ಈತ 33 ದಿನಗಳಿಂದಲೂ, ಸ್ನಾನ ಮಾಡದೇ ಬಿಂದಾಸ್ ಆಗಿದ್ದನಂತೆ!

ರೆಡ್ಡಿಟ್ ಬಳಕೆದಾರ: ನೀವು ಹೀಗೆ ಯಾಕೆ ಮಾಡಿದ್ದೀರಿ?

ಉತ್ತರ: ನಾನು ತುಂಬಾ ಉದಾಸೀನದ ವ್ಯಕ್ತಿ ಮತ್ತು ಹಾಸ್ಟೆಲ್‌ನಲ್ಲಿ ವಾಸಿಸುವಾತ. ಸ್ನಾನ ಮಾಡುವುದು ನನಗೊಂದು ಚಿಲ್ಲರೆ ಕೆಲಸ. ನಲ್ಲಿಯಲ್ಲಿ ಕೇವಲ ತಣ್ಣೀರು ಮಾತ್ರ ಬರುವ ಕಾರಣದಿಂದ ಕೋಣೆಯ ಹೊರಗಿನಿಂದ ಬಿಸಿ ನೀರನ್ನು ತರಬೇಕಾಗುತ್ತದೆ. ಸ್ನಾನ ಮಾಡುವಾಗ ಕೆಲವೊಂದು ಬಟ್ಟೆಗಳನ್ನು ಕೂಡ ತೊಳೆಯಬೇಕು. ಇದು ತುಂಬಾ ಕಠಿಣ ಕೆಲಸ. ಈಗ ನಾನು ಲಾಂಡ್ರಿ ಹಣವನ್ನು ಉಳಿತಾಯ ಮಾಡಿದ್ದೇನೆ.

ರೆಡ್ಡಿಟ್ ಬಳಕೆದಾರ: ಕೇವಲ ಎರಡು ಒಳ ಉಡುಪಿನಿಂದ ಹೇಗೆ ನಿರ್ವಹಣೆ ಮಾಡುತ್ತಿದ್ದಿಯಾ?

ಉತ್ತರ: ಮೊದಮೊದಲು ನನ್ನಲ್ಲಿ ಐದು ಒಳ ಉಡುಪುಗಳು ಇದ್ದವು. ಅದರಲ್ಲಿ ಒಂದು ಕಳೆದುಹೋಯಿತು. ಮತ್ತೊಂದು ತೂತುಬಿದ್ದು ನನ್ನ ರೂಮ್ ನಲ್ಲಿ ಒಣಗಿಸಲು ಬೇಸರವಾಗುತ್ತಾ ಇತ್ತು. ಮತ್ತೊಂದರ ಇಲಾಸ್ಟಿಕ್ ಹೋಗಿದೆ. ಈಗ ನನ್ನ ಬಲಿ ಕೇವಲ ಎರಡು ಮಾತ್ರ ಇದೆ. ಇದನ್ನು ಒಂದು ವಾರ ತನಕ ಬಳಸುತ್ತೇನೆ. ಕಲೆ ಮೂಡಿದಾಗ ಅಥವಾ ಒದ್ದೆಯೆಂದು ಅನಿಸಿದಾಗ ಅದನ್ನು ತೆಗೆದು ಮತ್ತೊಂದನ್ನು ಒಂದು ವಾರ ತನಕ ಬಳಸುತ್ತೇನೆ.

ರೆಡ್ಡಿಟ್ ಬಳಕೆದಾರ: 33 ದಿನ ಸ್ನಾನ ಮಾಡದೆ ಇದ್ದರೆ ದುರ್ವಾಸನೆ ಬರಲು ಆರಂಭವಾಗುತ್ತದೆ. ಇದನ್ನು ಹೇಗೆ ನಿಭಾಯಿಸುತ್ತೀರಿ?

ಉತ್ತರ: 3-4 ದಿನಕ್ಕೊಮ್ಮೆ ಸೋಪ್ ಹಾಕಿಕೊಂಡು ಮುಖ ತೊಳೆಯುತ್ತೇನೆ. ಬೇಕಿಂಗ್ ಸೋಡಾ ಮತ್ತು ಸ್ಯಾನಿಟೈಜರ್ ವಾಸನೆಯನ್ನು ಕಡಿಮೆ ಮಾಡುವುದು. ಇದರಿಂದ 6-7 ಗಂಟೆಗಳ ಕಾಲ ವಾಸನೆಯಿಂದ ದೂರವಿರುತ್ತೇನೆ. ಕೆಲವೊಂದು ಡಿಯೋಡ್ರೆಂಟ್ ನಿಂದ ದಿನವಿಡಿ ವಾಸನೆಯಿಂದ ದೂರವಿರಬಹುದು.

ರೆಡ್ಡಿಟ್ ಬಳಕೆದಾರ: ಚರ್ಮದಲ್ಲಿ ನಿಮಗೆ ಕಿರಿಕಿರಿ ಅಥವಾ ತುರಿಕೆ ಉಂಟಾಗುತ್ತಾ ಇದೆಯಾ? ಎಣ್ಣೆಯಂಶವಿರುವ ಕೂದಲಿನ ಬಗ್ಗೆ?

