ಇಂತಹ ಜನರೂ ಇದ್ದಾರೆ-ನಾಯಿಯೊಂದಿಗೂ ಮದುವೆ ಮಾಡಿಕೊಳ್ಳುತ್ತಾರೆ!

ಬೀದಿ ನಾಯಿಯನ್ನು ಮದುವೆಯಾದ ಯುವತಿ

ಜಾರ್ಖಂಡದಲ್ಲಿ 18ರ ಹರೆಯದ ಯುವತಿಯೊಬ್ಬಳು ಮಂಗಳಿಕಳಾಗಿದ್ದ ಕಾರಣದಿಂದ ಸಂಪ್ರದಾಯಬದ್ಧವಾಗಿ ಬೀದಿನಾಯಿಯನ್ನು ಮದುವೆಯಾಗುತ್ತಾಳೆ. ಶೇರು ಎನ್ನುವ ಹೆಸರಿನ ನಾಯಿ ಮಂಟಪಕ್ಕೆ ಕಾರಿನಲ್ಲಿ ಬರುತ್ತದೆ ಮತ್ತು ಅತಿಥಿಗಳು ಅದನ್ನು ಸ್ವಾಗತಿಸುತ್ತಾರೆ. ಸುಮಾರು 70 ಮಂದಿ ಅತಿಥಿಗಳು ಮದುವೆ ಸಮಾರಂಭಕ್ಕೆ ಹಾಜರಾಗಿ ನೃತ್ಯದಲ್ಲಿ ಪಾಲ್ಗೊಂಡು ಭರ್ಜರಿ ಭೋಜನ ಆನಂದಿಸಿದ್ದಾರೆ.

ಮದುವೆಗೆ ಕಾರಣ

ಹುಡುಗಿಗೆ ಮಂಗಳಿಕ ಸಮಸ್ಯೆಯಿದೆ. ಇದರಿಂದ ಸಂಪೂರ್ಣ ಕುಟುಂಬ ಮತ್ತು ಸಮುದಾಯ ನಾಶವಾಗಬಹುದು. ಮನುಷ್ಯರನ್ನು ಮದುವೆಯಾಗುವ ಮೊದಲು ನಾಯಿಯನ್ನು ಮದುವೆಯಾಗಬೇಕೆಂದು ಸ್ಥಳೀಯ ಜ್ಯೋತಿಷ್ಯರೊಬ್ಬರು ಹುಡುಗಿಯ ಹೆತ್ತವರಿಗೆ ಹೇಳಿದ್ದರಂತೆ. ಮದುವೆಯಲ್ಲಿ ಭಾಗಿಯಾಗಲು ಹುಡುಗಿ ಶಾಲೆಗೆ ರಜೆ ಹಾಕಬೇಕಾಯಿತು. ಆಕೆಗೆ ಈ ಮದುವೆಯಿಂದ ತುಂಬಾ ದುಃಖವಾಗಿದೆ. ಹಳ್ಳಿಯ ಜನರ ಪ್ರಕಾರ ನನ್ನಂತೆ ಹಲವಾರು ಮಂದಿ ಈ ಸಂಪ್ರದಾಯ ಪಾಲಿಸಿದ್ದಾರೆ. ಅವರು ದುಷ್ಟಶಕ್ತಿಯಿಂದ ಮುಕ್ತರಾಗಿ ಸುಖಮಯ ಜೀವನ ಸಾಗಿಸುತ್ತಿದ್ದಾರೆ ಎಂದು ಆಕೆ ಹೇಳುತ್ತಾಳೆ.

ಹೆಣ್ಣು ನಾಯಿಯನ್ನು ಮದುವೆಯಾದ ಭೂಪ!

2007ರಲ್ಲಿ ಶಿವಗಂಗಾ ಜಿಲ್ಲೆಯ 33ರ ಹರೆಯದ ಸೇಲ್ವ ಕುಮಾರ್ ಎನ್ನುವಾತ ಹೆಣ್ಣು ನಾಯಿಯನ್ನು ಮದುವೆಯಾಗುತ್ತಾನೆ. ಆತ ಬಾಲ್ಯದಲ್ಲಿ ಎರಡು ನಾಯಿಗಳು ಜತೆಗೂಡುವ ವೇಳೆ ಕಲ್ಲು ಬಿಸಾಕಿ ಅವುಗಳನ್ನು ಕೊಂದಿದ್ದ. ಇದರ ಬಳಿಕ ನಡೆದ ಘಟನೆ ಮಾತ್ರ ನಂಬಲು ಅಸಾಧ್ಯವಾಗಿರುವಂತದ್ದು.

