರಿಸಿದರೆ ನಿಮಗೆ ಮಂಗಳಕರ?

ಹರಳಿನ ಉಂಗುರ ಧರಿಸುವಾಗ ಹೆಚ್ಚಿನವರು ಹಾಗೇ ಸುಮ್ಮನೆ ಧರಿಸುವುದಿಲ್ಲ. ಜನ್ಮ ದಿನಾಂಕಕ್ಕೆ ತಕ್ಕಂತೆ ಧರಿಸುವುದರಿಂದ ಒಳ್ಳೆಯದು ಎಂದು ಹೇಳಲಾಗುವುದು.ಸಂಖ್ಯಾ ಶಾಸ್ತ್ರದಲ್ಲಿ ನಮ್ಮ ಜನ್ಮ ದಿನಾಂಕದ ಆಧಾರದ ಮೇಲೆ 9 ಸಂಖ್ಯೆಗಳಿವೆ. ಈ 9 ಸಂಖ್ಯೆಗಳಿಗೂ ನವಗ್ರಹಗಳಿಗೂ ಸಂಬಂಧವಿದೆ. ಒಂದೊಂದು ಸಂಖ್ಯೆ ಒಂದೊಂದು ಗ್ರಹವನ್ನು ಪ್ರತಿನಿಧಿಸುತ್ತದೆ. ನಿಮ್ಮ ಜನ್ಮ ದಿನಾಂಕಕ್ಕೆ ತಕ್ಕಂತೆ ಹರಳು ಧರಿಸಿದರೆ ಒಳ್ಳೆಯದು. ಇದರಿಂದ ನಿಮ್ಮ ಸಂಖ್ಯೆಯ ಗ್ರಹದ ಸಂಪೂರ್ಣ ಶುಭಫಲ ಪಡೆಯಬಹುದು.

ಸಂಖ್ಯೆ 1
1, 10, 19 ರಂದು ಜನಿಸಿದ ವ್ಯಕ್ತಿಯ ಆಡಳಿತ ಗ್ರಹ ಸೂರ್ಯ. ಸೂರ್ಯ ಗ್ರಹಗಳ ಅಧಿಪತಿ, ಪರಾಕ್ರಮದ ಸಂಕೇತ. ಸಂಖ್ಯಾ ಶಾಸ್ತ್ರದ ಪ್ರಕಾರ ಒಂದು ಸಂಖ್ಯೆ ನಿಮ್ಮದಾಗಿದ್ದರೆ ನೀವು ನೀಲಮಣಿ ಮತ್ತು ಹಳದಿ, ಪಚ್ಚೆ ಹರಳನ್ನು ಧರಿಸುವುದು ಒಳ್ಳೆಯದು. ಈ ಹರಳುಗಳು ನಿಮಗೆ ಮಂಗಳಕರ ಫಲಿತಾಂಶ ನೀಡುವುದು.

ಸಂಖ್ಯೆ 2
2, 11, 20 ಮತ್ತು 29 ರಂದು ಜನಿಸಿದವರ ಅಧಿಪತಿ ಮಂಗಳ ಗ್ರಹ. ಸಂಖ್ಯಾ ಶಾಸ್ತ್ರ ಪ್ರಕಾರ 2 ಸಂಖ್ಯೆ ಬರುವವರ ಅಧಿಪತಿ ಚಂದ್ರ. ನೀವು ಮುತ್ತಿನ ಆಭರಣಗಳನ್ನು ಧರಿಸುವುದು ಒಳ್ಳೆಯುವುದು ಎಂದು ಹೇಳಲಾಗುವುದು. ಮುತ್ತು ಧರಿಸುವುದರಿಂದ ಮುಂಗೋಪ ನಿಯಂತ್ರಣಕ್ಕೆ ಬರುತ್ತದೆ. ದಲ್ಲದೇ ರಾಡಿಕ್ಸ್ 2 ಗಾಗಿ ಮೋತಿ ರತ್ನ ಸಹಿಷ್ಣುತೆ ಮತ್ತು ಪ್ರೀತಿಯನ್ನು ತೋರಿಸುತ್ತದೆ.

ಸಂಖ್ಯೆ 3
3, 12, 21 ಮತ್ತು 30 ರಂದು ಜನಿಸಿದ ವ್ಯಕ್ತಿಗೆ ಸಂಖ್ಯಾಶಾಸ್ತ್ರ ಪ್ರಕಾರ 3 ಸಂಖ್ಯೆ ಬರುತ್ತದೆ, 3 ಸಂಖ್ಯೆಗೆ ರಾಹು ಅಧಿಪತಿ. ಹಿಂದೂ ನಂಬಿಕೆ ಪ್ರಕಾರ ರಾಹು ಶುಭ ಫಲವನ್ನು ನೀಡುವ ಗ್ರಹವಾಗಿದೆ. ಆದ್ದರಿಂದ ಕೆಂಪು ಹರಳು, ಹಳದಿ ಅಥವಾ ಹವಳದ ಆಭರಣ ನಿಮಗೆ ಶುಭವಾಗಿದೆ.

