ಇಂದು ಪಿತೋರಿ ಅಮವಾಸ್ಯೆ: ಮುಸ್ಸಂಜೆ ಈ ಸಮಯದಲ್ಲಿ ವಿಶೇಷ ಪೂಜೆ ಮಾಡಿ

ಪಿತೋರಿ ಅಮವಾಸ್ಯೆಯ ಮಹತ್ವ

ಪ್ರಾಚೀನ ಗ್ರಂಥಗಳಲ್ಲಿ ಈ ಅಮಾವಾಸ್ಯೆಯನ್ನು ಕುಶೋತ್ಪತಿನಿ ಅಮವಾಸ್ಯೆ ಎಂದು ಕರೆಯಲಾಗುವುದು. ಈ ದಿನ ಸಂಗ್ರಹಿಸಿದ ದರ್ಬೆಯನ್ನು ಒಂದು ವರ್ಷಗಳವರೆಗೆ ಧಾರ್ಮಿಕ ಚಟುವಟಿಕೆಗಳಿಗೆ ಬಳಸಬಹುದು ಎಂದು ಹೇಳಲಾಗುವುದು. ಉತ್ತರ ದಿಕ್ಕಿನಲ್ಲಿರುವ ದರ್ಬೆಯನ್ನು ಮುಂಜಾನೆ ಕೀಳಬೇಕು. ಕೀಳುವಾಗ ಕೈಯಿಂದ ಕೀಳಬೇಕು. ಕತ್ತರಿ, ಕತ್ತಿ ಬಳಸಬಾರದು.

ದಾನದ ಮಹತ್ವ

ಈ ದಿನ ಬ್ರಾಹ್ಮಣರಿಗೆ ನಿಮ್ಮ ಕೈಯಲ್ಲಾದ ದಾನ ಮಾಡಿ. ಅಲ್ಲದೆ ಅಗ್ಯತವಿರುವವರಿಗೆ ದಾನ ಮಾಡಿ. ಹೀಗೆ ದಾನ ಮಾಡುವುದರಿಂದ ಅದರ ಪುಣ್ಯದ ಫಲದಿಂದ ಮನೋಕಾಮನೆಗಳು ಈಡೇರುವುದು.

ಮುಸ್ಸಂಜೆ ಹೀಗೆ ಮಾಡಿ

ಮುಸ್ಸಂಜೆ ಹೊತ್ತಿಗೆ ಅರಳಿ ಮರದ ಕೆಳಗೆ ಪೂರ್ವಜರನ್ನು ನೆನಪಿಸಿಕೊಂಡು ಸಾಸಿವೆ ಎಣ್ಣೆಯ ದೀಪ ಹಚ್ಚಿ, 7 ಬಾರಿ ಪ್ರದಕ್ಷಿಣೆ ಬನ್ನಿ.

ಪೂರ್ವಜರ ಹೆಸರಿನಲ್ಲಿ ಈ ದಿನ ಹಸುಗಳಿಗೆ ಮೇವು ದಾನ ಮಾಡುವುದರಿಂದ ಕೂಡ ಶುಭ ಉಂಟಾಗುವುದು. ಪೂರ್ವಜರಿಗೆ ಈ ದಿನ ತರ್ಪಣ ನೀಡಿದರೆ ಜಾತಕದಲ್ಲಿರುವ ಶನಿ, ರಾಹು ದೋಷ ದೂರವಾಗುವುದು. ಕುಂಡಲಿಯಲ್ಲಿ ಸರ್ಪ ದೋಷ ಇರುವವರು ಈ ದಿನ ವಿಶೇಷ ಪೂಜೆ ಮಾಡಿಸಿದರೆ ಅದು ನೀಗುವುದು ಎಂದು ಹೇಳಲಾಗುವುದು.

ತಿಥಿ ಸಮಯ ಹಾಗೂ ಪ್ರದೋಷ ಮುಹೂರ್ತ

ಪಿತೋರಿ ಅಮವಾಸ್ಯೆ ತಿಥಿ ಸಮಯ ಪ್ರಾರಂಭ: ಸೆ. 6 ಬೆಳಗ್ಗೆ 7:38ಕ್ಕೆ

ಪಿತೋರಿ ಅಮವಾಸ್ಯೆ ತಿಥಿ ಸಮಯ ಮುಕ್ತಾಯ: ಸೆ. 7 ಬೆಳಗ್ಗೆ 06:21ಕ್ಕೆ

ಪಿತೋರಿ ವ್ರತ ಪ್ರದೋಷ ಮುಹೂರ್ತ

ಪ್ರದೋಷ ಮುಹೂರ್ತ ಸೆ. 6 ಸಂಜೆ 06:37ರಿಂದ 8:54

ಈ ಸಮಯಲ್ಲಿ ವಿಶೇಷ ಪೂಜೆ ಮಾಡಿಸಿ.