ಹಸ್ತರೇಖೆಗಳು: ಅಡ್ಡ-ದಿಡ್ಡಿಯ ರೇಖೆಯಲ್ಲಿದೆ ಅಂಕು-ಡೊಂಕಿನ ಭವಿಷ್ಯ!

ದೀರ್ಘಾಯಸ್ಸು ಮತ್ತು ಉತ್ತಮ ಆರೋಗ್ಯ

ಹಸ್ತಸಾಮುದ್ರಿಕೆಯ ಪ್ರಕಾರ ಜೀವನ ರೇಖೆ ಉದ್ದ, ಆಳ, ತೆಳು ಮತ್ತು ಸ್ಪಷ್ಟವಾಗಿದ್ದಷ್ಟೂ ವ್ಯಕ್ತಿಗೆ ಒಳ್ಳೆಯದು. ಒಂದು ವೇಳೆ ಈ ರೇಖೆ ನಡುವಿನಲ್ಲಿ ತುಂಡುತುಂಡಾಗಿದ್ದಂತಿದ್ದರೆ ಇದು ಅಪಶಕುನದ ಚಿಹ್ನೆಯಾಗಿದೆ.

ಜೀವನದ ದೂರದೃಷ್ಟಿ

ಒಂದು ವೇಳೆ ಮುಖ್ಯ ರೇಖೆ ಮತ್ತು ಜೀವನ ರೇಖೆಗಳೆರಡೂ ಹೆಚ್ಚೂ ಕಡಿಮೆ ಬೆರೆತಂತೆ ಕಂಡರೆ ಅಥವಾ ಇವುಗಳ ನಡುವಣ ಅಂತರ ತುಂಬಾ ಕಡಿಮೆ ಇದ್ದರೆ ಈ ವ್ಯಕ್ತಿಗಳು ತೆರೆದ ಮನಸ್ಸಿನವರಾಗಿದ್ದು ಸ್ವತಂತ್ರವಾದ ಯೋಚನೆಗಳನ್ನು ಹೊಂದಿರುತ್ತಾರೆ.

ತೊಂದರೆಗೆ ಒಳಗಾಗುವ ಸಾಧ್ಯತೆ

ವೇದಗಳ ಪ್ರಕಾರ ಒಂದು ವೇಳೆ ಜೀವನ ಮತ್ತು ಮುಖ್ಯ ರೇಖೆಯ ನಡುವೆ ಅತಿ ಹೆಚ್ಚು ಅಂತರವಿದ್ದರೆ ಈ ವ್ಯಕ್ತಿಗಳು ಕಾರ್ಯನಿರ್ವಹಿಸುವ ಮುನ್ನ ಯೋಚಿಸದ ಪ್ರವೃತ್ತಿಯವರಾಗಿದ್ದಾರೆ.

ತೊಂದರೆಗೆ ಒಳಗಾಗುವ ಸಾಧ್ಯತೆ

ಇವರು ಅಜಾಗರೂಕರೂ, ತಮಗೇ ಎಲ್ಲವೂ ಗೊತ್ತಿದೆ ಎಂದು ತಿಳಿದುಕೊಂಡಿರುವವರೂ ಆಗಿದ್ದಾರೆ. ಸಾಮಾನ್ಯವಾಗಿ ಈ ವ್ಯಕ್ತಿಗಳು ಸುಲಭವಾಗಿ ದೊಡ್ಡ ತೊಂದರೆಗೆ ಸಿಲುಕಿಕೊಳ್ಳುತ್ತಾರೆ.

ದೀರ್ಘಕಾಲದ ಅನಾರೋಗ್ಯ ಮತ್ತು ಅಪಘಾತ

ಒಂದು ವೇಳೆ ಎರಡೂ ಕೈಗಳ ಜೀವನರೇಖೆಗಳು ಮಧ್ಯದಲ್ಲಿ ನಡುವೆ ತುಂಡಾಗಿದ್ದಂತಿದ್ದರೆ ಈ ವ್ಯಕ್ತಿಗಳು ಅಕಾಲಿಕ ಮರಣ ಅಥವಾ ಭೀಕರ ಅಪಘಾತಕ್ಕೆ ತುತ್ತಾಗುವ ಸಾಧ್ಯತೆ ಹೆಚ್ಚಿರುತ್ತದೆ.

