ಛಲದಂಕ ಮಲ್ಲ 'ಮಿಲ್ಕಾ ಸಿಂಗ್‌' ಜೀವನದ ಸಾಹಸಗಾಥೆ

ಕೋಮು ಗಲಭೆಯಲ್ಲಿ ಪೋಷಕರನ್ನು ಕಳೆದುಕೊಂಡರು

ಭಾರತ ಮತ್ತು ಪಾಕಿಸ್ತಾನ ವಿಭಜನೆಯ ನಂತರ ನಡೆದ ಕೋಮು ದಂಗೆಯಲ್ಲಿ ಮಿಲ್ಖಾ ಸಿಂಗ್ ತಮ್ಮ ಪೋಷಕರನ್ನು ಕಳೆದುಕೊಂಡರು. ಆಗ ಅವರ ವಯಸ್ಸು 12. ಅಂದು ಪ್ರಾಣ ಕಾಪಾಡಿಕೊಳ್ಳಲು ಓಡು ಎಂದು ಹೇಳಿದ ಅವರ ಪೋಷಕರ ಮಾತಿನಂತೆ ಓಡಲು ಶುರು ಮಾಡಿದ ಮಿಲ್ಖಾರು, ಮುಂದೆ ಜೀವನಕ್ಕಾಗಿ ಸಹ ಓಡಿ ಸಾಧನೆ ಮಾಡಿದರು.

ಸೇನೆಗೆ ಸೇರುವ ಹಂಬಲ

ಇವರು ಭಾರತೀಯ ಸೇನೆಗೆ ಸೇರಲು ಬಯಸಿದ್ದರು. ಆದರೆ ಮೂರು ಬಾರಿ ಇವರನ್ನು ತಿರಸ್ಕರಿಸಲಾಯಿತು. ಆದರೆ ಛಲ ಬಿಡದ ಇವರು ತಮ್ಮ ನಾಲ್ಕನೇ ಪ್ರಯತ್ನದಲ್ಲಿ ಭಾರತೀಯ ಸೇನೆಗೆ ಸೇರ್ಪಡೆಯಾದರು. ಅಲ್ಲದೆ ಇಂಜಿನಿಯರಿಂಗ್ ಇಲಾಖೆಯಲ್ಲಿ ತಮ್ಮನ್ನು ತಾವು ನೊಂದಣಿ ಮಾಡಿಕೊಂಡರು.

1951ರಲ್ಲಿ ಕ್ರೀಡೆಯತ್ತ ಒಲವು...

1951ರಲ್ಲಿ ಇವರು ಸಿಖಂದರಾಬಾದಿನ ಇಎಮ್‌ಇ ಕೇಂದ್ರಕ್ಕೆ ಸೇರಿದಾಗ ಇವರಲ್ಲಿದ್ದ, ಕ್ರೀಡಾಪಟು ಬೆಳಕಿಗೆ ಬಂದಿತ್ತು, ಅಂದೇ ಛಲದಂಕ ಮಲ್ಲನಂತೆ ಹೋರಾಡಿ, ಜೀವನದಲ್ಲಿ ಸಾಧನೆಗೈಯುವ ಪಣತೊಟ್ಟರು

ತರಬೇತಿಯ ಸಂದರ್ಭದಲ್ಲಿ

ಆಯಾಸದ ಸಂದರ್ಭದಲ್ಲಿ (ಸೈನಿಕರು ಕಠಿಣ ಪರಿಶ್ರಮ ಪಡುತ್ತ ಕೆಲಸ ಮಾಡುವ ಸಂದರ್ಭ) ಇವರು ಚಲಿಸುತ್ತಿರುವ ಮೀಟರ್ ಗೇಜ್ ರೈಲುಗಳಿಗೆ ವಿರುದ್ಧವಾಗಿ ಓಡುತ್ತ ತರಬೇತಿಯನ್ನು ಪಡೆಯುತ್ತಿದ್ದರು. ಅಲ್ಲದೆತರಬೇತಿಯ ಸಂದರ್ಭದಲ್ಲಿ ಇವರು ರಕ್ತವನ್ನು ವಾಂತಿ ಮಾಡಿಕೊಳ್ಳುತ್ತಿದ್ದರು, ಮೂತ್ರದಲ್ಲಿ ಇವರಿಗೆ ರಕ್ತ ಕಾಣಿಸಿಕೊಳ್ಳುತ್ತಿತ್ತು.

ತರಬೇತಿಯ ಸಂದರ್ಭದಲ್ಲಿ

ಜೊತೆಗೆ ಕೆಲವೊಮ್ಮೆ ಇವರು ಪ್ರಜ್ಞೆಯನ್ನು ಸಹ ಕಳೆದುಕೊಳ್ಳುತ್ತಿದ್ದರು. ಆಗ ಕೆಲವೊಮ್ಮೆ ಇವರಿಗೆ ಆಮ್ಲಜನಕವನ್ನು ನೀಡಲಾಗುತ್ತಿತ್ತು. ಇನ್ನೂ ಕೆಲವೊಮ್ಮೆ ಇವರು ಆಸ್ಪತ್ರೆಯಲ್ಲಿ ಮರಣ ಶಯ್ಯೆಯಲ್ಲಿ ಮಲಗಿದ್ದರು. ಆದರೆ ಅಪ್ರತಿಮ ಸಾಧಕರಾದ ಇವರು ಈ ಪರಿಸ್ಥಿತಿಯನ್ನು ಗೆದ್ದು ಬಂದಿದ್ದರು.

