ಜಪಾನ್‌ನ 'ಸ್ತನ ದೇವಾಲಯ' ಎಲ್ಲರನ್ನೂ ಅಚ್ಚರಿಯ ಕೂಪಕ್ಕೆ ತಳ್ಳುತ್ತಿದೆ!!

ಈ ಮಂದಿರ ಎಲ್ಲಿದೆ?

ಈ ಮಂದಿರ ಜಪಾನಿನ ಒಕಯಾಮಾ ಎಂಬ ಪ್ರಾಂತದಲ್ಲಿರುವ ಸೋಜಾ ಸಿಟಿ ಎಂಬ ನಗರದಲ್ಲಿದೆ. ಇದೊಂದು ವಿಶಿಷ್ಟ ಮಂದಿರವಾಗಿದ್ದು ಇದಕ್ಕೆ ಜಪಾನಿ ಭಾಷೆಯಲ್ಲಿ ಮಾಮಾ ಕಾನ್ನೋನ್ ಅಥವಾ ರ್‍ಯುವೋನ್ ಜಿ ಎಂದು ಕರೆಯುತ್ತಾರೆ. ಈ ಮಂದಿರ ಸ್ತನದ ದೇವತೆಯಾದ ಚಿಚಿಗಾಮಿಸಾಮಾಳಿಗೆ ಮುಡಿಪಾಗಿದೆ.

ಇದನ್ನು ಯಾವಾಗ ಸ್ಥಾಪಿಸಲಾಯಿತು?

ಈ ವಿಶಿಷ್ಟ ಮಂದಿರವನ್ನು 1678ರಲ್ಲಿ ಸ್ಥಾಪಿಸಲಾಯಿತು. ಆದರೆ ಈ ಸ್ಥಳ ಇಂದು ಮಂದಿರಕ್ಕಿಂತಲೂ ಹೆಚ್ಚಾಗಿ ಇದರ ಸುತ್ತಲೂ ನೆಟ್ಟಿರುವ dead weeping cherry ಎಂಬ ಮರಗಳಿಗಾಗಿ ಪ್ರಸಿದ್ಧವಾಗಿದೆ.

ಈ ಮಂದಿರದ ಗೋಡೆಗಳ ವೈಶಿಷ್ಟ್ಯವೇನು?

ಈ ಮಂದಿರಕ್ಕೆ ಬರುವ ಪ್ರವಾಸಿಗರಿಗೆ ಗರ್ಭಗುಡಿಗಿಂತಲೂ ಹೆಚ್ಚಾಗಿ ಗೋಡೆಗಳೇ ಆಕರ್ಷಣೀಯವಾಗಿವೆ. ಏಕೆಂದರೆ votive tablets ಅಥವಾ ಸಾಂಕೇತಿಕ ಸ್ತನಗಳಂತಿರುವ ಫಲಕಗಳನ್ನು ಅಳವಡಿಸಲಾಗಿದೆ. ಇವುಗಳನ್ನು ಇಮಾ (ema) ಎಂದು ಕರೆಯುತ್ತಾರೆ. ಈ ಇಮಾಗಳು ಮಹಿಳೆಯರ ಸ್ತನಗಳ ಪ್ರತೀಕವಾಗಿವೆ.

ಇಮಾ ಇಲ್ಲಿ, ಇಮಾ ಎಲ್ಲೆಲ್ಲೂ...

ದೇವಾಲಯದ ಒಳಭಾಗದಲ್ಲಿ ಎಲ್ಲಿಲ್ಲಿಯೂ ನೂರಾರು ಸಾವಿರಾರು ಇಮಾಗಳನ್ನು ಅಳವಡಿಸಿದ್ದು ಇವು ವಿವಿಧ ರೂಪಗಳಲ್ಲಿವೆ. ಇವುಗಳ ಕೆಳಗೆ ಚಿಕ್ಕ ಮರದ ಹಲಗೆ ಇದ್ದು ಇದರ ಮೇಲೆ ಭಕ್ತರು ತಮ್ಮ ಪ್ರಾರ್ಥನೆಗಳನ್ನು ಮತ್ತು ಅಭೀಷ್ಟೆಗಳನ್ನು ಬರೆದು ದೇವತೆಯಲ್ಲಿ ಇದನ್ನು ಈಡೇರಿಸುವಂತೆ ಪ್ರಾರ್ಥಿಸುತ್ತಾರೆ.

ಈ ಪರಿಯ ಪ್ರಾರ್ಥನೆಯೇಕೆ?

ಸ್ತನದೇವತೆಯನ್ನು ಪ್ರಾರ್ಥಿಸುವ ಮೂಲಕ ಮಹಿಳೆಯರು ಸುಖಪ್ರಸವಗೊಳ್ಳಲು ಸಾಧ್ಯವಾಗುತ್ತದೆ ಹಾಗೂ ತಾಯಿಹಾಲು ಉತ್ತಮ ಪ್ರಮಾಣದಲ್ಲಿ ಉತ್ಪತ್ತಿಯಾಗುತ್ತದೆ ಎಂದು ಭಕ್ತರು ನಂಬುತ್ತಾರೆ. ಅಲ್ಲದೇ ಈ ದೇವತೆಯನ್ನು ಪ್ರಾರ್ಥಿಸಿದರೆ ಸ್ತನ ಕ್ಯಾನ್ಸರ್ ಸಹಾ ಗುಣವಾಗುತ್ತದೆ ಎಂದು ನಂಬಲಾಗಿದೆ.

ಮಹಿಳೆಯರು ಇಲ್ಲಿ ಪ್ರಾರ್ಥನೆ ಸಲ್ಲಿಸಲು ಇನ್ನೂ ಹಲವಾರು ಕಾರಣಗಳಿವೆ

ಕೇವಲ ಸುಖಪ್ರಸವ ಮತ್ತು ತಾಯಿಹಾಲು ಹೆಚ್ಚಲು ಮಾತ್ರವಲ್ಲ, ಇನ್ನೂ ಕೆಲವಾರು ಬೇಡಿಕೆಗಳನ್ನು ಮಹಿಳೆಯರು ಸ್ತನದೇವತೆಗೆ ಸಲ್ಲಿಸುತ್ತಾರೆ. ಇವುಗಳಲ್ಲಿ ಪ್ರಮುಖವಾದುದೆಂದರೆ ಸ್ತನಗಳ ಗಾತ್ರ ಹೆಚ್ಚಿಸುವುದು. ಇನ್ನುಳಿದಂತೆ ಸ್ತನತೊಟ್ಟು ಗುಲಾಬಿ ಬಣ್ಣಕ್ಕೆ ಬರಬೇಕು, ಜೋತುಬಿದ್ದವು ಸುಂದರವಾಗಬೇಕು ಎಂದೆಲ್ಲಾ ಇವರ ಬಯಕೆಗಳಾಗಿವೆ.

All Image source