ಸೇಲ್ವ ಎಂಬ ಯುವಕನ ಮದುವೆಯ ಕಥೆ

ಸೇಲ್ವನ ಕೈ ಹಾಗೂ ಅಂಗಾಂಗಗಳು ಪಾರ್ಶ್ವವಾಯುವಿಗೆ ತುತ್ತಾದವು. ಒಂದು ಕಿವಿ ಕೇಳಿಸಲೇ ಇಲ್ಲ. ನಾಯಿಯ ಶಾಪದಿಂದ ಹೀಗೆ ಆಗಿದೆ ಎಂದು ಜ್ಯೋತಿಷಿಗಳು ಹೇಳಿದರು. ಶಾಪದಿಂದ ಮುಕ್ತನಾಗಲು ಹೆಣ್ಣು ನಾಯಿಯನ್ನು ಮದುವೆಯಾಗಬೇಕೆಂದರು. ಅದರಂತೆ ಸೇಲ್ವ ಮಂದಿರದವೊಂದರಲ್ಲಿ ಹೆಣ್ಣುನಾಯಿಯನ್ನು ಮದುವೆಯಾಗುತ್ತಾನೆ. ಹೆಣ್ಣು ನಾಯಿಯನ್ನು ಸೀರೆ ಹಾಗೂ ಒಡವೆ ಹಾಕಿ ಮದುಮಗಳಂತೆ ಶೃಂಗರಿಸಲಾಗಿರುತ್ತದೆ.

ದುರಾದೃಷ್ಟ ಹೋಗಲಾಡಿಸಲು...

ಮೇಲ್ಭಾಗದ ದವಡೆಯಲ್ಲಿ ಮೊದಲ ಹಲ್ಲು ಬಂದ 9ರ ಹರೆಯದ ಬಾಲಕಿಯು ಆಕೆಯ ಕುಟುಂಬಕ್ಕೆ ದುರಾದೃಷ್ಟವೆಂದು ಜ್ಯೋತಿಷಿಗಳು ಹೇಳಿದರು. ದುರಾದೃಷ್ಟ ಹೋಗಲಾಡಿಸಬೇಕಾದರೆ ಆಕೆ ನಾಯಿಯನ್ನು ಮದುವೆಯಾಗಬೇಕೆಂದು ಪರಿಹಾರ ಸೂಚಿಸಲಾಯಿತು.

ವಿದೇಶದಲ್ಲಿಯೂ ಇಂತಹ ಸಂಪ್ರದಾಯವಿದೆ!

ಇಂತಹ ಮೂಢನಂಬಿಕೆಗಳು ಕೇವಲ ಭಾರತದಲ್ಲಿ ಮಾತ್ರವಲ್ಲದೆ ವಿದೇಶದಲ್ಲೂ ಇದೆ. ಅಲ್ಲಿ ಕೂಡ ಮನುಷ್ಯರು ಪ್ರಾಣಿಗಳನ್ನು ಮದುವೆಯಾದ ಹಲವಾರು ಘಟನೆಗಳು ನಡೆದಿದೆ. 2005ರಲ್ಲಿ ಬ್ರಿಟನ್ ನ ಕೋಟ್ಯಾಧಿಪತಿ ಶಾರೋನ್ ಟೆಂಡ್ಲರ್ ಇಸ್ರೇಲ್ ನ ರೆಸಾರ್ಟ್ ಒಂದರಲ್ಲಿ ಡಾಲ್ಫಿನ್ ನ್ನು ಮದುವೆಯಾಗುತ್ತಾಳೆ. ಮದುವೆಯ ಬಿಳಿ ಬಟ್ಟೆ ಧರಿಸಿದ ಮದುಮಗಳು ಸಾವಿರಾರು ಮಂದಿ ಅತಿಥಿಗಳೊಂದಿಗೆ ಬರುತ್ತಾಳೆ. ಮೊಣಕಾಲೂರಿ ನೀರಿನಲ್ಲೇ ಇದ್ದ ಡಾಲ್ಫಿನ್ ಜತೆ ಆಕೆ ಮದುವೆಯ ವಿಧಿವಿಧಾನಗಳನ್ನು ಪೂರೈಸುತ್ತಾಳೆ.

2006ರಲ್ಲಿ ಸುಡಾನ್ ನ ವ್ಯಕ್ತಿ

2006ರಲ್ಲಿ ಸುಡಾನ್ ನ ವ್ಯಕ್ತಿಯೊಬ್ಬ ಮೇಕೆಯನ್ನು ಮದುವೆಯಾಗುತ್ತಾನೆ ಮತ್ತು ವಧುದಕ್ಷಿಣೆಯಾಗಿ 75 ಡಾಲರ್ ಗಳನ್ನು ಮೇಕೆಯ ಮಾಲಿಕನಿಗೆ ನೀಡುತ್ತಾನೆ. ಪ್ರಾಣಿಯೊಂದಿಗೆ ಲೈಂಗಿಕ ಕ್ರಿಯೆ ನಡೆಸುತ್ತಿದ್ದಾಗ ಸಿಕ್ಕಿಬಿದ್ದ ಕಾರಣ ಆತನಿಗೆ ಈ ಶಿಕ್ಷೆ ನೀಡಲಾಯಿತು.

All Image Courtesy