ದೀರ್ಘಕಾಲದ ಅನಾರೋಗ್ಯ ಮತ್ತು ಅಪಘಾತ

ಒಂದು ವೇಳೆ ಒಂದೇ ಹಸ್ತದ ಜೀವನರೇಖೆ ಮಾತ್ರ ತುಂಡಾಗಿದ್ದು ಇನ್ನೊಂದು ಹಸ್ತದ ರೇಖೆ ಸರಳವಾಗಿದ್ದರೆ ಈ ವ್ಯಕ್ತಿಗೆ ಜೀವನದ ಯಾವುದೋ ಹಂತದಲ್ಲಿ ಭೀಕರ ಕಾಯಿಲೆಯನ್ನು ಅನುಭವಿಸಬೇಕಾಗಿ ಬರಬಹುದು.

ದುರ್ಬಲವಾದ ದೇಹಸ್ಥಿತಿ

ವೇದಗಳ ಪ್ರಕಾರ ಒಂದು ವೇಳೆ ಜೀವನರೇಖೆ ಹಲವು ಕಡೆಗಳಲ್ಲಿ ತುಂಡುತುಂಡಾಗಿದ್ದರೆ ಅಥವಾ ಸರದಂತೆ ಕಂಡುಬಂದರೆ ಈ ವ್ಯಕ್ತಿಗಳು ದುರ್ಬಲ ಆರೋಗ್ಯ ಹೊಂದಿದ್ದು ಒಂದು ಅಥವಾ ಒಂದಕ್ಕಿಂತ ಹೆಚ್ಚಿನ ಅನಾರೋಗ್ಯದಿಂದ ಜೀವಮಾನವಿಡೀ ಬಳಲುತ್ತಿರುತ್ತಾರೆ.

ವೃತ್ತಿಜೀವನದ ರಹಸ್ಯ

ವೇದಗಳ ಪ್ರಕಾರ ಜೀವನರೇಖೆ ಕವಲಾಗಿ ಒಡೆದಿದ್ದು ಗುರುವಿನ ಸ್ಥಾನದಲ್ಲಿ ಪ್ರವೇಶ ಪಡೆದು ಮತ್ತೆ ಮುಂದುವರೆದಿದ್ದರೆ ಈ ವ್ಯಕ್ತಿಗಳು ತಮ್ಮ ವೃತ್ತಿಯಲ್ಲಿ ಯಶಸ್ವಿಯಾಗಿರುತ್ತಾರೆ. ಇವರು ವೃತ್ತಿಜೀವನದಲ್ಲಿ ಉತ್ತಮ ಸಾಧನೆಯನ್ನು ಸಾಧಿಸುವವರಾಗಿರುತ್ತಾರೆ.

ತೊಂದರೆಗಳ ನಿಜವಾದ ಮೂಲ

ವೇದಗಳ ಪ್ರಕಾರ ಜೀವನ ರೇಖೆ, ಹೃದಯ ರೇಖೆ ಮತ್ತು ಮುಖ್ಯ ರೇಖೆಗಳು ಪ್ರಾರಂಭದಲ್ಲಿ ಜೊತೆಗೂಡಿದ್ದರೆ ಈ ವ್ಯಕ್ತಿಗಳು ದುರಾದೃಷ್ಟವಂತರು, ದುರ್ಬಲರು ಮತ್ತು ಜೀವನದಲ್ಲಿ ಸದಾ ತೊಂದರೆಗಳಿಂದಲೇ ಸುತ್ತುವರೆದಿರುವವರೂ ಆಗಿರುತ್ತಾರೆ.

ಅದೃಷ್ಟವಂತರೋ ದುರಾದೃಷ್ಟವಂತರೋ?

ವೇದಗಳ ಪ್ರಕಾರ ಜೀವನ ರೇಖೆಯನ್ನು ಚಿಕ್ಕರೇಖೆಗಳು ತುಂಡರಿಸಿದ್ದರೆ ಅಥವಾ ಈ ರೇಖೆ ಕವಲಾಗಿ ಒಡೆದು ಕೆಳಮುಖವಾಗಿ ಮುಂದುವರೆದಿದ್ದರೆ ಈ ವ್ಯಕ್ತಿಗಳ ಜೀವನದಲ್ಲಿ ಬಹಳಷ್ಟು ತೊಂದರೆ ಎದುರಾಗಬಹುದು. ಅದೇ ಈ ರೇಖೆಗಳು ಮೇಲ್ಮುಖವಾಗಿ ತುಂಡಾದಂತೆ ಕಂಡುಬಂದರೆ ಈ ವ್ಯಕ್ತಿ ಅದೃಷ್ಟವಂತನೆಂದು ತಿಳಿಸುತ್ತವೆ.