ಸಂಖ್ಯೆ 4
4, 13, 22 ಮತ್ತು 31 ರಂದು ಜನಿಸಿದರೆ ಸಂಖ್ಯಾ ಶಾಸ್ತ್ರ ಪ್ರಕಾರ ನಿಮ್ಮ ಸಂಖ್ಯೆ 4 ಆಗಿದೆ. ನಿಮಗೆ ನೀಲಮಣಿ ಅದೃಷ್ಟದ ಹರಳಾಗಿದೆ, ನೀಲಮಣಿ ದುಬಾರಿ, ಆದ್ದರಿಂದ ನೀವು ಪಂಚ ಲೋಹದ ಆಭರಣ ಕೂಡ ಧರಿಸಬಹುದು.

ಸಂಖ್ಯೆ 5
5, 14 ಮತ್ತು 23 ರಂದು ಜನಿಸಿದವರು 5 ಸಂಖ್ಯೆಯನ್ನು ಹೊಂದಿರುತ್ತಾರೆ. ನಿಮ್ಮ ಆಡಳಿತ ಗ್ರಹ ಬುಧವಾಗಿದ್ದು ನಿಮಗೆ ಪಚ್ಚೆ ಹರಳು ಶುಭವಾಗಿದೆ . ಬುಧ ನಮ್ಮ ಬುದ್ಧಿವಂತಿಕೆ, ತಾರ್ಕಿಕ ಸಾಮರ್ಥ್ಯದ ಮೇಲೆ ಪ್ರಭಾವ ಬೀರುವ ಗ್ರಹವಾಗಿದೆ. ಬುಧದ ಪ್ರಭಾವ ಬಲವಾಗಿದ್ದರೆ ನಮ್ಮ ಸಂವಹನ ಸಾಮರ್ಥ್ಯದಿಂದ ಮುಂದುವರೆಯಲು ಸಾಧ್ಯವಾಗುವುದು.

ಸಂಖ್ಯೆ 6
6, 15 ಮತ್ತು 24 ರ ಜನ್ಮ ಸಂಖ್ಯೆಗಳು 6. 6 ಸಂಖ್ಯೆ ಹೊಂದಿರುವವರಿಗೆ ಶುಕ್ರ ಆಡಳಿತ ಗ್ರಹವಾಗಿದೆ. ಇದು ವ್ಯಕ್ತಿಯ ಜಾತಕದಲ್ಲಿ ಶುಭ ಯೋಗವನ್ನು ಸೃಷ್ಟಿಸುತ್ತದೆ. ಜ್ಯೋತಿಷ್ಯದ ಪ್ರಕಾರ, ಸಂಖ್ಯೆ 6 ರ ಜನ್ಮ ದಿನಾಂಕದ ಪ್ರಕಾರ, ಮಂಗಳಕರ. ನಿಮಗೆ ವಜ್ರದ ಆಭರಣ ಶುಭವಾಗಿದೆ.

ಸಂಖ್ಯೆ 7
7, 16 ಮತ್ತು 25 ರಂದು ಜನಿಸಿದ ಜನರು 7 ರ ಜನ್ಮ ಸಂಖ್ಯೆಯನ್ನು ಹೊಂದಿರುತ್ತಾರೆ. ಈ ಸಂಖ್ಯೆಯವರಿಗೆ ಬೆಳ್ಳಿ ಅತ್ಯಂತ ಶುಭವಾಗಿದೆ. ನಿಮ್ಮ ಕೈಯಲ್ಲಿ ಬೆಳ್ಳಿಯ ಉಂಗುರ ಅಥವಾ ಕಡಗ ಇದ್ದರೆ ಒಳ್ಳೆಯದು. ಬೆಳ್ಳಿಯ ಉಂಗುರದಲ್ಲಿ ಯಾವುದೇ ಹರಳು ಇರುವ ಆಭರಣ ಧರಿಸಬಹುದು.

ಸಂಖ್ಯೆ 8
8, 17 ಮತ್ತು 26 ರಂದು ಜನಿಸಿದ ಜನರು 8 ರ ಜನ್ಮ ಸಂಖ್ಯೆಯನ್ನು ಹೊಂದಿರುತ್ತಾರೆ. ಜನ್ಮ ಸಂಖ್ಯೆ 8 ರ ಆಡಳಿತ ಅಧಿಪತಿ ಶನಿ. ನಿಮಗೆ ನೀಲಮಣಿ ಹರಳು ಶುಭವಾಗಿದೆ. ನೀವು ಕಪ್ಪು ದಾರ ಅಥವಾ ಕಪ್ಪು ಮಣಿಗಳನ್ನು ಧರಿಸುವುದು ಕೂಡ ಶುಭವಾಗಿದೆ.

ಸಂಖ್ಯೆ 9
9, 18 ಮತ್ತು 27 ರಂದು ಜನಿಸಿದ ಜನರು 9 ಸಂಖ್ಯೆಯನ್ನು ಹೊಂದಿರುತ್ತಾರೆ. ಈ ಸಂಖ್ಯೆ ಬರುವವರಿಗೆ ಹವಳ ನಿಮ್ಮ ಅದೃಷ್ಟದ ಕಲ್ಲು. ನಿಮ್ಮ ಬಳಿ ಹಳವದ ಆಭರಣವಿದ್ದರೆ ಅದು ನಿಮಗೆ ಶುಭವಾಗಿದೆ.