ಮಾರ್ಚ್‌ 3ಕ್ಕೆ ಅಮಲಕಿ ಏಕಾದಶಿ: ಏಕಾದಶಿಯಂದು ಹೀಗೆ ಮಾಡಿದರೆ ಸಂಪತ್ತು ಹೆಚ್ಚುವುದು

ಏಕಾದಶಿ ತಿಥಿ

ಏಕಾದಶಿ ತಿಥಿ ಆರಂಭ - ಮಾರ್ಚ್ 02, 2023 ಬೆಳಗ್ಗೆ 06:39ರಿಂದ

ಏಕಾದಶಿ ತಿಥಿ ಮುಕ್ತಾಯ - ಮಾರ್ಚ್ 03, ಬೆಳಗ್ಗೆ 09:11ಕ್ಕೆ

ಪಾರಣ ಸಮಯ: ಮಾರ್ಚ್ 4 ಬೆಳಗ್ಗೆ 06:34ರಿಂದ 08:57ರವರೆಗೆ

ಅಮಲಕಿ ಏಕಾದಶಿ ಮಹತ್ವ

ಅಮಲಕಿ ಏಕಾದಶಿಯನ್ನು ಯಾರು ಅತ್ಯಂತ ಶ್ರದ್ಧೆಯಿಂದ ಆಚರಿಸುತ್ತಾರೋ ಅವರಿಗೆ ಸಂತೋಷ, ನೆಮ್ಮದಿ ಸಿಗುವುದು, ಮನೆಯಲ್ಲಿ ಸಮೃದ್ಧಿ ಹೆಚ್ಚುವುದು, ಅದೃಷ್ಟ ಕೈ ಹಿಡಿಯುವುದು. ಈ ಏಕಾದಶಿಯನ್ನು ಮಾಡಿದರೆ ಪಾಪ ಕಳೆದು ಮೋಕ್ಷ ಸಿಗುವುದು, ಇವರಿಗೆ ಶ್ರೀ ವಿಷ್ಣುವಿನ ಆಶೀರ್ವಾದ ಇರುತ್ತದೆ.

ಆಮ್ಲ ಎಂದರೆ ನೆಲ್ಲಿಕಾಯಿ, ಈ ದಿನ ನೆಲ್ಲಿಕಾಯಿ ಗಿಡಕ್ಕೆ ಪೂಜೆಯನ್ನ ಮಾಡಲಾಗುವುದು. ನೆಲ್ಲಿಕಾಯಿ ಗಿಡವನ್ನು ಪೂಜಿಸುವುದರಿಂದ ಭಕ್ತರ ಬಯಕೆ ಈಡೇರುವುದು, ಸಕ್ಲಪ ನೆರವೇರುವುದು.

ಅಮಲಕಿ ಏಕಾದಶಿ ಉಪವಾಸದ ಪೂಜಾ ವಿಧಾನ

ಏಕಾದಶಿಯ ದಿನ ಬೇಗನೆ ಏಳಬೇಕು. ಎದ್ದು ಸ್ನಾನ ಮಾಡಿ ವಿಷ್ಣು ಮೂರ್ತಿಯನ್ನು ಶುಚಿಗೊಳಿಸಿ, ಪೂಜೆಯ ಸ್ಥಳವನ್ನು ಸ್ವಚ್ಛ ಮಾಡಬೇಕು. ನಂತರ ಉಪವಾಸ ಸಂಕಲ್ಪ ಮಾಡಿ.

* ನೆಲ್ಲಿಕಾಯಿ ಮರಕ್ಕೆ ಅಲಂಕರಿಸಿ ಪೂಜೆ ಮಾಡಬೇಕು.

* ಶ್ರೀ ವಿಷ್ಣುವಿಗೆ ಹೂ ಹಣ್ಣುಗಳನ್ನು ಅರ್ಪಿಸಿ.

* ದೇವರಿಗೆ ಪ್ರಸಾದವನ್ನಾಗಿ ನೆಲ್ಲಿಕಾಯಿ ಅರ್ಪಿಸಿ.

ದಾನ ಮಾಡಿ

* ಈ ದಿನ ಬಡವರಿಗೆ ದಾನ ಮಾಡಿ.

* ಆಹಾರ, ಬಟ್ಟೆಗಳ ದಾನ ಮಾಡಿ

ಅಮಲಕಿ ಏಕಾದಶಿ ವ್ರತ ಕತೆ

ಪೌರಾಣಿಕ ಕತೆಯ ಪ್ರಕಾರ ರಾಜ ಮಂಧಾತನು ಒಮ್ಮೆ ದಧಿಚಿ ಎಂಬ ಋಷಿಯನ್ನು ಭೇಟಿಯಾಗಿ ತನ್ನ ರಾಜ್ಯದ ಸಮಸ್ಯೆಗಳನ್ನು ನಿವಾರಿಸುವಂತೆ ಕೇಳುತ್ತಾನೆ. ಆಗ ಋಷಿಯು ಅಮಲಕಿ ಏಕಾದಶಿ ಆಚರಿಸುವಂತೆ ಸೂಚಿಸುತ್ತಾನೆ. ರಾಜ ಭಕ್ತಿಯಿಂದ ಅಮಲಕಿ ಏಕಾದಶಿ ವ್ರತವನ್ನು ಆಚರಿಸಿದಾಗ ಅವನ ರಾಜ್ಯದ ಕಷ್ಟಗಳು ದೂರಾಗುವುದು, ತನ್ನ ಶತ್ರುಗಳ ಮೇಲೆ ಕೂಡ ಜಯ ಸಾಧಿಸುತ್ತಾನೆ.