ಈ ಊರಿನಲ್ಲಿ ಬರೋಬ್ಬರಿ ಮೂರು ಬಾರಿ ಮದುವೆ ಆಗುತ್ತಾರಂತೆ!

ಭಾರತವೊಂದು ಅಚ್ಚರಿಯ ನಾಡಾಗಿದ್ದು ಪ್ರತಿ ರಾಜ್ಯದ ಪ್ರತಿ ಜಿಲ್ಲೆಯಲ್ಲಿಯೂ ವಿಶಿಷ್ಟವೊಂದು ಇದ್ದೇ ಇರುತ್ತದೆ. ಮಹಾರಾಷ್ಟ್ರದ "ದೆಂಗನ್ಮಲ್" ಎಂಬ ಗ್ರಾಮ ಮುಂಬೈಯಿಂದ ಸುಮಾರು ನೂರೈವತ್ತು ಕಿ.ಮೀ ದೂರವಿದ್ದು ಕೇವಲ ಐನೂರು ಜನಸಂಖ್ಯೆ ಇರುವ ಈ ಪುಟ್ಟ ಊರು ಇತ್ತೀಚೆಗೆ ವಿಶ್ವದ ಗಮನ ಸೆಳೆಯುತ್ತಿದೆ. ಅಚ್ಚರಿಯಾದರೂ ಸತ್ಯ, ಈ ರೀತಿಯೂ ಮದುವೆ ನಡೆಯುತ್ತೆ!

ಏಕೆಂದರೆ ಈ ಗ್ರಾಮದಲ್ಲಿ ನಡೆದುಕೊಂಡು ಬರುತ್ತಿರುವ ವಿಧಿ ಕೊಂಚ ವಿಚಿತ್ರವಾಗಿದ್ದು ಇಲ್ಲಿನ ಪುರುಷರು ಒಂದಕ್ಕಿಂತ ಹೆಚ್ಚು ಬಾರಿ ವಿವಾಹವಾಗುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ. ಆದರೆ ಇದಕ್ಕೆ ಕಾರಣವೂ ಇದೆ. ಇದು ಯಾವ ಕಾರಣ ಎಂಬ ಕುತೂಹಲ ನಿಮಗೆ ಮೂಡಿದ್ದರೆ ಕೆಳಗೆ ನೀಡಿರುವ ಮಾಹಿತಿ ನಿಮ್ಮನ್ನು ಅಚ್ಚರಿಯ ಕೂಪಕ್ಕೆ ತಳ್ಳಬಹುದು ಅಷ್ಟಕ್ಕೂ ಒಂದಕ್ಕಿಂತ ಹೆಚ್ಚು ಬಾರಿ, (ಮೂರು ಬಾರಿ) ಮದುವೆಯಾಗಲು ಕಾರಣವೇನು ಗೊತ್ತೇ? ಮನೆಗೆ ಸಾಕಾಗುವಷ್ಟು ನೀರು ಪಡೆಯುವುದು!

ಮನೆಗೆ ನೀರು ಪಡೆಯಲು ಹೆಚ್ಚು ಮದುವೆಯಾಗುವುದು ಎಂದರೆ ಏನರ್ಥ? ಇದನ್ನು ಅರ್ಥ ಮಾಡಿಕೊಳ್ಳಬೇಕೆಂದರೆ ಈ ಗ್ರಾಮದ ಇತಿಹಾಸವನ್ನು ಕೊಂಚ ಅರಿಯಬೇಕು. ಈ ಗ್ರಾಮದಲ್ಲಿ ಅಂತರ್ಜಲ ಇಲ್ಲವೇ ಇಲ್ಲವೆನ್ನುವಷ್ಟು ಕಡಿಮೆ ಇದ್ದು ಕುಡಿಯುವ ನೀರು ಕಡಿಮೆ ಲಭ್ಯವಿರುತ್ತದೆ.

