ಬೆಟ್ಟ ಖರೀದಿಸುವ ಇಚ್ಛೆ ಹೊಂದಿರುವ ಅಗರ್ಭ ಶ್ರೀಮಂತನ ಕಥೆ ಇದು!

ಆತ ತನ್ನ ಇಚ್ಛೆಯನ್ನು ಸೈಟ್ ಒಂದರಲ್ಲಿ ಪೋಸ್ಟ್ ಮಾಡಿದ…

ಭದ್ರತಾ ಕಾರಣಗಳಿಂದಾಗಿ ಹೆಸರನ್ನು ಗೌಪ್ಯವಾಗಿ ಇಟ್ಟಿರುವ ಉದ್ಯಮಿಯೊಬ್ಬರು ತನ್ನ ಅಸಾಮಾನ್ಯ ಇಚ್ಛೆಯ ಬಗ್ಗೆ ಸೈಟ್ ಒಂದರಲ್ಲಿ ಪೋಸ್ಟ್ ಮಾಡಿರುವರು. ಹಶ್ ಹಶ್ ಡಾಟ್ ಕಾಮ್ ಎಂಬ ಆನ್ ಲೈನ್ ಮಾರ್ಕೆಟ್ ಸೈಟ್ ನಲ್ಲಿ ಆತ ತನ್ನ ಇಚ್ಛೆ ಬಗ್ಗೆ ಜಾಹೀರಾತು ನೀಡುರುವನು.

ಆತ 12 ಮಿಲಿಯನ್ ಪೌಂಡ್ ಪಾವತಿ ಮಾಡಲು ತಯಾರಾಗಿದ್ದಾನೆ!

ತನ್ನ ಕುಟುಂಬಕ್ಕೆ ಒಂದು ಸಪ್ರೈಸ್ ನೀಡುವ ದೃಷ್ಟಿಯಿಂದಾಗಿ ಆತ ಈ ಬೆಟ್ಟಕ್ಕಾಗಿ 12 ಮಿಲಿಯನ್ ಪೌಂಡ್ ತೆರಳು ಸಜ್ಜಾಗಿದ್ದಾನೆ ಎಂದು ವರದಿಗಳು ಹೇಳಿವೆ. ಆತ ಈ ಬೆಟ್ಟದಲ್ಲಿ ತನ್ನ ಪತ್ನಿಯ ಮುಖ, ಮೂರು ಗಂಡು ಮಕ್ಕಳು, ಒಬ್ಬಳು ಹೆಣ್ಣು ಮಗಳು ಮತ್ತು ತನ್ನ ಸಾಕು ನಾಯಿಯ ಮುಖವನ್ನು ರಚಿಸಲು ಬಯಸಿದ್ದಾನೆ.

ಸೈಟ್ ನಲ್ಲಿ ಆತನು ಹಾಕಿರುವಂತಹ ಮೆಸೇಜ್ ಈ ರೀತಿಯಾಗಿದೆ….

ನನ್ನ ಪರ ಇನ್ನೊಂದು ಕೆಲಸ ಮಾಡಬೇಕೆಂದು ಕೇಳಿಕೊಳ್ಳುವೆನು. ನಿಮಗೆ ಯಾವುದೇ ಬೆಟ್ಟ ಮಾರಾಟ ಮಾಡುತ್ತಿರುವ ಬಗ್ಗೆ ತಿಳಿದಿದೆಯಾ? ಬಂಡೆಯ ಮುಖ ಹೊಂದಿರುವಹದ್ದು ಆಗಿರಬೇಕು. ಇದಕ್ಕೆ ಕಾರಣವೇನೆಂದರೆ ನಾನು ಒಂದು ಖರೀದಿ ಮಾಡಬೇಕು ಮತ್ತು ನನ್ನ ಕುಟುಂಬದವರ ಮುಖವನ್ನು ಅದರಲ್ಲಿ ರಚಿಸಿ, ಸಪ್ರೈಸ್ ನೀಡಬೇಕು. ಕುಟುಂಬವನ್ನು ಅಮರವಾಗಿಸಲು ಇದು ಒಳ್ಳೆಯ ವಿಧಾನ. ಇದು ತುಂಬಾ ಮನರಂಜನೆ ಹಾಗೂ ವಿಭಿನ್ನವಾದ ವಿಧಾನ(ನಾನು ರಷ್ಮೋರ್ ಶೈಲಿಯ ಬಗ್ಗೆ ಆಲೋಚಿಸುತ್ತಿದ್ದೇನೆ).

ಆ ವ್ಯಕ್ತಿ ಯೋಜನೆ ಹಾಕಿರುವ ಅತೀ ದುಬಾರಿ ವಿಚಾರ ಇದು ಮಾತ್ರವಲ್ಲ!

ಎರಡು ವರ್ಷಕ್ಕೆ ಮೊದಲು ಆ ವ್ಯಕ್ತಿಯು ತನ್ನ ಕುಟುಂಬಕ್ಕಾಗಿ ಒಂದು ಖಾಸಗಿ ದ್ವೀಪವನ್ನೇ ಖರೀದಿ ಮಾಡಿದ್ದ. ಇಂದಿನ ಮೌಲ್ಯಕ್ಕೆ ಲೆಕ್ಕ ಹಾಕಿ ನೋಡಿದರೆ ಅದು ತುಂಬಾ ದುಬಾರಿ ಖರೀದಿ ಎಂದು ಹೇಳಬಹುದಾಗಿದೆ. ಇದರ ಹೊರತಾಗಿ ಆತ ತನ್ನ ಪತ್ನಿಗೆ ತುಂಬಾ ದುಬಾರಿಯಾಗಿರುವತಂಹ ನೆಕ್ಲೇಸ್ ಒಂದನ್ನು ಖರೀದಿ ಮಾಡಿದ್ದಾನೆ. ಈ ವಿಭಿನ್ನ ಇಚ್ಛೆಯ ಬಗ್ಗೆ ನಿಮ್ಮ ಅಭಿಪ್ರಾಯ ಏನು ಎನ್ನುವುದನ್ನು ಕಮೆಂಟ್ ಬಾಕ್ಸ್ ಗೆ ಹಾಕಲು ಮರೆಯಬೇಡಿ.