ಉತ್ತರ: ಮಣಿಗಂಟು ಸೇರಿದಂತೆ ದೇಹದ ಕೆಲವೊಂದು ಭಾಗಗಳಲ್ಲಿ ತುರಿಕೆ ಉಂಟಾಗುತ್ತದೆ. ಎಣ್ಣೆ ಮತ್ತು ಕೊಳೆಯಿಂದಾಗಿ ತಿಕ್ಕಾಟವು ಹೆಚ್ಚಾಗಿದೆ. ಈಗ ಕೊಳೆಯ ಒಂದು ಪದರವೇ ನಿರ್ಮಾಣವಾಗಿದೆ. ಎಣ್ಣೆಯಿರುವ ಕೂದಲಿನ ಬಗ್ಗೆ ಹೇಳುವುದಾದರೆ 18 ದಿನ ಕೂದಲನ್ನು ತೊಳೆದಿದ್ದೆ. ತಲೆಯಲ್ಲಿ ಇರುವ ತಲೆಹೊಟ್ಟಿಗಾಗಿ ಪ್ರತೀ ದಿನ ಕೂದಲು ಬಾಚಿಕೊಳ್ಳುತ್ತೇನೆ.

ಕರ್ನಾಟಕದ ದಕ್ಷಿಣ ಕರಾವಳಿ ಭಾಗದಲ್ಲಿ ನೀವು ವಾಸವಾಗಿದ್ದೀರಿ. ಇಲ್ಲಿ ಸೆಕೆ ಹೆಚ್ಚಿರುವ ಕಾರಣದಿಂದ ಜನರು ದಿನದಲ್ಲಿ ಎರಡು ಸಲ ತಣ್ಣೀರಿನ ಸ್ನಾನ ಮಾಡುತ್ತಾರೆ

ಉತ್ತರ: ಇದರಿಂದಾಗಿ ನಾನು ತುಂಬಾ ವಿಶೇಷವಾಗಿದ್ದೇನೆ.

ರೆಡ್ಡಿಟ್ ಬಳಕೆದಾರ: 34ನೇ ದಿನ ಸ್ನಾನ ಮಾಡಬೇಕೆಂದು ನಿಮಗೆ ಪ್ರೇರಣೆ ಸಿಕ್ಕಿದ್ದು ಹೇಗೆ?

ಉತ್ತರ: ಹಾಸ್ಟೆಲ್‌ನಲ್ಲಿ ವಾಸಿಸುವ ನಾನು 34ನೇ ದಿನ ಮನೆಗೆ ತೆರಳಿದೆ.

ರೆಡ್ಡಿಟ್ ಬಳಕೆದಾರ: ಪೋಷಕರು ಈ ವಿಷಯ ಕೇಳಿ ಏನು ಹೇಳಿದರು?

ಉತ್ತರ:ಮನೆಗೆ ಹಿಂತಿರುಗಿದಾಗ ಸ್ನಾನ ಮಾಡಿ ಕೂದಲು ಕತ್ತರಿಸಿಕೊಳ್ಳುವ ತನಕ ನನ್ನ ತಾಯಿ ಮಾತನಾಡಲೇ ಇಲ್ಲ.

ರೆಡ್ಡಿಟ್ ಬಳಕೆದಾರ: 34ನೇ ದಿನದಂದು ಸ್ನಾನ ಮಾಡಿದಾಗ ನಿಮಗೆ ಯಾವ ರೀತಿಯ ಭಾವನೆಯಾಗಿದೆ?

ಉತ್ತರ: ಸ್ನಾನ ಮಾಡಿಕೊಂಡು ಹೊರಬಂದಾಗ ನನ್ನ ಚರ್ಮವು ಬಿಳಿಯಾದಂತೆ ಕಾಣಿಸುತ್ತಾ ಇತ್ತು. ಕೊಳೆ ತೆಗೆಯಲು ನನಗೆ ಉಜ್ಜುವ ಕಲ್ಲನ್ನು ಬಳಸಬೇಕಾಯಿತು. ದೇಹದ ಕೆಲವೊಂದು ಭಾಗದಲ್ಲಿ ಮಿಲಿ ಮೀಟರ್ ದಪ್ಪದ ಕೊಳೆಯಿತ್ತು. ಈಗ ನನಗೆ ಹಗುರವಾದ ಭಾವನೆಯಾಗುತ್ತಾ ಇದೆ. ಚರ್ಮವು ತುಂಬಾ ಸೂಕ್ಷ್ಮವಾಗಿರುವಂತದ್ದಾಗಿದೆ. ದೇಹವನ್ನು ಯಾವುದೇ ವಸ್ತುವು ಮುಟ್ಟಿದಾಗ ಅದು ತುಂಬಾ ಬಲಿಷ್ಠವಾಗಿದೆ ಎಂದೆನಿಸುತ್ತದೆ. ಏನೇ ಕಾರಣಗಳಿರಲಿ. ಆದರೆ ಇಷ್ಟು ದಿನ ಕಾಲ ಸ್ನಾನ ಮಾಡದೆ ಕುಳಿತುಕೊಳ್ಳಲು ಹೇಗೆ ಸಾಧ್ಯ ಎನ್ನವುದೇ ದೊಡ್ಡ ಪ್ರಶ್ನೆಯಾಗಿದೆ.