ಗುಂಡಿಗಳಲ್ಲಿ ಕೆಸರು ನೀರು ತುಂಬಿರುವ ರಸ್ತೆ, ಅಂಥ ರಸ್ತೆಯಲ್ಲಿ ವೆಡ್ಡಿಂಗ್‌ ಫೋಟೋಗ್ರಫಿ: ವೀಡಿಯೋ ಸಿಕ್ಕಾಪಟ್ಟೆ ವೈರಲ್

ನೀವು ತರ-ತರದ ವೆಡ್ಡಿಂಗ್‌ ಫೋಟೋಶೂಟ್‌ ನೋಡಿರುತ್ತೀರಿ, ಆದರೆ ಈ ರೀತಿಯ ಫೋಟೋಶೂಟ್‌ ಖಂಡಿತ ನೋಡಿರಲ್ಲ, ಸುಂದರ ತಾಣಗಳಲ್ಲಿ ಹೋಗಿ ತುಂಬಾ ಯೂನಿಕ್ ಆಗಿ ಫೋಟೋಶೂಟ್‌ ಮಾಡುವವರನ್ನು ನೋಡುತ್ತೇವೆ.

ಆದರೆ ಕೆಸರು ನೀರು ತುಂಬಿರುವ ರಸ್ತೆಯಲ್ಲಿ ವೆಡ್ಡಿಂಗ್‌ ಫೋಟೋಶೂಟ್‌ ಮಾಡಿಸಿರುವುದು ನೋಡಿದ್ದೀರಾ? ಈ ವೀಡಿಯೋ ನೋಡಿದ ಮೇಲೆ ನಮ್ಮ ಬೆಂಗಳೂರಿನ ರಸ್ತೆಗಳಲ್ಲೂ ಹೀಗೆಯೇ ಫೋಟೋಶೂಟ್‌ ಮಾಡಿಸಿ ಸರ್ಕಾರವನ್ನು ಎಚ್ಚರಿಸಬೇಕು ಎಂದನಿಸದೆ ಇರಲ್ಲ.

ಅದು ವೆಡ್ಡಿಂಗ್‌ ಫೋಟೋ ಸೂಟ್‌ ಹೌದು, ಒಂದು ರೀತಿಯ ಪ್ರತಿಭಟನೆಯೂ ಹೌದು..... ಗುಂಡಿಗಳಿಂದ ತುಂಬಿದ ರಸ್ತೆ, ಮಳೆ ಬಂದಿರುವ ಕಾರಣ ಆ ರಸ್ತೆ ಗುಂಡಿಗಳಲ್ಲಿ ನೀರು ತುಂಬಿಕೊಂಡು ರಸ್ತೆ ಪರಿಸ್ಥಿತಿ ಮತ್ತಷ್ಟು ಹದಗಟ್ಟಿದೆ. ಇಂಥ ರಸ್ತೆಯಲ್ಲಿ ಓಡಾಡುವುದೇ ಜನರಿಗೆ ತುಂಬಾನೇ ಕಷ್ವವಾಗಿದೆ. ಇದರ ಬಗ್ಗೆ ಸರ್ಕಾರಕ್ಕೆ ಎಚ್ಚರಿಸಲು ಮದುಮಗಳು ಈ ದುಸ್ಥರವಾದ ರಸ್ತೆಯಲ್ಲಿ ಫೋಟೋಶೂಟ್‌ ಮಾಡಿಸಿಕೊಂಡಿದ್ದಾಳೆ.

ಮದುಮಗಳು ಚೆನ್ನಾಗಿ ಅಲಂಕಾರ ಮಾಡಿಕೊಂಡು ಆ ಗುಂಡಿ ಇರುವ ರಸ್ತೆಗಳಲ್ಲಿ ಗ್ರೇಸ್‌ಫುಲ್ ಆಗಿ ವಾಕ್‌ ಮಾಡುತ್ತಾ ತೆಗೆಸಿಕೊಂಡಿರುವ ವೀಡಿಯೋ ವೈರಲ್‌ ಆಗಿದೆ.

ಸ್ವಲ್ಪ ದಿನಗಳ ಹಿಂದೆ ಕೇರಳದ ರಸ್ತೆ ಗುಂಡಿಯಲ್ಲಿ ವ್ಯಕ್ತಿ ಸ್ನಾನ ಮಾಡುವ ಮೂಲಕ ಪ್ರತಿಭಟನೆ ಮಾಡುವ ವೀಡಿಯೋ ವೈರಲ್ ಆಗಿತ್ತು.

ಸ್ಪೀಡ್, ಹೆಲ್ಮೆಟ್ ಹಾಕಿಲ್ಲ, ಅದು- ಇದು ಅಂಂತ ದಂಡ ಹಾಕಿ ಹಣ ಸಂಗ್ರಹಿಸುವ ಸರ್ಕಾರ ಒಂದು ಸುಸ್ಥಿತಿಯಾದ ರಸ್ತೆ ನೀಡಲು ಮುಂದಾಗುವುದಿಲ್ಲ ಏಕೆ?