ವಿಶ್ವ ರಕ್ತದಾನ ದಿನ 2021: ರಕ್ತದಾನ ಮಾಡುವುದು ಒಳ್ಳೆಯದೇ?

ವಾಸ್ತವಾಂಶ 1

ರಕ್ತದಾನ ಶಿಬಿರಗಳಲ್ಲಿ ಪಡೆಯುವಂತಹ ರಕ್ತದ ಪ್ಲಾಸ್ಮಾ ತೆಗೆದು ಅದನ್ನು ಔಷಧಿ ಕಂಪೆನಿಗಳಿಗೆ ಹೆಚ್ಚಿನ ಹಣಕ್ಕೆ ಮಾರಾಟ ಮಾಡುತ್ತಾರೆ. ಇದು ಒಂದು ರೀತಿಯ ಕೆಟ್ಟ ವ್ಯಾಪಾರವಲ್ಲವೇ?

ವಾಸ್ತವಾಂಶ 2

ಪ್ರತೀ ತಿಂಗಳಿಗೊಮ್ಮೆ ರಕ್ತದಾನ ಶಿಬಿರಗಳು ಅಲ್ಲಲ್ಲಿ ನಡೆಯುತ್ತಾ ಇದ್ದರೂ ರಕ್ತದ ಅಭಾವ ಇದ್ದೇ ಇದೆ. ರಕ್ತದ ದಂಧೆಕೋರರು ರಕ್ತವನ್ನು ಮಾರುವುದು ಮತ್ತು ಕಳಪೆ ಮಟ್ಟದ ಶೇಖರಣಾ ಸಮಸ್ಯೆ ಇದಕ್ಕೆ ಕಾರಣವಾಗಿದೆ.

ವಾಸ್ತವಾಂಶ 3

ನೀವು ಉಚಿತವಾಗಿ ರಕ್ತವನ್ನು ದಾನ ಮಾಡುತ್ತೀರಿ. ಆದರೆ ಈ ಶಿಬಿರಗಳಲ್ಲಿ ಪಡೆಯುವ ರಕ್ತದಿಂದ ಹೆಚ್ಚಿನ ಲಾಭ ಮಾಡಿಕೊಳ್ಳಲಾಗುತ್ತದೆ. ಹೆಚ್ಚಿಗೆ ಹಣ ಪಡೆಯುವಂತಹವರಿಗೆ ರಕ್ತವನ್ನು ಕಾನೂನುಬಾಹಿರವಾಗಿ ಸರಬರಾಜು ಮಾಡಲಾಗುತ್ತದೆ.

ವಾಸ್ತವಾಂಶ 4

ರಕ್ತವನ್ನು ಮಾರುವುದು ಮತ್ತು ರಕ್ತದಾನಕ್ಕೆ ಹಣ ಪಡೆಯುವುದು ಕಾನೂನುಬಾಹಿರ. ರಕ್ತದಾನ ಮಾಡಿದವರಿಗೆ ಹಣ ನೀಡಲಾಗುತ್ತದೆ ಎನ್ನುವ ಗಾಳಿಸುದ್ದಿ ಇದೆ. ಕಾನೂನುಬಾಹಿರವಾಗಿ ರಕ್ತ ಪಡೆದು ಅದರಿಂದ ಹೆಚ್ಚಿನ ಲಾಭ ಮಾಡಿಕೊಳ್ಳುತ್ತಾರೆ.

ವಾಸ್ತವಾಂಶ 5

ಭಾರತ ಎಷ್ಟೇ ಮುಂದುವರಿದಿದ್ದರೂ ಇಂದು ಮತಭೇದ ಇದ್ದೇ ಇರುತ್ತದೆ. ಕೆಲವು ಮಂದಿ ಈಗಲೂ ಕೆಳಜಾತಿಯ ವರ್ಗದ ಜನರಿಂದ ರಕ್ತ ಪಡೆಯಲು ಹಿಂಜರಿಯುತ್ತಾರೆ. ಇಂತವರ ಬಗ್ಗೆ ಹೇಸಿಗೆ ಮೂಡುವುದು.

ವಾಸ್ತವಾಂಶ 6

ಕಾನೂನು ಬಾಹಿರ ರಕ್ತದಾನ ಶಿಬಿರಗಳಲ್ಲಿ ಬಡಜನರಿಂದ ಒತ್ತಾಯಪೂರ್ವಕವಾಗಿ ರಕ್ತ ಪಡೆದು ಅವರಿಗೆ ಬಿಡಿಗಾಸು ನೀಡಿ ಬಿಡಲಾಗುತ್ತದೆ. ಇಂತಹದ್ದು ನಮ್ಮ ಸುತ್ತಲೂ ನಡೆಯುತ್ತಾ ಇರುತ್ತದೆ. ಆದರೆ ಜನರು ಕಣ್ಣು ಮುಚ್ಚಿ ಕುಳಿತಿರುತ್ತಾರೆ.

ವಾಸ್ತವಾಂಶ 7

ಕಾನೂನುಬಾಹಿರ ರಕ್ತದಾನವು ಸುಮಾರು 300 ಕೋಟಿ ರೂ. ವಹಿವಾಟು ನಡೆಸುತ್ತದೆ. ದಿನ ಉರುಳಿದಂತೆ ಇದು ಹೆಚ್ಚಾಗುತ್ತಾ ಇರುತ್ತದೆ.

ವಾಸ್ತವಾಂಶ 8

ಕೆಲವೊಂದು ಕಡೆಗಳಲ್ಲಿ ನೇರವಾಗಿ ರೋಗಿಯಿಂದ ರೋಗಿಗೆ ರಕ್ತವನ್ನು ನೀಡಲಾಗುತ್ತದೆ. ಆದರೆ ಇದು ತುಂಬಾ ಅಪರೂಪ. ಆದರೆ ಕೆಲವೊಂದು ರಕ್ತದಾನ ಶಿಬಿರಗಳಲ್ಲಿ ಅತ್ಯಾಧುನಿಕ ಸಾಮಗ್ರಿಗಳು ಇರುವುದಿಲ್ಲ. ಇಂತಹ ಜಾಗಗಳಲ್ಲಿ ರಕ್ತದಾನ ಮಾಡುವುದು ಎಷ್ಟು ಸುರಕ್ಷಿತ? ಇಂತಹ ರಕ್ತದಾನ ಶಿಬಿರಗಳಲ್ಲಿ ರಕ್ತವನ್ನು ಪರೀಕ್ಷಿಸದೆ ಮತ್ತೊಬ್ಬರಿಗೆ ನೀಡಲಾಗುತ್ತದೆ.