ಮೊಟ್ಟ ಮೊದಲ ಸ್ಪರ್ಧಾತ್ಮಕ ಓಟ

ಇವರ ಮೊಟ್ಟ ಮೊದಲ ಸ್ಪರ್ಧಾತ್ಮಕ ಓಟದ ಸ್ಪರ್ಧೆಯು ಕ್ರಾಸ್ ಕಂಟ್ರಿ ರೇಸ್ ಆಗಿತ್ತು. 500 ಜನರಿದ್ದ ಈ ಸ್ಪರ್ಧೆಯಲ್ಲಿ ಇವರು 6 ನೇಯವರಾಗಿ ಸ್ಥಾನ ಪಡೆದರು. 1958 ರ ಏಶಿಯನ್ ಗೇಮ್ಸ್ ಸಂದರ್ಭದಲ್ಲಿ ಇವರು 400 ಮತ್ತು 200 ಮೀಟರ್ ಸ್ಪರ್ಧೆ ಎರಡರಲ್ಲೂ ಚಿನ್ನದ ಪದಕವನ್ನು ಪಡೆದರು. ಇವರು ಈ ಓಟಗಳನ್ನು ಕ್ರಮವಾಗಿ 21.6 ಮತ್ತು 47 ಸೆಕೆಂಡ್‌ಗಳಲ್ಲಿ ಪೂರ್ಣಗೊಳಿಸಿದರು.

ಮೊಟ್ಟ ಮೊದಲ ಚಿನ್ನದ ಪದಕ

1958 ರಲ್ಲಿ ನಡೆದ ಕಾರ್ಡಿಫ್ ಕಾಮನ್‌ವೆಲ್ತ್ ಗೇಮ್‌ನಲ್ಲಿ ಇವರು 400 ಮೀಟರ್ ರೇಸಿನಲ್ಲಿ ಕೇವಲ 46.16 ಸೆಕೆಂಡಿನಲ್ಲಿ ಗುರಿಯನ್ನು ತಲುಪಿದ್ದರು. ಇದು ಭಾರತ ಸ್ವಾತಂತ್ರ್ಯ ಪಡೆದ ನಂತರ್ ಭಾರತೀಯನೊಬ್ಬ ಕಾಮನ್‌ವೆಲ್ತ್ ಗೇಮ್‌ನಲ್ಲಿ ಗೆದ್ದ ಮೊಟ್ಟ ಮೊದಲ ಚಿನ್ನದ ಪದಕವಾಗಿತ್ತು.

ಸೇನೆಯಲ್ಲಿ ಭಡ್ತಿ

1958 ರ ಟೋಕಿಯೊ ಏಶಿಯನ್ ಗೇಮ್ಸ್ ನಂತರ ಸೇನೆಯಲ್ಲಿ ಇವರ ಸ್ಥಾನವನ್ನು ಸಿಪಾಯಿಯಿಂದ ಜೂನಿಯರ್ ಕಮೀಶನಡ್ ಆಫೀಸರ್ ಮಟ್ಟಕ್ಕೆ ಬಡ್ತಿಯನ್ನು ನೀಡಲಾಯಿತು.

ರೋಮ್ ಒಲಂಪಿಕ್ಸ್‌

1960 ರ ರೋಮ್ ಒಲಂಪಿಕ್ಸ್‌ನಲ್ಲಿ ಇವರು 400 ಮೀಟರ್ ಸ್ಪರ್ಧೆಯಲ್ಲಿ, ಎರಡನೆಯವರಾಗಿ ಗೆದ್ದು ಬಂದರು. ದುರದೃಷ್ಟವಶಾತ್ ಮಿಲ್ಖಾರವರು 1960 ರ ಒಲಂಪಿಕ್‌ನಲ್ಲಿ ಕೇವಲ 0.1 ಸೆಕೆಂಡ್‌ಗಳ ವ್ಯತ್ಯಾಸದಲ್ಲಿ ಕಂಚಿನ ಪದಕವನ್ನು ಕಳೆದುಕೊಂಡರು. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ರೋಮ್ ಒಲಂಪಿಕ್ಸ್‌