ಬೇಸಿಗೆಯಲ್ಲಂತೂ ಬಾವಿಗಳೆಲ್ಲಾ ತಳ ಹಿಡಿದು ದೂರದ ಸ್ಥಳದಿಂದ ಸೇದಿ ತರಬೇಕಾಗುತ್ತದೆ. ಅಂದರೆ ಈ ಕೆಲಸಕ್ಕೆ ಮನೆಯ ಒಬ್ಬಿಬ್ಬರು ಸಾಕಾಗುವುದಿಲ್ಲ. ಇದೇ ಕಾರಣಕ್ಕೆ ಪ್ರತಿ ಪುರುಷ ಇಬ್ಬರು ಅಥವಾ ಮೂವರನ್ನು ಮದುವೆಯಾಗುತ್ತಾರೆ.

ಬೇಸಿಗೆಯಲ್ಲಿ ಈ ಊರಿನಂತೆಯೇ ಅಕ್ಕಪಕ್ಕದ ಹಳ್ಳಿಗಳ ಹೆಚ್ಚಿನ ಬಾವಿಗಳೆಲ್ಲಾ ಒಣಗುವ ಕಾರಣ ಹಳ್ಳಿಗಳ ಜನತೆ ವಲಸೆ ಹೋಗುತ್ತಾ ಪರಸ್ಪರ ದೂರಾಗುವ ಕಾರಣ ಹೆಚ್ಚೂ ಕಡಿಮೆ ಈ ಗ್ರಾಮ ಒಂಟಿಯಾಗಿಬಿಡುತ್ತದೆ.

ಈ ಗ್ರಾಮದವರು ಮಾತ್ರ ಗ್ರಾಮವನ್ನು ತೊರೆಯದೇ ತಮ್ಮ ಕೆಲಸವನ್ನು ಮಾಡುತ್ತಾ ನೀರಿಗಾಗಿ ಮೈಲುಗಟ್ಟಲೆ ನಡೆಯುತ್ತಾ ಹೊತ್ತು ತರುತ್ತಾರೆ. ಪ್ರತಿ ಮಹಿಳೆಯೂ ಸರಿಸುಮಾರು ಹದಿನೈದು ಲೀಟರ್ ನೀರು ತರಲಿಕ್ಕೆ ಹನ್ನೆರಡು ಗಂಟೆಗಳಾದರೂ ನಡೆಯಬೇಕಾಗುತ್ತದೆ. ಇಂತಹ ಚಿತ್ರ-ವಿಚಿತ್ರ ಮದುವೆಯನ್ನು ಎಲ್ಲಿಯಾದರೂ ನೋಡಿದ್ದೀರಾ?

ಅಂದರೆ ಒಂದು ಹಗಲು ನಡೆಯಲು, ಮತ್ತು ರಾತ್ರಿ ವಿಶ್ರಮಿಸಲು ಬಳಕೆಯಾಗುವ ಕಾರಣ ಉಳಿದ ಕೆಲಸಗಳಿಗಾಗಿ ಇಬ್ಬರಿಗಿಂತ ಹೆಚ್ಚಿನ ಮಹಿಳೆಯರನ್ನು ಮದುವೆಯಾಗದೇ ಈ ಪುರುಷರಿಗೆ ಗತ್ಯಂತರವೇ ಇಲ್ಲ! ಮನೆಯಲ್ಲಿ ಹೆಚ್ಚು ಜನರಿದ್ದಷ್ಟೂ ಹೆಚ್ಚು ನೀರಿನ ಮಡಕೆಗಳು ತುಂಬುತ್ತವೆ ಎಂದು ಈ ಜನರು ಭಾವಿಸುತ್ತಾರೆ.

ಅಂತೆಯೇ ಮನೆಯ ಕೆಲಸಗಳನ್ನೆಲ್ಲಾ ಹಂಚಿಕೊಂಡು ಅನ್ಯೋನ್ಯತೆಯಿಂದ ನೆಮ್ಮದಿಯಿಂದ ಬಾಳುತ್ತಿದ್ದಾರೆ. ಒಂದು ವೇಳೆ ನಿಮ್ಮಲ್ಲಿ ಇಂತಹ ಅಚ್ಚರಿಯ ಮಾಹಿತಿ ಇದ್ದರೆ ನಮ್ಮೊಂದಿಗೆ ಖಂಡಿತಾ ಹಂಚಿಕೊಳ್ಳಿ.