1960 ರ ಒಲಂಪಿಕ್‌ನಲ್ಲಿ ಇವರು ಅತ್ಯಂತ ಜನಪ್ರಿಯವಾಗಿದ್ದರು. ಕಾರಣ ಇವರ ಕೂದಲು ಮತ್ತು ಗಡ್ಡ. ಸಿಖ್ಖರ ಸಾಮಾನ್ಯ ಶೈಲಿಯಲ್ಲಿ ಗಡ್ಡ ಮತ್ತು ಕೂದಲು ಬೆಳೆಸಿದ್ದ ಇವರನ್ನು ರೋಮನ್ನರು ಒಬ್ಬ ಸನ್ಯಾಸಿಯಂತೆ ಕಾಣುತ್ತಿದ್ದರು. ಒಬ್ಬ ಸಾಧು ಅಥವಾ ಸನ್ಯಾಸಿ ಹೇಗೆ ಈ ಮಟ್ಟಿಗೆ ಓಟಗಾರನಾಗಬಲ್ಲ ಎಂದು ಅಚ್ಚರಿಪಡುತ್ತಿದ್ದರು. ಇವರು ತಲೆಗೆ ಸುತ್ತಿಕೊಳ್ಳುತ್ತಿದ್ದ ಟರ್ಬೈನ್ ಮತ್ತು ಪೇಟ ಸಹ ಅವರಿಗೆ ಫ್ಯಾಷನ್ ಆಗಿ ಕಾಣುತ್ತಿತ್ತು.

ಅಬ್ದುಲ್ ಖಾಲಿಕ್‌ರವರನ್ನು ಸೂಲಿಸಿದ ಹೆಗ್ಗಳಿಕೆ

1962 ರಲ್ಲಿ ಮಿಲ್ಖಾ ಸಿಂಗ್‌ರವರು ಪಾಕಿಸ್ತಾನದ ಅತ್ಯಂತ ವೇಗದ ಓಟಗಾರ ಅಬ್ದುಲ್ ಖಾಲಿಕ್‌ರವರನ್ನು ಸೋಲಿಸಿದರು. ಆಗ ಪಾಕಿಸ್ತಾನದ ಜನರಲ್ ಆಗಿದ್ದ, ಅಯೂಬ್‌ ಖಾನ್‌ರವರು ಇವರನ್ನು "ಹಾರುವ ಸಿಖ್" ಎಂದು ಬಿರುದು ನೀಡಿದರು.

ಮಾನವೀಯತೆ ಮೆರೆದ ಮಿಲ್ಖಾ

1999ರಲ್ಲಿ ಮಿಲ್ಖಾ ಸಿಂಗ್‌ರವರು ಕಾರ್ಗಿಲ್ ಯುದ್ಧದಲ್ಲಿ ಟೈಗರ್ ಹಿಲ್‌ನಲ್ಲಿ ಸೆಣಸುತ್ತ ಮರಣ ಹೊಂದಿದ ವೀರ ಯೋಧ ಹವಿಲ್ದಾರ್ ಬಿಕ್ರಂ ಸಿಂಗ್‌ರವರ ಮಗನನ್ನು ದತ್ತು ಪಡೆದುಕೊಂಡರು.

ತಿಹಾರ್ ಜೈಲಿಗೆ....

ಇವರು ಒಮ್ಮೆ ರೈಲಿನಲ್ಲಿ ಟಿಕೆಟ್ ಇಲ್ಲದೆ ಪ್ರಯಾಣ ಮಾಡುವಾಗ ಸಿಕ್ಕಿ ಬಿದ್ದು ತಿಹಾರ್ ಜೈಲಿಗೆ ಕಳುಹಿಸಲ್ಪಟ್ಟಿದ್ದರು. ಆದರೆ ಆಗ ಅವರ ಸೋದರಿ ತಮ್ಮ ಒಡವೆಗಳನ್ನು ಮಾರಿ ಇವರಿಗೆ ಜಾಮೀನು ನೀಡಿದ್ದರು.

ತಮ್ಮ ಆತ್ಮಕತೆಯನ್ನು 1 ರೂಪಾಯಿಗೆ ಮಾರಿದರು

ಇವರು ತಮ್ಮ ಆತ್ಮಕತೆಯನ್ನು ಚಿತ್ರ ನಿರ್ದೇಶಕ ಮತ್ತು ನಿರ್ಮಾಪಕರಾದ ಮೆಹ್ರಾರವರಿಗೆ ಕೇವಲ 1 ರೂಪಾಯಿಗೆ ಮಾರಿದರು. ಅದು "ಭಾಗ್ ಮಿಲ್ಕಾ ಭಾಗ್" ಎಂಬ ಚಲನಚಿತ್ರವಾಗಿ, ಸೂಪರ್ ಹಿಟ್ ಆಯಿತು.

ಕೊನೆಯ ಆಸೆ

ಇವರ ಕೊನೆಯ ಆಸೆ, ಒಲಂಪಿಕ್ ಪಂದ್ಯದಲ್ಲಿ ಓಟದಲ್ಲಿ ಭಾರತೀಯ ಹುಡುಗ ಅಥವಾ ಹುಡುಗಿ ಒಬ್ಬರು ಚಿನ್ನದ ಪದಕವನ್ನು ಗೆಲ್ಲುವುದನ್ನು ನೋಡಬೇಕಂತೆ.